YESAYA 10:27 - KITTA' MATANGKASA'

²⁷ Anjo wattua laKulappassangko battu ri panjallakkanna Asyur, nampa tenamo nakoasa ke'nanga mae ri kau.”

YESAYA 10:27 Referans Kwoze

YESAYA 9:4

A'lappe'-lappeki sa'ra sapatuna tantaraya na bajunna rassi cera', lala'busu' nikanre ri pepe'.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

YESAYA 14:25

Tu Asyur niaka ri Israel pa'rasangangKu, laKupanraki, na ia niaka ri moncong-moncongKu laKuonjo'-onjokangi. LaKupakabebasaki bansaKu battu ri panjallakkanga siagang battu ri erangngang battala' napassakanga bansa Asyur.

PAMMUJI 105:15

“Teako ganggui tunipileKu, teako a'gau' ja'dalli mae ri na'bi-na'biKu!”

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

PAMMUJI 45:7

Nasareko koasa Allata'ala untu' ammarenta, attahangi koasanu satunggu-tungguna; ammarentako' siagang adele' mae ri ra'ya'nu.

PAMMUJI 20:6

Na makkio' marannu ikambe lanri pammetannu, nimangngangka' bate-bate untu' mammuji ri Allata'alata. Poro Napa'jari Batara sikontu pappala'nu.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.

2 SAMUEL 1:21

He, bulu'-bulu'na Gilboa, pilangngeri pakkiokku: Gassingka nabasaiko saliuka siagang bosia! Lappassangi kalotoro' naroso' kokonnu siagang parannu. Nasaba' anjorengi tassambila pa'lapa' pa'bundukanna tu baranaia. Na taiang tommo pa'lapa' pa'bundukanna Saul, tenamo naniminyaki pole.

PAMMUJI 84:9

Kipilangngeri laloi pappala' doangku, o, Karaeng Allata'ala Kaminang Koasaya, Kipilangngeri laloi, o, Allata'alana Yakub.

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

YESAYA 37:35

LaKuallei siagang laKula'langi kota Yerusalem lanri kalompoang KalengKu, siagang lanri parjanjiangKu siagang atangKu Daud.’ ”

PAMMUJI 132:10

Lanri Daud, atanTa, teaKi' sorongbokoi karaeng nipileTa.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

YOHANES 1:41

Akkaro-karomi Andreas amboyai Simon, iamintu sari'battanna, na nakana ri ia, “Ikambe assibuntulu' maki' siagang Mesias!” (Mesias sangkammai battuanna siagang Almasi, iamintu: Karaeng Mappasalama'.)

PAMMUJI 81:6

Napa'jari se're katantuang mae ri bansa Israel, ri wattunna maju angngewai Mesir. Allangngereka' bicara tenaya nakuassengi, angkana,

YESAYA 30:23

Punna appakiorokko bine, laNapaturungi Batara bosia sollanna attimbo anjo binea siagang angngerang wassele' kattoang alla'bi-la'bia. Untu' olo'-olo' piaranu lasadiai parang ruku' luaraka.

YESAYA 52:2

Ambangungko battu ri limbu'buka, he Yerusalem, pa'be'beseki limbu'bu' niaka ri kalennu. He pandudu'na Sion nitahanga, la'gasi rante niaka ansikkoki kallonnu!

YESAYA 55:2

Untu' apa naniballi apa tenaya nappassukku' ri pa'mai', siagang nijama apa tenaya nabassori taua? Turukimi parentaKu, na nukanre apa bajika, siagang nukasia' kanre nyamang nipatalaya.

YEHEZKIEL 30:18

Anjo wattua laKupakala'busammi kakoasanna karaeng Mesir, siagang Kuallei anjo kakoasang nakatampoang dudua; Tahpanhes lanitongkoki ri sassang siagang tubai'-bainena lanitahangi.

KAIMANGNGANG 7:35

Battu ri kanre nipassareanga mae ri Batara, iaminjo bageang nipassareanga mae ri Harun siagang ana'-ana'na ri allo nilanti'na ke'nanga a'jari imang.

YEREMIA 30:8

Nakana pole Batara Kaminang Koasaya ri umma'Na, “Punna battu sallang anjo alloa, laKutepoki anjo lembarang Kupatabaya ri salanggannu, siagang Kulappassangi passikko'nu. Tenamo nula'jari ata pole mae ri bansa maraenga.