YESAYA 13:9 - KITTA' MATANGKASA'

⁹ Labattui allonNa Batara, siagang anjo alloa laNapa'betteseki kalarroang lompoNa. La'jari parang kalotoroki buttaya, siagang tunggala' tau dorakaya lapanraki.

YESAYA 13:9 Referans Kwoze

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

YESAYA 13:6

Appiraung mako, lanri a'reppese'mi allonNa Batara, iamintu allo kapanrakang Napabattua Batara Kaminang Koasaya.

NAHUM 1:2

Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

PAMMUJI 104:35

Boli'mi kamma lanynya' battu ri lino tau dorakaya, boli'mi kamma cappu' posso' tau ja'dalaka. Pujimi Batara, he nyawaku! Pujimi Batara!

PANGNGEBARANG 2:22

Mingka tau ja'dalaka siagang tau dorakaya lanipasambilai assulu' ri Allata'ala battu ri anjo pa'rasanganga, sanrapang ruku' nibi'buka battu ri buttaya.

PAPPICINI' 18:8

Passabakkang iaminjo, nasialloji bawang nanatujumo bala, – iamintu garring, si'na, siagang kacipurang. Na lanipammutungi siagang pepe', lanri Karaeng Allata'ala, sannaka MakoasaNa angngadeli.”

YESAYA 9:19

Ri sikontu anjo pa'rasanganga massing a're'bu'mi siagang sambarang mami apa-apa nakanre, mingka tena bassoro'na ke'nanga. Ba'lalo massing para iami sikanre-kanre sipa'agangngang!

YEHEZKIEL 13:5

Tena ke'nanga najagai tembo'-tembo' runtunga, siagang tena todong napakabajiki anjo tembo'-temboka. Jari, takkulleai nipartahangkang Israel punna kajariang bunduka ri allo battuKu anghukkungi.

YO"EL 1:15

A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.

YO"EL 2:31

Mataalloa la'jari sassangi siagang bulanga la'jari ejai sangkamma cera'. Kabusu'na anjo lakajariangi lalang tenanapa nabattu AllonNa Batara, iamintu allo hebaka siagang appakamalla'-mallaka!

NAHUM 1:8

Kontui a'ba lompoa battu Naancuruki musu-musunNa. Ia barania angngewai Nalappassangi kamateang sa'genna ancuru'.

ZAKHARIA 14:1

A'reppese'mi allo pangadelanNa Batara. Na laniella'mo Yerusalem, siagang lanibage-bagei wassele'na ri dallekang matannu.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

YESAYA 34:8

Iaminjo wattunna na Naalleangang Batara Sion siagang Napa'balassang mae ri sikamma musu-musunNa.

YESAYA 63:4

Le'ba'mi Kurancanakang allo pa'balassanga, siagang wattu kalappassanga mae ri ummakKu.

YESAYA 66:17

Nakana Batara, “Sikontu tau antangkasiai kalenna untu' a'balulung mange ri koko-kokoa mange anynyomba siagang anggaukangi ibadaya mae ri rewata-rewataya, lalanynyaki siagang tau angnganrea bawi, balao, kammayatompa kanre maraengannaya appakaringi'-ringika.

YO"EL 2:1

Tuiki tarompeka, pasa'rai tanra bahayaya ri Bulu' Sion matangkasaka, ri pammantangnganNa Allata'ala. Annekkere' mako, he pandudu'na Yehuda! Nasaba' a'reppese'mi AllonNa Batara siagang tasalloami nabattu.

ZEFANYA 1:15

Anjo alloa iamintu allo pangngalarroi, kasukkarang siagang kasusaang, allo karuntungang siagang pangngancurang, allo sassang siagang anremeng, allo makkapu' siagang rassi saliu'.