YESAYA 12:2 - KITTA' MATANGKASA'

² Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 12:2 Referans Kwoze

KALAPPASSANG 15:2

Batara angngalleia', Ia makkassa'; Iami ampasalamakka'. Ia Allata'alaku, erokka' mammuji mae ri Ia, Allata'alana boe-boeku, kupakkelongangi kala'biranNa.

PAMMUJI 27:1

Pammujina Daud. Batarami caya singarakku siagang kasalamakkangku, tena lakukamallakkang. Batara tampa' pa'la'langangku, tena kulamalla'.

PAMMUJI 118:14

Batara kagassingangku siagang panynyombangku, Iami le'ba' ampasalamaka'.

PAPPICINI' 7:10

Nampa akkio' lompo ke'nanga angkana, “Battu anjorengi ri Allata'ala kasalamakkanta, niaka ammempo irate ri empoang kala'biranga, siagang battu anjorengi ri anjo Ana' Gimbalaka!”

YUNUS 2:9

Mingka lakkelonga' pammuji mae ri Katte siagang assarea' koro'bang untu' iKatte. Sikontu janjingku lakurupai. IKatte Batara mappasalamaka.”

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

YEREMIA 3:23

Tena matu-matunna ikambe assua'-suara' anynyomba barhala irate ri coppo'-coppo' buluka. Battu ri Karaeng Allata'alana bawang ikambe pannulunna umma' Israel.

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

ROMA 1:16

Inakke tappa' sikalia' mae ri anjo Kabara' Bajika, lanri iaminjo kabara' kakoasanNa Allata'ala eroka ampasalamaki sikontu tau tappaka; uru-uruna iamintu bansa Yahudia, nampa bansa maraenga pole.

HOSEA 1:7

Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”

YESAYA 62:11

Napassareangi Batara anne pasanga mae ri sikontu cappa'na buttaya, angkana, “Pabattui mae ri pandudu'na Sion angkana, ‘Ciniki, battumi Batara Mappasalamaka! Nirurungang ri sikamma tau le'baka Nalappassang.’ ”

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

1 SAMUEL 2:1

Nampa appala' doang Hana, angkana, “Napakarannui Batara atingku; gau'Na napakasannangi nyawaku. Mate'nei kusa'ring ancau-caui musungku, nasaba' le'ba' tojeng-tojengku Natulung Allata'ala.

AYUB 13:16

Gassingka lanri anjo kabaraniangku nakusalama', saba' tau ja'dalaka tena nabarani andallekang ri Allata'ala!

PAMMUJI 112:8

Tena nalussa' yareka malla', lanri tappaki angkana lanibetai musunna.

YESAYA 10:24

Nakana Batara Kaminang Makoasaya mae ri umma'Na ammantanga ri Sion, “Teako mallakki mae ri tu Asyur, manna pole najallakkangko siagang nasessako ke'nanga kamma nagaukanga tu Mesir riolo.

YESAYA 17:10

O, Israel, nukaluppaimi Allata'ala le'baka ampasalamakko siagang alla'langiko sanrapang moncong batu kassaka. Kabalekanna, nulamungimi kokonnu untu' rewata-rewataya.

YESAYA 27:5

Mingka punna nia' musu-musunna ummakKu mae ri Nakke a'boya pa'la'langngang, boli'mi kamma assiama' siagang iNakke, Iyo, assiama' siagang iNakke.”

YESAYA 49:5

Ri tenanapa kulassu', Nakioka' Batara a'jari atanNa, untu' ampasse'rei umma' Israel, sollanna ammotere' ke'nanga mae ri Ia. Napa'jaria' Batara tunipakalompo, Allata'ala a'jari kagassingangku.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YESAYA 65:18

Rannu mako siagang atte'ne pa'mai' mako satunggu-tungguna lanri apa Kupa'jaria. LaKupa'jari Yerusalem beru rassia karannuang, siagang pandudu'na atte'ne-te'ne pa'maiki.

DANIEL 3:28

Nampa nakanamo karaenga, “Pujimi Allata'ala nasombaya Sadrakh, Mesakh siagang Abednego. Iami le'ba' assuroi malaeka'Na untu' ampasalamaki tallua atanNa matappaka mae ri Ia. Le'baki nadakkai ke'nanga parentaku siagang erokangngangi matea ke'nanga kala anynyombaya yareka appakalompo ri rewata maraeng, pantaranganna Allata'alana todong ke'nanga.

YO"EL 2:23

He ra'ya' Sion, rannu mako! Ma'reja-rejako nu ma'rannu-rannu! Lanri sikontu kabajikang battua ri Karaeng Allata'alanu. Ri wattu timoroka Napaturungangko bosi siganna'na. Ri wattu baraka Napaturungi bosia, kammayatompa ri wattu a'rappona rappo-rappoanga kamma riolo.

HABAKUK 3:18

tuli larannuna pa'maikku, nasaba' iKatte Karaeng Allata'ala mappasalamakku.

2 SAMUEL 7:24

Le'ba'mi bansa Israel Kipa'jari ummatTa sa'genna satunggu-tungguna, siagang iKatte o Batara, a'jari Allata'alana ke'nanga.

PAMMUJI 65:6

Kipiali ikambe iamintu Kisarei ikambe pammetang, Kigaukangi apa-apa appakalannasaka untu' ampasalamaki ikambe! IKattemi panrannuanna sikontu bansaya sa'genna mange ri tamparang bellaya.

PAMMUJI 68:20

Pujimi Batara, saba' Iami ampasalamakki'; allo-allona Napisang erangnganta.

PAMMUJI 68:21

Allata'alata Iamintu Batara Mappasalamaka, Ia allappassangki' battu ri kamateanga.

PAMMUJI 118:21

Mammujia' mae ri Katte, saba' Kiturukianga' pappalakku; Kisarema' pammetang.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YESAYA 38:20

Batara, iKatte ampamollea', jari makkelommi ikambe mammuji ri BallatTa akko'bi' kacapi, lalang sikontu tallasa'na ikambe.”

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?