YESAYA 14:21 - KITTA' MATANGKASA'

²¹ Lanipakaramulami pammunoanga! Ana'-ana' bura'nenu lamatei lanri dosana boe-boena ke'nanga. Tena manna sitau battu ri ke'nanga lammarenta ri lino yareka ambangung kota-kota.”

YESAYA 14:21 Referans Kwoze

MATIUS 23:35

Jari lanihukkung ngasengko sallang, lanri nubunona tau tenaya salana: Appakkaramula ri nibunona Habel tenaya salana, sa'genna nubunona Zakharia ana'na Berekia lalang ri alla'na Balla'Na Batara siagang tampa' pakkoro'bangnganga.

KAIMANGNGANG 26:39

Naia niaka sike'de' ammantang tassesa battu ri kau, attallasaka ri pa'rasanganna musunnu, lata'ronang-ronangi lanri dosa kalenna siagang dosana boe-boena.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

YESAYA 27:6

Ri wattu labattua sallang, bansa Israel lasanrapangi poko' kayu angngaka' siagang a'bakka', siagang napirassi tompo'na buttaya siagang rappo-rapponna.

AYUB 37:12

Allayangi rammanga alla'bang lino, lanri parentaNa Allata'ala na'gio' ri kere-keremae.

YESAYA 13:16

Lanaciniki ana' lolonna ke'nanga nilica', balla'na ke'nanga niella', siagang sikamma bainenna ke'nanga nigau' bawang.”