YESAYA 1:28 - KITTA' MATANGKASA'

²⁸ Mingka tau dorakaya, angngewaya mae ri Ia, laNapanraki, nampa sikamma tau ambokoiyai laNapaccappuki.

YESAYA 1:28 Referans Kwoze

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

YESAYA 30:13

Lanri kammana anjo sala ngaseng mako. Rapangko tembo' tinggi a'lattaya battu rate sa'genna naung; larumbang silalonnako.

AYUB 31:3

Cilaka siagang susa ma'nassa Napabattu mae ri tau a'gau' ja'dalaka!

2 PETRUS 3:7

Mingka anne langika siagang buttaya ri kamma-kammaya anne, niparakaia todong siagang kananNa Allata'ala, laniancuru' tongi sallang siagang pepe'. Kamma-kamma anne niparakai iji langika siagang buttaya sa'genna narapi' allonna lanihukkung siagang niancuru' sikontu tau tenaya natappa' ri Allata'ala.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

YESAYA 65:11

Mingka tena nakamma anjo sarenna tau ambokoiA', tenaya najampangi Sion, bulu' matangkasakKu, assarea passare mae ri Gad siagang Meni, iamintu rewata-rewata kaupakkanga siagang sarea.

YESAYA 50:11

He ikau ngaseng tau ancilakaiyai parannu tau, lanipanrakiko lanri ri rancana kalennu tonji. Batara ampareki anjo kajarianga kammaya, lasannaki batenu nisessa.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PAMMUJI 104:35

Boli'mi kamma lanynya' battu ri lino tau dorakaya, boli'mi kamma cappu' posso' tau ja'dalaka. Pujimi Batara, he nyawaku! Pujimi Batara!

PAMMUJI 92:9

saba' iKatte, o Batara, koasaKi' satunggu-tungguna.

PAMMUJI 73:27

Lacilakai tau ambokoiaKi' Kiballassi tau tenaya majarre' mae ri Katte.

PAMMUJI 37:38

Mingka tau dorakaya lanipossoki; turunganna ke'nanga lanipa'lanynyaki.

PAMMUJI 9:5

Nasaba' iKatte ammarenta, a'jari haking adele'; IKatte ampattojenga' ri parkaraku.

PAMMUJI 5:6

TaKitahangngai anciniki tau tampoa, Kikabirisi tau ma'gau' ja'dalaka.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 SAMUEL 12:25

Mingka punna tulusu' a'gau' dosa tonjako ia, tena tapanra'nu siagang karaennu.”

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 24:20

Bundala'na linoa lata'royong-royongi rapang tau nasa'ring, ta'ge'goso' rapang balla' kepo lalang ri anging lompoa. Laruntungi buttaya lanri battala'na dosana. Ancuruki siagang takkuleai ambangung ammotere'.

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

YESAYA 66:17

Nakana Batara, “Sikontu tau antangkasiai kalenna untu' a'balulung mange ri koko-kokoa mange anynyomba siagang anggaukangi ibadaya mae ri rewata-rewataya, lalanynyaki siagang tau angnganrea bawi, balao, kammayatompa kanre maraengannaya appakaringi'-ringika.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YEREMIA 44:12

Siagang punna nia' battu ri tu Yehuda ammantanga tassesa, tuli ero'na a'lampa mange ri Mesir untu' ammantang anjoreng, lapanra' kabusuki ke'nanga. Kabusu'na ke'nanga, lompo ca'di, lamatei ri Mesir lalang pa'bundukang yareka lanri kacipurang. Lamallaki taua anciniki ke'nanga, siagang lanihinai ke'nanga ri taua. Arenna ke'nanga lanipakei a'jari pattunra.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

2 PATTOTTORANG 21:10

Baku'na anjo wattua tenamo natundu' Edom mae ri Yehuda. Iatommi anjo wattua nangngewa tommo taua ri kota Libna. Kajariang ngasengi anjo sikammaya lanri Yehoram nabokoimi Batara, Allata'ala, nisombaya ri boe-boena.

2 PATTOTTORANG 28:23

Nacilakai kalenna siagang ra'ya'na lanri assarena koro'bang mae ri rewata-rewatana tu Siria le'baka ambetai. Nakana nawa-nawana, “Rewata-rewata Siria le'ba' ambantui karaeng-karaeng Siria, jari punna assarea' koro'bang mae ri anjo rewata-rewataya, barang akkulle tonga' natulung.”

AYUB 34:26

Natempa ka'rangi ke'nanga lanri dosana, ri dallekannai tau jaia Nahukkung.

AYUB 34:27

Saba', tamannurukiai ke'nanga ri ero'Na na tanajampangia sikontu parentaNa.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.