YESAYA 11:14 - KITTA' MATANGKASA'

¹⁴ Lassamai ke'nanga ambunduki tu Filistin ri bageang ilau' siagang anrampasaki bansa-bansa bageang irayaya. Lanapatunduki ke'nanga bansa Edom siagang Moab, siagang bansa Amon latundu' tongi mae ri ke'nanga.

YESAYA 11:14 Referans Kwoze

YO"EL 3:19

Mesir la'jari parang kalotoroki, Edom la'jari rosoki, tena tau ampammantangngi. Nasaba' le'baki nabunduki tu Yehuda, siagang nabuno pandudu'na pa'rasangang tenaya salana.

DANIEL 11:41

Ba'lalo butta ga'gaya nabunduki ngaseng, siagang appulo sa'bui tau nabuno. Mingka kakaraengang Edom, Moab, siagang bageang parallua ri kakaraengang Amon lasalamaki.

YEREMIA 49:28

Iaminne kananNa Batara ri sesena suku Kedar siagang daera-daera kakoasanna Hazor, ia le'baka naalle Nebukadnezar karaeng Babel, “He Nebukadnezar, bunduki suku Kedar siagang ancuruki sikamma tau niaka iraya!

YESAYA 25:10

LaNajagai Batara Bulu' Sion, mingka tembo' pattahanganna Moab lanaonjo'-onjokangi rapang rarame ri tampa' loroa.

AMOS 9:12

Tu Israel lanakoasai pa'rasangang Edom niaka ija tassesa kammayatompa sikontu bansa Kupatanga riolo. INakke, Batara, anne a'bicara siagang iNakke langgaukangi anjo passalaka.”

MATIUS 8:11

Memang, jai tau lania' battu iraya siagang battu ilau' ero' a'rannu-rannu siagang Abraham, Ishak, siagang Yakub, lalang ri Lino BeruNa Allata'ala.

ZEFANYA 2:5

Nitunrai ngasengko, he tu Filistin, bansa ammantanga ri biring tamparanga. Le'ba'mi Napattantu Batara hukkunganga mae ri kau. LaNapanraki ngasengko, tena manna sitau battu ri kau lakkulle ta'lappasa'.

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

YESAYA 59:19

KoasaNa siagang kala'biranNa lanakamallakkangi sikontu taua battu raya sa'genna kalau'. Labattui rapang binanga sarringa lo'loro'na, nipammarrunga ri anging kancang.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

YESAYA 16:14

Na kamma-kamma anne Nakana Batara, “Ganna' tallun taung pole sallang, sikontu pakkalumanynyangngang nakalompoang pa'maika tu Moab lalanynya' kabusuki. Anjo ra'ya'na jaia, la'jari sike'de' mami siagang lammami.”

PAMMILANGNGANG 24:17

Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.

YESAYA 9:12

Tena ijapa nassesse' lalang bansa Israel, manna pole nanihukkummo ri Batara Kaminang Makoasaya; tena ijapa natoba' ke'nanga mae ri Ia.

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YESAYA 15:1

Iaminne pappasanNa Batara ri sesena Moab. Kota Ar siagang Kir laniancuruki lalang sipattang, siagang pa'rasangang Moab la'jari sino sikali.

YESAYA 63:1

“Inaika anjo niaka battu ri Bozra ri Edom? ejai bajunna, pakeanna accayai; teai sipato' gammara'na batena a'jappa.” “INakkemi Batara akkullea appasalama' siagang battua angngerang kabara' pammetang.”

YEREMIA 40:11

Lalang anjo wattua sikontu tu Israel niaka ri pa'rasangang Moab, Amon, Edom, siagang pa'rasangang-pa'rasangang maraenga, nalangngereki angkanaya karaeng Babel nasaremi ising sipa'gang tu Israel ammantang ri Yehuda, kammayatompa angkanaya le'ba'mi naangka' Gedalya a'jari guburnur.

YEREMIA 48:40

Nakana Batara, “Rapang jangang-jangang rajawali attamberoa siagang ka'nyi'na takka'ranga, kammami anjo nia' se're bansa lantamberoi Moab.

YEREMIA 49:22

Rapang jangang-jangang rajawali attambero siagang ka'nyi'na takka'ranga, kammami anjo musua labattu siagang antamberoi Bozra. Anjo alloa tantara Edom lamallaki rapang baine eroka ammana'.”

YEHEZKIEL 25:14

BansaKu Israel laKupakei untu' ampa'balassi Edom; siagang Edom lanihukkungi situru' kahebakkanna pangngalarroingKu. Lanaassengi Edom angkanaya antekamma kasia'na nitujua ri pangngalarroingKu. INakke, Batara, anne akkana.”

HABAKUK 1:8

Jaranna la'bi gassingi lari na macanga, siagang la'bi sekkeki na serigala cipuruka. Pasukang a'jaranna battui ri pa'rasangang-pa'rasangang bellaya; battui ke'nanga rapang balangkoa' antamberoi apa najakkalaka.

ZEFANYA 2:9

Lanri iNakke mattallasaka, Allata'alana bansa Israel, laKubarrasaki sa'genna tangkasa' bansa Moab siagang Amon, sangkamma Sodom siagang Gomora. Anjo pa'rasangang-pa'rasanganga larassi siagang bungung-bungung ce'la kammayatompa loro-loro napattimboia rompo' sa'genna satunggu-tungguna. Sesanna ummakKu ta'lappasaka lanaellaki pandudu'na, siagang lanaallei buttana ke'nanga.”

HAKING-HAKING 6:3

La'biangampa anjo pole sitabang a'lamung-lamung tu Israel pamarria battumi tu Midian siagang tu Amalek, kammayatompa tu maraengannaya battu ri parang kassika ambunduki tu Israel.

YEREMIA 49:2

Mingka lanarapiki sallang wattunna nalaKupilangngeriang pandudu'na Raba, ibukotana anjo Amon, iamintu sa'ra-sa'ra pakkio' pa'bundukang. Anjo kotaya la'jari rumbangngangi siagang desa-desa niaka ri tammulilina lala'busuki nakanre pepe'. Nampa Israel lanaallei ammotere' buttana battu ri tau le'baka riolo angngalle passai.

ZEFANYA 2:7

Pandudu'na Yehuda akkullea ta'lappasa' lanaempoi anjo daeranu. Lakkalawaki olo'-olo' ke'nanga anjoreng ri tampaka, siagang punna bangngi latinroi ke'nanga ri balla'na tu Askelon. Nasaba' Batara, iamintu Allata'alana ke'nanga, lanjagai pole ke'nanga siagang laNapa'jari ke'nanga akkalumanynyang poleang.