YESAYA 10:33 - KITTA' MATANGKASA'

³³ Batara Kaminang Makoasaya laNaruntungi anjo ke'nanga, rapang tangke kayu nite'baka battu ri poko'na. Kaminang porea siagang kaminang tinggia ri ke'nanga lanipolongi siagang laniruntungi.

YESAYA 10:33 Referans Kwoze

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

YESAYA 37:38

Ri se'reang allo, ri wattunna sitabang nagaukang ibadana lalang ri balla' rewata Nisrokh, nibunomi siagang pa'dang ri Adramelekh siagang Sarezer, rua ana' bura'ne kalenna. Le'baki anjo larimi ke'nanga mange ri Ararat. Jari nisambeammi a'jari karaeng ri ana' bura'nena maraenga, niarenga Esarhadon.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

2 PATTOTTORANG 32:21

Nampa akkirimmo malaeka' Batara untu' ambunoi anjo sikamma tantarana siagang perwira-perwirana tu Asyur. Teaimi sipato' siri'-siri'na karaeng Asyur ammotere' mange ri pa'rasanganna. Ri se'reang allo, ri wattunna sitabang nia' lalang ri balla' rewatana, nia'mo siapa are tau battu ri ana' bua kalenna ambunoi siagang pa'dang.

YESAYA 5:15

Tunggala' taua lanipakasiriki, siagang tau borroa lanipakatunai.

YESAYA 33:3

Punna ammentengKi' naKipappilangngerang sa'ranTa a'gamarrunga, ma'nassa lalari bansa-bansaya tassimbung-simbung.

YEREMIA 22:7

LaKukiringi battu taua untu' angngancuruki. Langngerangi ke'nanga pangkulu', nampa narumbang sikamma benteng-benteng ga'gana nipareka battu ri camara Libanon. Nampa lanapasambila ke'nanga antama' ri pepeka.

YEHEZKIEL 31:3

Ikau rapangko poko' camara Libanon gammaraka rassi tangke coppong leko'na na ga'ga. Poko'na lambusuki na lompo coppo'na narapiki rammanga.

NAHUM 1:12

Na Nakanamo Batara ri Israel, umma'Na, “Manna pole anjo tu Asyur kassaki siagang jai taunna, mingka laniancuruki ke'nanga sa'genna lanynya'. He bansaKu, le'ba' mako Kupa'jari ballasa', mingka tenamo nalaKugaukang pole anjo kammaya mae ri kau.

YESAYA 18:5

Ri tenanapa nawattu rappo-rappoang, ri wattu runannamo bunganna siagang ri tenanapa nati'no' anggoroka ri poko'na, laniancuru'mi Sudan ri musunna, kamma gampanna ladinga angkattiliki tangke-tangkenna anggoroka battu poko' anggoroka.

YESAYA 32:19

Tamaka mate'nena ngaseng nukasia' lanri ganna'na je'neka untu' lamung-lamunnu, olo'-olo' piaranu la'rukuki kemae-kemae siagang amang. Mingka musunnu lasanrapangi romang nitujua ri bosi batu; kotana ke'nanga laniruntungi.