YEREMIA 9:19 - KITTA' MATANGKASA'

¹⁹ Ri Sion nia' kalangngerang sa'ra karru', angkana, “Panrakki' siagang sanna' nipakasiritta. Pa'rasanganta musti nibokoi, sikamma ballatta musti ancuru' tassimbung-simbung.”

YEREMIA 9:19 Referans Kwoze

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

PAOLE 28:29

Angngosalakko sangkamma tau buta ri tangngallo sassa'na alloa, mingka tena nubuntuluki oloanga. Sikontu usahanu lasala ngasengi. Tuli lanijallakkangko siagang tuli niellakko, nampa tena manna sitau akkulle antulungko.

MIKHA 2:10

Ambangung mako siagang a'lampamako, anrinni tenamo naamang. Dosa-dosana appabattui bala appakamalla'-malla' mae ri anne tampaka.

MIKHA 2:4

Sarennu lanipakei ri taua a'jari piandere', siagang lappareki ke'nanga kelong-kelong kasusaang kammaya anne, ‘Naallemi Batara anne pa'rasanganna ikambe siagang Napassareang mae ri tau antahangai ikambe. Ancuru' taba sikalimi ikambe.’ ”

PIRAUNG 5:2

Barang-barang warisi'na ikambe naallemi tau maraeng, balla'na ikambe tau maraemmi ampammantangngi.

PIRAUNG 4:15

Nakana taua, “Bellako anrinni! Kau tau ra'masa' ngasengko, teako beroi ikambe!” Jari a'lampami ke'nanga a'la'bang a'jappa battu ri se'reang bansa mange ri bansa maraenga, mingka tena sikali tau ampa'biangi untu' ammantang tuli ri se'reang tampa'.

YEREMIA 4:20

Ma'mole-molei battu balaya angngancuruki sikontu pa'rasanganga. Ti'ring nipanraki kemaku, nikae-kaei kaenna.

YEREMIA 2:14

“Israel teai ata, teai tongi turungang ata. Mingka angngapa nania'lu'mo ri balinna?

KAIMANGNGANG 20:22

Nakana Batara, “Turuki sikontu hukkungKu siagang parentaKu, sollanna tena nanibongkako battu ri pa'rasangang Kanaan, iamintu pa'rasangang Kutujua angngerangko anne kamma.

KAIMANGNGANG 18:28

sollanna tena nihukkungko siagang tena nibongkako ri Batara battu ri anjo pa'rasanganga sangkamma tau tenaya namangngasseng ri Batara, ammantanga anjoreng rioloangnganga naikau.

KAIMANGNGANG 18:25

Le'baki nagaukang ngaseng ke'nanga panggaukang appakaringi'-ringi' kammaya anjo, sa'genna a'jari ra'masa' pa'rasanganna ke'nanga. Jari nihukkummi ke'nanga ri Batara siagang tenamo nanipa'biang ke'nanga ammantang anjoreng. Mingka ikau ngaseng, tea' laloko gaukangngi panggaukang-panggaukang kammaya anjo. Ikau ngaseng tu Israelka siagang bansa maraeng ammantang tulia siagang ikau, musti nuturuki paratoranNa siagang parentaNa Batara,

YEREMIA 7:15

LaKubongkako battu ri dallekangKu sangkamma le'ba'na Kubongka bija-bijannu, umma' Israel.”

YEREMIA 7:19

Mingka sikontutojenna, teai iNakke napa'risi ke'nanga, passangalinna kalenna tonji ke'nanga, sa'genna siri'-siri' nakasia' ke'nanga.

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YESAYA 32:9

Pilangngeri, he sikamma baine nyamanga katallassanna, bellaya battu ri kasusaanga!