YESAYA 14:23 - KITTA' MATANGKASA'

²³ LaKupa'jari kollangi Babel, napammantangngi kokoci'. LaKubarrasaki Babel sa'genna tangkasa'. INakke, Batara Kaminang Makoasaya anne a'bicara.”

YESAYA 14:23 Referans Kwoze

ZEFANYA 2:14

Anjorengi sikontu rupanna olo'-oloka lattinro siagang ammari-mari. La'ru'mungi kokocika ri anjo bangunang panraka siagang lakkio'-kioki battu ri jandela-jandelaya. Jangang-jangang kalaaka lakkao'-kaoki ri dallekang ballaka. Sikamma kayu camaraya ri bangunang-bangunanna anjo kotaya lala'busuki nialle.

PAPPICINI' 14:8

Battumi pole malaeka' ribokoanganna anjo malaeka' uru-urua; akkio'mi anjo malaeka' makaruaya angkana, “Tu'guru'mi! Tu'guru'mi kota Babel lompoa! Napa'jari nasa'ring ngasemmi je'ne' anggoro' sikontu bansaya ri lino, iamintu anggoro' battu ri napasu gau' bawanna!”

1 KARAENG-KARAENG 14:10

Lanri kammana anjo laKupabattui balaya mae ri kaluarganu. Yangasenna kaluarganu bura'nea, manna pole apa kadudukanna, lanibunoi. LaKupa'lanynyaki kaluarganu, sangkamma tau a'barrasaka loro sa'genna tangkasa'.

PAPPICINI' 18:2

Akkio' lompomi angkana, “Tu'guru'mi anjo bainea! Tu'guru'mi Babel lompoa! Kamma-kamma anne anjarimi tampa' pammantanganna setang-setanga siagang roh-roh ja'dalaka. Lalammi ammantang sangka' rupaya jangang-jangang rantasa' siagang nakabirisia taua.

2 KARAENG-KARAENG 21:13

LaKuhukkungi Yerusalem sangkamma batena Kuhukkung Samaria siagang Ahab karaeng Israel kammayatompa jari-jarina. LaKubarrasaki sa'genna tangkasa' sanrapang panne le'baka nibissai nampa nipatinompang.

YESAYA 13:6

Appiraung mako, lanri a'reppese'mi allonNa Batara, iamintu allo kapanrakang Napabattua Batara Kaminang Koasaya.

YESAYA 13:20

Manna sitau tania' ija lammantang anjoreng. Tena padete' tau Arab lampasangi kemana anjoreng ri tampaka, siagang tena pakalawaki langngerangi bembena siagang gimbala'na untu' a'ruku' anjoreng.

YESAYA 21:1

Iaminne pappasang ri passala'na Babel: Rapang anging puttusu' ammarrunga allalo ri parang lompoa, kammaminjo kabattuanna bala lompoa battu ri pa'rasangang hebaka.

YEREMIA 50:3

Nia' se're bansa battu wara' labattu ambunduki Babel, siagang ampa'jari anjo pa'rasanganga kamma parang kalotoro'. Taua siagang olo'-oloka lalari, siagang tenamo ero' ammantang anjoreng.”

YEREMIA 50:26

Bundukimi Babel battu ri kere-keremae, siagang lappoi sikontu gudang gandunna! Pattambungi barang-barang nirampasaka sangkamma punna appatambungko gandung! Ancuruki anne pa'rasanganga! Teako nia' nusesa!

YEREMIA 51:62

Punna le'baki anjo, appala' doang mako kamma anne, ‘O Batara, le'baki Kipau angkanaya anne kotaya laKiancuruki sa'genna sikamma rupataua kammayatompa olo'-oloka lalanynya' taba sikali, siagang anne tampaka la'jari sangkammai parang lompo satunggu-tungguna.’