YESAYA 11:11 - KITTA' MATANGKASA'

¹¹ Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 11:11 Referans Kwoze

MIKHA 7:12

Sikamma taunnu lammotereki mae ri kau battu ri kere-keremae: battu raya ri Asyur, battu timboro' ri Mesir, battu ri daera Binanga Efrat, battu ri ba'leang tamparang siagang battu ri bulu'-bulu' bellaya.

ROMA 11:26

lanipasalama' ngaseng tommi sikontu tu Yahudia. Nasaba' nia' tattulisi' lalang ri Kittaka angkanaya, “Laniaki Karaeng Mappasalamaka battu ri Sion; laNapakabella ngasengi sikontu kaja'dallanna battu ri sossoranna Yakub.

YESAYA 10:20

Nia' sallang nanarapi' wattunna, na anjo bansa Israel niaka tassesa tenamo nalanapappirannuang kalenna mae ri bansa koasaya mae ri ke'nanga, sattika ampaccappuki ke'nanga, passangalinna napappirannuangi sarenna mae ri Batara, Allata'ala matangkasa'na Israel.

HOSEA 11:11

Battu ri Mesirki lania' battu ke'nanga sanrapang jangang-janganga linta'na, siagang battu ri Asyur rapang jangang-jangang bodobangkeng. Nampa laKuerang ammotere' ke'nanga mange ri balla'na. INakke, Batara, anne akkana.”

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

YESAYA 42:4

tena naranggasela yareka tappu' minasa, sa'genna nipaenteng kaadelanga ri lino. Sikamma pa'rasangang bellaya nakkuki ri pangngajarranna.”

YESAYA 24:15

na tau niaka ri bageang iraya lamammuji mae ri Ia. Pandudu' niaka ri biring tamparanga lanapakala'biriki Batara, Allata'alana Israel.

YESAYA 10:9

Kualle passai kota-kota Kalno siagang Karkemis, Hamat siagang Arpad. Kualle tongi kota-kota Samaria siagang Damsyik.

PA'JARIANG 11:2

Ri wattunna a'lampa bellamo anrai' ke'nanga, battumi ke'nanga ri se'reang parang lappara' ri Babilonia, nampa ammantang ke'nanga anjoreng.

PA'JARIANG 10:22

Sikamma ana'na Sem iamintu: Elam, Asyur, Arpakhsad, Lud, siagang Aram.

PA'JARIANG 10:10

Uru-uruna antamaya kakaraenganna iamintu Babel, Erekh, siagang Akad, tallu-talluna nia' ngasengi ri Babilonia.

2 KORINTUS 3:16

Mingka punna battu taua andallekang ri Batara, sanrapang nisungkemi anjo bongonga battu ri rupanna anjo taua.

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!

ZAKHARIA 9:2

Hamat a'baeng-baenga siagang Hadrakh Ia todong ampatangi, kammayatompa kota-kota Tirus siagang Sidon siagang sikontu kacara'dekanna pandudu'na.

ZAKHARIA 5:11

Appialimi angkana, “Mange ri Babel. Anjorengi ke'nanga lanapa'bangungang balla' panynyombang. Punna le'ba' anjo balla' panynyombanga, lanapadongkoki ke'nanga anjo karanjenga anjoreng untu' nasomba.”

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

HOSEA 1:11

Bansa Yehuda siagang bansa Israel lanipakase'rei ammotere'. Langngangkaki ke'nanga sitau pamimping, siagang la'bakkaki ke'nanga kammayatompa lakkalumanynyangi ammotere' ke'nanga ri pa'rasangang kalenna. Tojeng, allo Yizreel la'jarimi allo lompo!

DANIEL 11:18

Le'baki anjo lanabunduki bansa-bansa niaka ri biring tamparanga, najai na nabeta. Mingka nia' sitau karaeng bansa maraeng lampamari anjo gau' appakatunana; ba'lalo lanibalasaki anjo gau' appakatunaya mae ri ia.

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

YEHEZKIEL 30:14

Sikontu Mesir bageang timboro' laKupa'jari sino sikali siagang kota Soan ri bageang wara' laKutunui. Tebe, anjo ibukotaya laKuhukkungi,

YEHEZKIEL 27:6

Sikamma pa'bisenu, kayu-kayu lompo battu ri Basan nipare'. Dapara'nu kayu camara nipare', battu ri pulo Siprus kabattuanna, belo-belona battu ri gading ka'jalaka anggaranna.

YEREMIA 49:23

Iaminne kananNa Batara ri sesena Damsyik. “Pandudu'na kota Hamat siagang Arpad ranggaselai siagang lussaki lanri allangngereki kabara' kodi. Lussaki siagang ta'ronang-ronangi atinna ke'nanga rapang bombang ri tamparanga.

YEREMIA 44:1

A'bicarai Batara ri nakke ri passala'na sikontu tu Israel niaka ammantang ri Mesir, iamintu ri kota Migdol, Tahpanhes, Memfis, siagang ri daera timborang.

YEREMIA 31:10

Nakana Batara, “Pilangngeri he bansa-bansaya! Pabattu pasangKu mae ri ba'leanna tamparanga: UmmakKu le'baka Kupasisa'la'-sa'la' laKupasse'rei na Kuparakai rapang pakalawaki anjagai gimbala'na.

YESAYA 45:14

Nakana Batara mae ri tu Israel, “Patangi wassele' buttana Mesir siagang passawallanna Sudan. Sikamma tu Syeba barania a'jari ikau pata; a'jappai ke'nanga ri bokonu nisikkokang limanna. Lasu'juki siagang lamangakui ke'nanga angkana, ‘Ma'nassa nia' tojengi Allata'ala ri tangnga-tangnganu; tena allata'ala pantaranganna Ia!

