YEREMIA 9:18 - KITTA' MATANGKASA'

¹⁸ Nakana tu Yehuda, “Suroi ke'nanga akkelong linta' kelong-kelong susaya untu' ikatte ngaseng, sollanna assolong-solong je'ne' matanta ambasai pilisitta.”

YEREMIA 9:18 Referans Kwoze

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

YESAYA 22:4

Teako nakke nuparhatikang; boli'ma' kamma nakukarruki sikamma bansaku mateamo. Teako cobai ansaleoria'.

PIRAUNG 2:18

He tembo'-tembo'na Yerusalem, akkiokko mae ri Batara! Pamatti'mi je'ne matannu rapang binanga assolonga je'nena allo bangngi. Angngarru' tulusukko, teako ammari sa'genna mangngang nusa'ring!

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

YEREMIA 9:20

Kukana, “Pilangngeri kana-kananNa Batara he ikau ngaseng tubainea! Pangngajarrangi mae sikamma tulolonnu kelong-kelong karruka, mange ri agang-agannu kelong-kelong kasusaanga.

YEREMIA 9:10

Inakke, Yeremia, kukana, “Erokka' angngarru' siagang susai pa'maikku lanri sikamma rukuka ri paranga siagang ri moncong-monconga kalotoro' sikalimi siagang tanioloami ri tau. Tenamo nilangngere' sa'ra olo'-olo', jangang-jangang siagang olo'-olo' maraenga lari ngasemmi siagang lanynya' ngasemmi.”

YEREMIA 6:26

Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

PAMMUJI 119:136

Assolongi je'ne' matangku sanrapang binanga, lanri tenana nituruki hukkunTa.

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

PIRAUNG 3:48

Ammatti' je'ne' matangku rapang je'ne' binanga assolong lanri ancuru'namo bansaku.

AMOS 5:16

Nakana Batara Kaminang Koasaya, “Ri agang-agang kotaya, lappiraungi siagang lakkunrarengi taua lanri si'nana pa'mai'na. Ba'lalo sikamma pamarria lanikioki untu' amminawang angngarru' siagang sikamma tau nibayaraka untu' angkarruki tau matea.

YEREMIA 3:24

Lanri anynyombana ikambe ri rewata appakasiri'-sirika anjo natappela'mo ana'-ana'na ikambe kammayatompa olo'-olo' sapi siagang gimbala'na ikambe, iamintu sikontu apa le'baka nausahai boe-boena ikambe battu riolo dudu.

YEREMIA 3:25

Jari, boli'mi kamma siri'-siri' ikambe, siagang boli'mi kamma a'jari tuna ikambe. Nasaba', ikambe siagang boe-boena ikambe doraka ngasemmaki' ri Karaeng Allata'ala, kammayatompa tenale'bakaki' mannuruki ri parenta-parentaNa.”

YEREMIA 4:20

Ma'mole-molei battu balaya angngancuruki sikontu pa'rasanganga. Ti'ring nipanraki kemaku, nikae-kaei kaenna.

PIRAUNG 2:13

O Yerusalem, Kota Sion ningaiku, rapangi tamparang lompoa sanna'na runtunnu. Apami kutadeng lakukana untu' assareko panynyaleori? Nasaba', tena niakkapa tau ballasa' sangkamma ikau. Sitojeng-tojenna tenamo tau akkulle assareko kabajikang.