YESAYA 10:29 - KITTA' MATANGKASA'

²⁹ Allalomi ke'nanga ri pa'limbangnganga siagang a'bangngi ke'nanga ri Geba! Annekkere'mi pandudu'na kota Rama, siagang larimi pandudu'na Gibea, kotana Saul.

YESAYA 10:29 Referans Kwoze

1 SAMUEL 13:23

Appare'mi balla' jaga tu Filistin untu' ampartahangkangi se'rea alla' moncong ri Mikhmas.

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.

1 SAMUEL 11:4

Kammaminjo nabattumo anjo sikamma tunisuroa mange ri Gibea, tampa' pammantanganna Saul. Napabattuna ke'nanga anjo kabaraka, angngarru'mi ra'yaka lanri tappu' panrannuammi ke'nanga.

HOSEA 10:9

Nakana Batara, “Baku' kajarianga ri Gibea, tenammariapi tu Israel a'gau' dosa angngewa ri Nakke. Lanri kammana anjo ri Gibea tommi ke'nanga lanatuju pa'bundukang.

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

HOSEA 5:8

Tuiki tarompeka ri Gibea! Pasa'rai tanra pakkioka untu' mange a'bundu' ri Rama! Ammarrangko sa'ra pa'bundukang ri Betel. Umba, tu Benyamin, majuko a'bundu'!

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

1 KARAENG-KARAENG 15:23

Riwaya' maraengannaya ri sesena Karaeng Asa, iamintu kabaranianna siagang kota-kota napakassakkia, le'ba'mi nicata' lalang ri kitta' Riwaya'na sikamma karaeng Yehuda. Ri wattunna toamo nitabai garring Karaeng Asa, iamintu bangkenna.

1 SAMUEL 15:34

Le'baki anjo a'lampami Samuel mange ri Rama, nampa Saul ammotere'mi mange ri balla'na ri Gibea.

1 SAMUEL 14:4

Untu' anrapi' mange anjoreng ri balla' jagaya, musti anjorengi ri alla' moncong niepeka ri rua batu karang a'gari'gi ammalo Yonatan; anjo ruaya batu karang niarengi Bozes siagang Sene.

1 SAMUEL 13:16

Kammaminjo, Saul siagang ana' bura'nena Yonatan, kammayatompa sikamma ana' buana, akkemami ri Geba, ri daera Benyamin. Nampa tu Filistin akkemai ri Mikhmas.

1 SAMUEL 13:2

ammilemi 3.000 tu Israel. 2.000 ammantang siagang ia ri Mikhmas siagang ri daera pa'moncongang Betel, siagang 1.000 maraengannaya a'lampai siagang Yonatan ana'na bura'nea mange ri Gibea ri daera suku Benyamin. La'binnaya battu ri anjo ra'yaka, nasuromi ammotere' massing mae ri balla'na.

1 SAMUEL 10:26

Saul ammotere' tommi mae ri balla'na ri Gibea, nirurungang ri siapa are jaina tugammara' na barani siagang le'bakamo nipagio' atinna ri Batara.

1 SAMUEL 14:2

Anjo wattua sitabangi Saul nia' irawanganna poko' kayu delima ri Migron, tena nabella battu ri Gibea. Ra'ya' niaka amminawang ri ia kira-kira 600 tau jaina.

1 SAMUEL 14:5

Batu karang warakkanga a'dalle' mangei ri Mikhmas, na batu karang timboranga a'dalle' mangei ri Geba.