YESAYA 13:20 - KITTA' MATANGKASA'

²⁰ Manna sitau tania' ija lammantang anjoreng. Tena padete' tau Arab lampasangi kemana anjoreng ri tampaka, siagang tena pakalawaki langngerangi bembena siagang gimbala'na untu' a'ruku' anjoreng.

YESAYA 13:20 Referans Kwoze

YEREMIA 51:43

Kota-kotana a'jari tampa' appakamalla'-mallaki, rapang parang lompo kalotoroka. Tena tau ero' ammantang yareka allalo anjoreng.

YESAYA 14:23

LaKupa'jari kollangi Babel, napammantangngi kokoci'. LaKubarrasaki Babel sa'genna tangkasa'. INakke, Batara Kaminang Makoasaya anne a'bicara.”

YEREMIA 51:29

Annekkereki siagang ta'goccangi buttaya lanri Kugaukangi rancanaKu untu' ampa'jari Babel tampa' kalotoro' tenaya napammantangngi tau.

YEREMIA 51:25

He Babel, ikau rapangko moncong ampanrakiai sikontu linoa. Mingka iNakke, Batara, angngewako. LaKupasintakko siagang Kugulungko nampa Kubalang parekangko nikanre ri pepe' a'jari au.

YEREMIA 50:45

Lanri kammana anjo, pilangngeri apa le'baka Kurancanakang mae ri kota Babel, siagang apa ero' Kugaukang mae ri pandudu'na. Manna ana'-ana'na ke'nanga lanire'resang todong a'lampa, na kabusu'na taua a'jari malla' ngasengi.

YEREMIA 50:39

Lanri kammana anjo, Babel la'jarimi tampa' jing-jing siagang roh-roh ja'dala' kammayatompa jangang-jangang unta. Sa'genna satunggu-tungguna tenamo tau laero' ammantang anjoreng.

YEREMIA 50:21

Nakana Batara mae ri se're bansa niaka battu wara', “Bunduki pandudu'na Merataim siagang Pekod. Bunoi siagang panraki ke'nanga. Gaukangi parentaKu. INakke, Batara, anne akkana.”

YEREMIA 50:13

Lanri larroKu, nalaKupa'jari rumbangngang Babel siagang tenamo ampammantangngi. Sikontu allaloa anjoreng lata'bangka ngasengi siagang a'jari mallaki.

YEREMIA 50:3

Nia' se're bansa battu wara' labattu ambunduki Babel, siagang ampa'jari anjo pa'rasanganga kamma parang kalotoro'. Taua siagang olo'-oloka lalari, siagang tenamo ero' ammantang anjoreng.”

2 PATTOTTORANG 17:11

Battu ri Filistin annarimai passare jai pera' siagang passare maraengannaya, siagang battu ri tu Arab annarimai passare 7.700 gimbala' siagang 7.700 bembe.

YEREMIA 51:37

Anne pa'rasanganga la'jari pannambungang loroi, tampa' paccokkoanna kongkong romanga. Mallaki nasa'ring taua anciniki, siagang manna sitau tania' ero' ammantang anjoreng.

KELONG MALA'BIRI' 1:7

Paumi, he tanringku, kemaeko akkalawaki gimbala' kemae nupatinro ke'nanga punna karueng? Masakang lasanrapanga' tau padete' ri alla'-alla'na gimbala'na sikamma belanu?

YESAYA 21:1

Iaminne pappasang ri passala'na Babel: Rapang anging puttusu' ammarrunga allalo ri parang lompoa, kammaminjo kabattuanna bala lompoa battu ri pa'rasangang hebaka.

YEREMIA 49:33

Hazor lata'ronangi sa'genna satunggu-tungguna siagang a'jari tampa' paccokkoannai kongkong romang. Tenamo tau manna sitau lammantang anjoreng. INakke, Batara, anne akkana.”

AYUB 3:7

Boli'mi kamma bangngia rassi siagang sassang, tena passikarimangngi, tena karannuang.

YESAYA 25:2

Anjo kotaya le'ba'mi Kiancuru'; kota niaka balla' pattahanganna a'jari rumbangang. Balla' lompo nabangunga bansa maraenga cappu'mi, na tena nalanibangung poleang satunggu-tungguna.

YESAYA 34:17

Batara ambagei anjo pa'rasanganga mae ke'nanga na massing natarima bageanna. Lammantangi ke'nanga anjoreng satunggu-tungguna, siagang anjo buttaya la'jari napatangi ke'nanga tulusu' mae ri turunganna ke'nanga.