YESAYA 11:10 - KITTA' MATANGKASA'

¹⁰ Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

YESAYA 11:10 Referans Kwoze

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

YESAYA 11:1

Turunganna Karaeng Daud rapangi poko' kayu le'baka nita'bang. Mingka sanrapang attimbona pole cu'la' berua battu ri tonasa'na, kamma tomminjo lania' sitau karaeng lammumba battu ri turunganna Daud.

YOHANES 12:32

Mingka iNakke anne, punna le'ba'Ma' nipakatinggi ri linoa, laKubeso' ngasengi sikontu taua mae ri Nakke.”

MATIUS 12:21

nalama'minasa sikontu bansa-bansaya ri Ia.”

MATIUS 8:11

Memang, jai tau lania' battu iraya siagang battu ilau' ero' a'rannu-rannu siagang Abraham, Ishak, siagang Yakub, lalang ri Lino BeruNa Allata'ala.

LAMPA-LAMPANA 11:18

Nalangngere'namo anjo apa napabattua Petrus, tenamo nakkana-kana ke'nanga. Nampa ammuji-mujimo ke'nanga ri Allata'ala. Nakana ke'nanga, “Punna kamma, manna bansa maraenga nisare tommi oloang ri Allata'ala sollanna toba' ke'nanga battu ri dosa-dosana, nanapahang baji' katallassang sitojennaya!”

PAPPICINI' 22:16

“INakke Isa, Kusuromi malaekakKu mae ri kau ngaseng sollanna napau ngaseng anne passalaka untu' kasalamakkanna sikontu jama'aka. INakkemi sossoranna Daud; iNakkemi anjo bintoeng singaraka, niaka battu raya.”

HAGAI 2:9

BallakKu berua lala'bi la'birangngangi narioloa, siagang anrinniA' lassare kaamangngang siagang kasalewangang mae ri bansaKu.” Batara Kaminang Koasaya anne akkana.

YESAYA 49:22

Nakana Batara Kaminang Tinggia mae ri umma'Na, “LaKusarei pammatei bansa-bansaya na lanapoterang ana'-ana'nu; ana'-ana'nu bura'nea lanakalawingi, na ana'-ana'nu bainea lanapisangi rate ri salangganna.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

YESAYA 60:3

A'balulungi bansa-bansaya battu mange ri singara'nu, nikontaki sikamma karaenga ri caya ammumbaya mae ri kau.

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.

IBRANI 4:1

Anjo janjinNa Allata'ala napajappa iji, na laNasareki' tampa' untu' pammari-mariang Napa'janjianga. Jari paralluki' tutu sollanna tena manna sitau battu ri kau ngaseng talanggappayai anjo pammari-mariang nipa'janjianga.

LAMPA-LAMPANA 28:28

Kala'busanna, nakanamo Paulus, “Musti nuasseng ngasengi sari'battang, angkanaya nipabattumi anne kabara' kasalamakkang battua ri Allata'ala mae ri bansa-bansa maraenga. Nalanapinawammo ke'nanga anne kabaraka!” [

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

YESAYA 60:5

Lannasa' mako nucini'na anjo siagang accayami rupannu; dinging-dingingi siagang lompoi pa'mai'nu. Nierangi barang-baranna sikamma bansaya mae ri kau, nitambungiko ri kakalumanynyangang battu ba'leang tamparanga.

YESAYA 59:19

KoasaNa siagang kala'biranNa lanakamallakkangi sikontu taua battu raya sa'genna kalau'. Labattui rapang binanga sarringa lo'loro'na, nipammarrunga ri anging kancang.

YESAYA 28:12

Napirarai ngasengko Batara tampa' pammari-mariang, mingka taerokako mappilangngeri ri Ia.

YESAYA 2:11

Tau borroa lanipakatunai na tau tampoa lanipa'dundui. Bataraji bawang nipakalompo.

PAMMUJI 149:5

Boli'mi kamma umma'Na Allata'ala a'rannu-rannu lanri katinggianNa, akkelong rannu sila'busu' bangngi.

PAMMUJI 116:7

Kupakasannangi pa'maikku, saba' bajiki Batara mae ri nakke.

PAMMUJI 91:4

LaNatongkokko siagang ka'nyi'Na, sa'gennu amang lalang ri la'lanNa; nyawa tamamminraNa sanrapangi pa'lapa' ri batangkalennu anjagaiko.

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

YESAYA 14:3

LaNapata'lappasaki Batara bansa Israel battu ri kapa'risanga siagang kasessanga, siagang battu ri jama-jamang battala' nipassaya mae ri ke'nanga.

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”

PAMMILANGNGANG 10:33

Le'ba'namo nabokoi bansa Israel Moncong Sinai, iamintu moncong pammantangnganNa Batara, a'jappami ke'nanga tallungallo. Patti ParjanjianNa Batara tuli nierangi ri dallekanna ke'nanga untu' a'boya tampa' pakkemaanna ke'nanga.

YESAYA 11:12

Lappanaiki Batara se're bandera untu' bansa-bansaya. Iaminjo pammatei angkanaya laNapasse'rei ammotere' bansa Israel siagang Yehuda ia tassiaraka mae ri sikontu buttaya, nampa naerang ke'nanga ammotere'.

YESAYA 62:10

He pandudu'na Yerusalem, assulukko allalo ri pakke'bu' lompoa, pasadiai oloanga untu' sikamma tau ammotereka. Apparekko agang lompo, pabellai batu-batunna, paentengi sikamma banderaya untu' bansa-bansaya.

ZAKHARIA 6:13

Ia lambangungi BallakKu siagang lannarimai kala'birang sangkamma se'rea karaeng, siagang ia lammarenta mae ri ra'ya'na. Nia' sitau imang lanrurungangi siagang lasamaturuki ke'nanga siagang siamaki ke'nanga lalang ri jama-jamanna.’

1 PATTOTTORANG 2:12

Obed Isai.

PAMMUJI 145:11

Lanapakalompoi kakoasanTa a'jari Karaeng, siagang nacarita kaporeanTa,

YESAYA 2:2

Ri allo-allo labattua bulu' tampa' Balla'Na Batara ammenteng tinggi nai' siagang ammenteng kassaki irate moncong-moncong siagang sikamma buluka. Sikontu bansaya a'balulungi mange anjoreng,

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

YESAYA 42:4

tena naranggasela yareka tappu' minasa, sa'genna nipaenteng kaadelanga ri lino. Sikamma pa'rasangang bellaya nakkuki ri pangngajarranna.”