YESAYA 15:7 - KITTA' MATANGKASA'

⁷ Nia' tau a'limbang ri pangka binangana Haarabim siagang nausahai ampasalamaki sikamma barang-baranna ke'nanga.

YESAYA 15:7 Referans Kwoze

YEREMIA 48:36

Sikontu kakalumanynyangnganna Kir-Heres siagang kabusu'na Moab lanynya'mi. Si'nai pa'maikKu anciniki katallassanna anjo ke'nanga; rapangA' tau appasa'ra suling kasusaang.

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YESAYA 10:14

Bansa-bansaya ri lino rapangi ru'mung jangang-jangang; gampang sikali kualleang barang-baranna ke'nanga, rapang tau angngallea bayao nibolika ri ru'munga. Tena ka'nyi' anrapa-rapa, tena assungkei pitto'na untu' acciu'-ciu'.”

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YESAYA 5:29

Ammarrungi sa'ranna tantarana rapang sa'ranna singaya, beru le'baka angngokko' apa najakkala', nampa naerang lari, nampa tena akkulle allappassangi.

KAIMANGNGANG 23:40

Ri allo makase'rea musti nuallei rappo-rappoang kaminang bajika battu ri kokonnu, kammayatompa leko'-leko' pandanga siagang tangke-tangke battua ri poko' kayu copponga leko'na, nampa nupakaramulai passua'-suarrang karannuanga untu' ampakalompoi Karaeng Allata'alanu.

YESAYA 15:8

Kemae-kemae ri pa'baeng-baenna Moab nia' kalangngerang sa'ra tau ammarrang. Piraunga kalangngerangi ri Eglaim siagang Beer-Elim.