YESAYA 42:12

Boli'mi kamma napakala'biri' Batara ke'nanga, na napa'la'bang arenNa ri sikamma pa'rasangang bellaya.

YESAYA 42:10

Akkelongko kelong beru mae ri Batara, pujimi Batara, he sikontu linoa! Ammarrung mako, he tamparanga siagang sikontu bonena, sikamma pa'rasangang bellaya siagang sikontu pandudu'na!

YESAYA 11:16

Lania' agang lompo untu' lanaolo umma'Na tassesaya assulu' battu ri Asyur, sangkamma wattunna assulu' Israel battu ri Mesir.

PAMMUJI 68:22

Mattantu laNalicaki Allata'ala ulunna musunNa, sikamma tau tulusu' attallasaka lalang dosa.

PA'JARIANG 14:1

Nia' appa' karaeng, iamintu: Amrafel battu ri Babilonia, Ariokh battu ri Elasar, Kedorlaomer battu ri Elam, siagang Tideal battu ri Goyim.

ESTER 10:1

Karaeng Ahasyweros napassai taua anjama; teai ri ra'ya' niaka bawang ri biring-biring tamparang napassa anjama, mingka manna sikamma ra'ya' niaka ri padalamang lalang ri kakaraenganna napassa ngasengi anjama.

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YESAYA 19:21

Lanapa'nyatai KalenNa Batara mae ri bansa Mesir, siagang laniassemmi kammayatompa lanisombami ri ke'nanga, siagang langngerammi koro'bang siagang passare ke'nanga mae ri Ia. Assumpami siagang a'janjimi ke'nanga mae ri Ia, nampa narupai anjo janjinna.

YESAYA 19:22

LaNipangngajarimi anjo tu Mesir ri Batara, mingka le'baki anjo Napa'jari baji'mi ke'nanga ammotere'. La'gilimmi ammotere' ke'nanga mae ri Batara, siagang laNapilangngerimi Batara pappala' doanna ke'nanga kammayatompa Napa'jari baji'mi ke'nanga ammotere'.

YESAYA 37:31

Tu Yehuda niaka ija attallasa' lakala'biangi lalang tallasa'na, rapang lamung-lamung lantang sikalia aka'na, nabaji' rapponna.

YEHEZKIEL 29:14

LaKupakabajiki ammotere' pattallassannu siagang Kusuroko ammantang ri Mesir bageang timboro', iamintu pa'rasangang kabattuannu. Anjorengko lappaenteng kakaraengang lamma,

YEHEZKIEL 32:24

Elam niaki anjoreng siagang kuburu'na tantarana ri tammulilina. Tena nisunnaki ke'nanga, namate ngaseng lalang ri pa'bundukang, nampa naung ri linona tau matea. Ri wattunna attallasa' ke'nanga appakamallaki, mingka kamma-kamma anne matemi ke'nanga siagang musti natanggongi siri'-sirika siagang ngaseng sikamma tau matea lalang pa'bundukang.

YEHEZKIEL 38:8

Tena siapa taung sallona naKusuro maju ambunduki se'reang pa'rasangang siagang pandudu' le'baka nipa'rappung ammotere' battu ri alla'na bansa-bansaya nampa ammantang ri anjo pa'rasanganga siagang amang. Lanaempoi Gog daera monconna Israel, iamintu salloamo sino siagang a'jari loro, mingka kamma-kamma anne nipammantangngimi ri ra'ya' amanga katallassanna.

DANIEL 1:2

Nisaremi pangngellai ri Batara untu' ambetai Karaeng Yoyakim, kammayatompa anrampasaki siapa are jaina barang-barang tinggia anggaranna ri Balla'Na Batara. Sikamma tau nitahanga, naerangi mange ri balla' rewatana ri Babel, nampa sikamma barang-barang tinggia anggaranna narampasaka, naboliki lalang ri gudang-gudanna anjo balla' rewataya.

PA'JARIANG 2:13

Binanga makaruaya niarengi Gihon; a'lo'loroki je'ne'na ri tammulilina butta Kus.

PAOLE 9:29

Mingka Kiu'rangi laloi, o Batara, angkanaya anne ke'nanga bansa Kipile a'jari ummatTa, siagang Kierangi battu ri Mesir lalang kagassingang siagang kakoasang malompoTa.”

2 KARAENG-KARAENG 17:24

Salaku sambenna tu Israel le'bakamo niengka' mange ri anjo butta pammelakkanga, natampakkangi karaeng Asyur tau battua ri Babel, Kuta, Awa, Hamat, siagang Sefarwaim, anjoreng ri kota-kotana Samaria. Ammantang kabusu'mi anjo taua ri anjo kota-kotaya.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 22:6

Battui tu Siria a'dongko' jarang siagang kareta pa'bundukang, tu Elam angngerang sanjata pana, tu Kir sadia siagang pa'lapa' barambanna untu' a'bundu'.

YESAYA 49:12

Battu bellai ummakKu para battu, battu wara', battu lau' siagang battu ri kota Sinim bageang timboro'.”

HOSEA 11:10

Nakana Batara, “UmmakKu lamminawangi ri Nakke punna ammarrung sa'rangKu rapang singa siagang Kupannekkere' musunna ke'nanga. Lakkaro-karoi ummakKu nia' battu lau' untu' anynyomba ri Nakke.

ZAKHARIA 8:7

LaKupasalamaki ummakKu battu ri sikamma pa'rasangang le'baka napammantangngi ke'nanga nialle,