YESAYA 14:19 - KITTA' MATANGKASA'

¹⁹ mingka ikau tena jera'nu; maya'nu nipelaki sangkamma cu'la' nipelaka, nitambungi ri sikamma maya'na pejuang matea lalang bundu', siagang nipasambilaya siagang ke'nanga antama' ri kali'bong batua, rapang maya' nionjo'-onjokanga.

YESAYA 14:19 Referans Kwoze

YEREMIA 41:9

Anjo bungunga iamintu bungung lompo napare' Karaeng Asa ri wattunna nibunduki ri Baesa karaeng Israel.

YEREMIA 41:7

Tena nasallo battuna ke'nanga ri tangnga-tangnga kotaya, appakkaramulami Ismael siagang sikamma taunna ambunoi ke'nanga. Mingka nia' sampulo battu ri ke'nanga angkana ri Ismael, “Teaki' bunoi ikambe! Nia' ija ruang rupa gandunna ikambe, kammayatompa minynya' zaitun, siagang je'ne' bani. Yangaseng anjo nacokkoi ikambe ri pantaranganna kotaya.” Lanri kammana anjo tenamo nabunoi Ismael ke'nanga, mingka maraenganga nabuno ngasengi nampa napasambila maya'na antama' ri bungunga.

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

YEREMIA 16:6

Sikamma tau kalumanynyanga siagang tau kasi-asia ri anne pa'rasanganga lamatei natena tau antarawangi ke'nanga. Tena manna sitau lansessai kalenna yareka anggondoloki ulunna salaku pammatei ri kasusaanna ke'nanga.

2 KARAENG-KARAENG 9:25

Nakanamo Yehu ri Bidkar iamintu pambantuna, “Apaka nuu'rangi iji ri wattunta a'dongko' jarang ampinawangi Ahab, manggena Yoram? Anjo wattua Nakana Batara ri Ahab, ‘Kuassengi angkanaya inai ambunoi Ahab siagang sikontu ana'na subangngi, naKua'janji angkanaya laKuhukkungko anrinni todong ri kokoa anne.’ ” Nampa nakanamo pole Yehu mae ri anjo pambantuna, “Pasambilai anjo maya'na Yoram antama' ri kokonna Nabot, sollanna a'rupa hukkunganNa Allata'ala mae ri kalenna.”

1 KARAENG-KARAENG 21:24

Inai-nai kaluarganu mate ri kotaya, lanikanrei ri kongkong, siagang inai-nai mate ri pantaranganna kotaya lanikanrei ri jangang-jangang.”

1 KARAENG-KARAENG 21:19

pabattui mae ri ia angkana iNakke, Batara akkana kammA' anne, ‘Le'bakko ammuno, anrampasakko pole! Lanri kammana anjo, cera'nu lanilepaki ri kongkong, ri tampa'na kongkong-kongkonga allepaki cera'na Nabot!’ ”

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

YESAYA 13:15

Inai-nai nijakkala' lanitoboki sa'genna mate.

YESAYA 14:18

Sikontu karaeng le'baka ammarenta bansa-bansa nitarawangi siagang suara' massing ri jera'na ke'nanga,

YESAYA 34:3

Sikamma maya'na ke'nanga tena nalanitarawang, mingka nibalang parekangi sa'genna a'jari a'rasa siagang a'jari botto'. Sikamma monconga la'jari ejai lanri attalaka cera'na.

YEREMIA 51:4

Laloko' sannaki siagang lamatei ke'nanga ri agang-agang kotana ke'nanga.

YEHEZKIEL 32:27

Tena nanggappa ke'nanga acara nikuburu' nipakalompo sangkamma tau barania ri jammang riolo, ia naunga ri linona tau matea siagang sanjatana langkaka. Anjo sikamma tau barania nikuburuki siagang pa'dang niparirawangngang ulunna siagang pannangkisi' niparibarambanna. Ri wattunna attallasa', anjo sikamma tau barania, ma'nassa barani tojengi, sa'genna a'jari malla' ngaseng taua.