YESAYA 1:24 - KITTA' MATANGKASA'

²⁴ Lanri kammana anjo Nakanamo Batara Kaminang Koasaya, Allata'alana Israel: “He, musu-musungKu, la'balasakA' mae ri kau, sa'genna tenamo nanususaiA' pole.

YESAYA 1:24 Referans Kwoze

YESAYA 60:16

Laniparakaiko ri bansa-bansaya siagang sikamma karaenga, rapang sitau amma' amparakai ana'na. Nanuassemmo angkana iNakke Batara, Mappasalama'nu, angkanaya Allata'alana Israel makassaka allappassangko.

YESAYA 61:2

Nasuroa' angkabarrangi angkanaya narapi'mi wattunna Batara appasalama'; untu' ansaleori sikontu tau susaya, siagang Nabalasa' sikamma musu-musunna ke'nanga;

YESAYA 49:26

LaKupa'jari sikamma musunnu palla' ero' ammuno, sa'genna para ia sibuno-buno. Nalanaasseng sikontu umma' rupataua, angkanaya iNakke, Batara, Mappasalama'nu; Kaminang Kassaka, Allata'alana Yakub, Mappasulu'nu.”

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

PAOLE 28:63

Sangkamma sannanna nyawaNa Batara assareko kakalumanynyangngang siagang ampa'jari jai bilannu, lasannang tongi ampanrakiko siagang ampaccappukko. Lanialleko battu ri pa'rasangang tenayamo nasallo nanupammantangngi.

PAPPICINI' 18:8

Passabakkang iaminjo, nasialloji bawang nanatujumo bala, – iamintu garring, si'na, siagang kacipurang. Na lanipammutungi siagang pepe', lanri Karaeng Allata'ala, sannaka MakoasaNa angngadeli.”

IBRANI 10:13

Na kamma-kamma anne attayammi Almasi, sa'genna Nasuro Allata'ala musu-musunNa anynyomba ri dallekanNa.

YEHEZKIEL 21:17

INakke lattempa lima tonga', nampa naung larroKu. INakke, Batara, anne akkana.”

YEHEZKIEL 16:42

Le'bappi anjo sikammaya nampa naung larroKu, siagang la'jari sannamMa' ammotere'. Tenamo Kulalarro pole siagang akkimburu.

YEHEZKIEL 5:13

Lanupisa'ringi antekamma lompona pangngalarroingKu siagang pa'jallokangKu sa'genna sukku' Kusa'ring. Punna le'ba' ngasemmo kajariang anjo sikammaya, nampa mako latappa' angkanaya iNakke, Batara, anne a'bicara mae ri kau lanri larroKu mae ri sipa' tenana namattantu pa'mai'nu.

YESAYA 30:29

Mingka ikau ngaseng, umma'Na Allata'ala, larannuko siagang lakkelongko sangkamma ri wattu bangngi passua'-suarrang agamaya. Larannuko rapang tau a'jappaya nirurungang ri sa'ra suling mange ri Balla'Na Batara ri Yerusalem, mappatojenna Israel.

PAMMUJI 132:2

TeaKi' kaluppai sombana mae ri Katte, o, Batara, ri tinja'na mae ri Kaminang Gassinga, Allata'alana Yakub.

PAOLE 32:43

Makkio' rannuko lanri umma'Na Batara, e, sikamma bansaya, nasaba' Nahukkungi sikontu tau ambunoai ke'nanga. A'balasaki mae ri musunNa mingka Napammopporangi dosana bansaNa.”

YEREMIA 50:34

Mingka iNakke kassa', ampasalamaki ke'nanga; arengKu iamintu Batara Kaminang Koasaya. INakke KalengKu langngusahakangi parkarana ke'nanga siagang langngerang kaamangngang mae ri linoa. Mingka mae ri Babel lappabattuA' karicuang siagang kamallakkang.”

YESAYA 63:4

Le'ba'mi Kurancanakang allo pa'balassanga, siagang wattu kalappassanga mae ri ummakKu.

PA'JARIANG 49:24

Mingka tuli kassa'na limanna, tuli jarre'na panana, lanri koasana Pakalawaki Magassing, Allata'alana Yakub, Pajagana Israel.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 59:18

Napa'balassi sikamma musunNa situru' panggaukanna ke'nanga. Ba'lalo manna bansa-bansa niaka ri pulo-pulo bellaya tena todong nata'lappasa' battu ri hukkunganNa.

YEREMIA 9:9

Antekamma anjo bansa kammaya taKupitujui hukkungang siratanga? LaKubalasaki panggaukanna ke'nanga; iNakke, Batara, anne akkana!”

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.