YEREMIA 9:15 - KITTA' MATANGKASA'

¹⁵ Lanri kammana anjo, pilangngeri apa laKugaukanga, Batara Kaminang Koasaya, Allata'alana Israel: laKusarei ummakKu lamungang pai' untu' nakanre siagang racung untu' nainung.

YEREMIA 9:15 Referans Kwoze

YEREMIA 8:14

Nakana umma'Na Allata'ala, “Angngapa natena apa-apa nigaukang? Umba nakissama-sama a'lili mange ri kota-kota niaka pattahanganna, lappassang maki' anjoreng mate. Le'ba'mi Natappuki Karaeng Allata'ala, angkanaya musti panrakki'. Le'ba' maki' Nasare racung untu' niinung lanri dorakaki' mae ri Ia.

PIRAUNG 3:15

Poro paikaji bawang Nasareanga' untu' kanreku siagang je'ne' inungku.

PAMMUJI 80:5

O, Batara Allata'ala Kaminang Koasaya, sa'genna siapa salloTa lalarro, manna nappala' doang ummatTa?

YEREMIA 23:15

Nakana Batara Kaminang Koasaya, “LaKusarei anjo sikamma na'bia ri Yerusalem lamung-lamung pai' untu' nakanre siagang racung untu' nainung, lanri passabakkang iaminjo ke'nanga nasikontu taua ri pa'rasanganga tenamo napakalompoA'.”

PAPPICINI' 8:11

(Arenna anjo bintoenga iamintu “Pai'”.) Jari a'jari pai'mi bage talluna je'neka, najaimo tau mate lanri nainunna anjo je'ne' a'jari paikamo.

PIRAUNG 3:19

Punna kunawa-nawa pa'lampangku malla'bang siagang sare ballasakku rapanga' angnganre racung pai' kasia'na.

YEREMIA 25:15

Batara, Allata'alana Israel, Nakana ri nakke, “Allei anne kaca anggoro' le'baka Kubonei anggoro' pangngalarroingKu. Erangi mange ri sikontu bansa nupa'lampaia Kusuro, siagang suroi ke'nanga angnginungi anne anggoroka.

YESAYA 2:22

Jari, teako manrannuangngi mae ri rupatau lamatea, nasaba' anjo ke'nanga tena anggaranna.

YESAYA 2:17

Tau borroa lanipakatunai, siagang tau tampoa lanipadundui. Bataraji bawang nipakalompo.

PAMMUJI 75:8

Mingka KalenNa Allata'ala angngadeli, Ia ampanaungi tau se'rea na napakatinggi maraenga.

PAMMUJI 69:21

Tappu' minasama' napakamma nihina, tenamo sumangakku. A'boya' pa'rikongang, mingka sia-siaji, a'boya' panynyaleori, mingka tena kunggappa.

PAMMUJI 60:3

Kitollaki ikambe, o, Allata'ala, siagang Kibalang parekangi ikambe nibeta. LarroKi' mae ri kambe; kamma-kamma anne Kibajiki lalomi ammotere' ikambe.

PAOLE 29:18

Jari, katutui sollanna tena lalo battu ri kau, bura'ne yareka baine, kaluarga yareka suku, ia niaka ammenteng anrinni, ta'giling battu ri Karaeng Allata'alata untu' anynyomba mae ri rewata-rewatana bansa maraenga. Anjo panggaukang kammaya rapangi aka' attimboa battu ri lamung-lamung paika siagang niaka racunna.

PAOLE 28:36

Punna tena numannuruki ri Batara Allata'alanu, ikau siagang karaennu laNaerangko Batara mange ri pa'rasanganna bansa maraeng tenaya nanuassengi, siagang tena todong nanaassengi boe-boenu. Anjoreng lanupare' atai kalennu mae ri rewata-rewata nipareka battu ri kayu siagang batu.

YEREMIA 24:10

LaKupabattui mae ri ke'nanga pa'bundukanga, kacipuranga, siagang garringa sa'genna mate ngaseng ke'nanga siagang tenamo ammantang tassesa anrinni ri pa'rasangang le'baka Kupassareang mae ri ke'nanga siagang boe-boena ke'nanga.”

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

YEREMIA 49:37

LaKupa'jari mallaki tu Elam mae ri musu eroka ambunoi ke'nanga. Sanna' larroKu ri ke'nanga siagang laKuancuruki ke'nanga. LaKukiringi tantaraya ambunduki ke'nanga sa'genna cappu' taba sikali ke'nanga.

YEHEZKIEL 5:2

Bage tallunna musti nutunui ri tangnga-tangngana anjo kotaya ri wattunna le'ba'mo nikurung anjo kotaya. Bage tallunna pole musti nutattaki siagang pa'dannu nanuinroi anjo kotaya. Nabage tallunna kala'busanga nupasiaraki nai' ri allaka, nampa laKuondang siagang pa'dangku.

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.