YESAYA 12:3 - KITTA' MATANGKASA'

³ Rapang je'ne' dinging ampakarannui tau turerea, kammaminjo batenu larannu, lanri Nipasalamakko ri Allata'ala.”

YESAYA 12:3 Referans Kwoze

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

YOHANES 1:16

Lompoi ri pangngamaseang; tena le'bakai ammari, assare barakka' ri katte.

PAMMUJI 36:9

Sukkuki ke'nanga ri kanre alla'bi-la'bia ri BallatTa, siagang inungang battua ri binangaTa appakanyamangi.

KELONG MALA'BIRI' 2:3

Rapang poko' appele' ri tangngana poko' kayu romang, kammami anjo tanringku ri alla'na tu bura'nea. Sannang nyawaku a'la'lang rawanganna, rappo-rapponna te'nei kasia'na.

1 SAMUEL 2:1

Nampa appala' doang Hana, angkana, “Napakarannui Batara atingku; gau'Na napakasannangi nyawaku. Mate'nei kusa'ring ancau-caui musungku, nasaba' le'ba' tojeng-tojengku Natulung Allata'ala.

YESAYA 41:18

Kupasolongi je'neka battu ri bulu'-bulu' a'gondoloka; lassuluki je'neka battu ri timbuseng je'neka ri tangnga-tangngana lapparaka. Parang lompoa laKupa'jari kollang; lassuluki je'neka battu ri butta kalotoroka.

YEHEZKIEL 47:9

Manna pole a'lo'loro' kemae anne binangaya, anjoremmi lajai sangka' rupa juku' siagang olo'-olo' maraengannaya. Je'ne'na Tamparang Matea napa'jari la'bai, siagang kemae-kemae a'lo'loro' anjo je'neka, anjoreng tommi lania' katallassang.

PAMMUJI 87:7

La'jogeki siagang lakkelongi ke'nanga, “Sion iami tampa' kabattuangku!”

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.