YESAYA 14:10 - KITTA' MATANGKASA'

¹⁰ Akkio' ngasemmi ke'nanga ri ia, angkana, ‘He! Kamma-kamma anne sangkamma mako ikambe, lamma siagang tena kullenu!

YESAYA 14:10 Referans Kwoze

YEHEZKIEL 32:21

Sikamma tubarani gammaraka siagang sikamma tau naaganga Mesir sita'gala' lalang pa'bundukang, lanaruppai siagang rannu kabattuanna tu Mesir antama' ri linona tau matea. Akkio' rannui ke'nanga angkana, ‘Sikamma anjo tau tenaya natappa' ri Allata'ala, matemi lalang pa'bundukang. Kamma-kamma anne battumi mae ke'nanga siagang anra'ba anrinni.’

KATO'BA 2:16

Tau toloa lalintaki nikaluppai, mingka manna tau cara'deka tena todong nalaniu'rangi. Pila' mange allo pila' lanipela' ngasengki' ri pangngu'rangi. Ikatte musti mate ngasengki', baji' tau cara'de' kammayatompa tau dongoka.

PAMMUJI 49:20

lanapinawang tonji boe-boena mae ri tampa' sassanga satunggu-tungguna.

YEHEZKIEL 26:20

Nampa Kukiringko mange ri linona tau matea untu' asse're siagang tau battua ri jammang riolo dudu. Kubalang parekangko ammantang tuli ri anjo lino tau matea, ri tangnga-tangngana loro-loro satunggu-tunggua, asse're siagang tau matea. Jari tenamo nalanipammantangngi buttanu, siagang tenamo nanipasibilangko tau attallasaka.