YEREMIA 9:10 - KITTA' MATANGKASA'

¹⁰ Inakke, Yeremia, kukana, “Erokka' angngarru' siagang susai pa'maikku lanri sikamma rukuka ri paranga siagang ri moncong-monconga kalotoro' sikalimi siagang tanioloami ri tau. Tenamo nilangngere' sa'ra olo'-olo', jangang-jangang siagang olo'-olo' maraenga lari ngasemmi siagang lanynya' ngasemmi.”

YEREMIA 9:10 Referans Kwoze

YEREMIA 12:4

Siapapi sallona kalotoro' anne pa'rasanganga, siagang kalumeng rukuka ri tunggala' kokoa? Matemi jangang-janganga siagang olo'-olo' maraengannaya lanri kaja'dallanna bansana ikambe. Nakana ke'nanga, angkanaya talakucinikai sarenna ke'nanga.”

HOSEA 4:3

Lanri kammana anjo anne pa'rasanganga la'jari kalotoroki, siagang sikontu apa attallasaka anjoreng lamate kabusuki. Sikontu rupanna olo'-olo' niaka ri allaka, ri buttaya siagang ri tamparanga lapanra' kabusuki.”

YEHEZKIEL 33:28

Anjo pa'rasanganga laKupa'jari parang sino, siagang anjo kakoasanna nakalompoang pa'maika ke'nanga lalanynya'mi. Sikamma buluka ri Israel la'jari sinomi, sa'genna manna sitau tania' barani angngoloi.

YEHEZKIEL 29:11

Tena tau yareka olo'-olo' angngoloi. Lalang patampulo taung tena tau lampammantangngi.

YEHEZKIEL 14:15

Nakulle kapang appabattuA' olo'-olo' sekke' untu' angkanrei pandudu'na anjo pa'rasanganga, sa'genna anjo daeraya a'jarimi daerana sannaka bahayana siagang tenamo manna sitau barani angngoloi.

YEREMIA 12:10

Jai pamarenta bansa maraeng le'ba' ampanraki koko anggorokKu siagang angngonjo'-onjokangi sikamma kokongKu. Pa'rasangang ga'gaKu napinrai a'jari parang luara' sinoa.

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

PIRAUNG 1:16

Lanri iaminjo nammatti' je'ne' matangku, taenamo ero' assarea' sumanga' na panynyaleori. Taenamo apa-apanna bansaku, lanri la'bi koasana musua.

YEREMIA 23:10

Pa'rasanganta rassi siagang tau tenaya namajarre' tappa'na mae ri Batara. Ja'dalaki ke'nanga lalang katallassanna siagang napake salai kakoasanna ke'nanga. Lanri pangngalarroinNa Batara, a'jari kalotoroki rukuka ri parang siagang sikontu pa'rasanganga susa ngasengi.

YEREMIA 14:6

Ri coppo' buluka ammenteng mami keledai liaraka, tenamo naccaya matanna lanri tenanamo ruku'; a'mai' poso sangkamma serigala.

YEREMIA 8:18

Rapangi nie'ba' atingku na pacce, susa tena balleanna.

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

YESAYA 49:19

Pa'rasangannu rosoka siagang sino sikalia kamma-kamma anne a'jari seppa' dudumi mae ri tau eroka ampammantangngi. Na tau eroka ampanrakiko, a'lampami bella battu ri kau.

YESAYA 41:15

Ciniki, Kupa'jariko rapang papang-papang pallessoro', berua, taranga, siagang rua a'gimbara' giginna. Lanulissaraki sikamma monconga siagang nuancuru'; sikamma buluka nupa'jari rapang awang.

YEREMIA 50:3

Nia' se're bansa battu wara' labattu ambunduki Babel, siagang ampa'jari anjo pa'rasanganga kamma parang kalotoro'. Taua siagang olo'-oloka lalari, siagang tenamo ero' ammantang anjoreng.”

YO"EL 1:13

He sikamma imang allayania ri tampa' pakkoro'bangnganga, ammakeko kaeng karung, siagang angngarru' mako. Antamakko ri Balla'Na Batara appiraung sipattang kabusu', nasaba' tenana koro'bang anggoro' siagang gandung untu' Allata'alanu.

YO"EL 1:19

Appala' tulunga' ri Katte, o Batara lanri sikamma parang rukuka ammutung ngasemmi na kalotoro' poko'-pokoka kalotoro' tommi na mate kontui nakanrea pepe'.

AMOS 5:1

Pilangngeri he umma' Israel! Erokka' ampakkelongangko se're kelong-kelong susa, kammaya anne:

AMOS 5:16

Nakana Batara Kaminang Koasaya, “Ri agang-agang kotaya, lappiraungi siagang lakkunrarengi taua lanri si'nana pa'mai'na. Ba'lalo sikamma pamarria lanikioki untu' amminawang angngarru' siagang sikamma tau nibayaraka untu' angkarruki tau matea.

MIKHA 2:4

Sarennu lanipakei ri taua a'jari piandere', siagang lappareki ke'nanga kelong-kelong kasusaang kammaya anne, ‘Naallemi Batara anne pa'rasanganna ikambe siagang Napassareang mae ri tau antahangai ikambe. Ancuru' taba sikalimi ikambe.’ ”

YEREMIA 2:15

Ammarrummi sa'ranna musunna rapang sa'ra singa, nipa'jari roso'mi buttana natena apa-apa wassele'na, kota-kotana la'busuki nakanre pepe', nibalang parekang ta'ronang tena bonena.

YEREMIA 12:11

Ba, Kucini' ngasengi ke'nanga ampa'jari tampa' sinoi pa'rasangangKu, appakapacce pa'mai'. Ta'ronang ngasemmi, tenamo amparhatikangi.

YEHEZKIEL 6:6

Sikontu kota Israel laniancuruki, sikontu tampa' pakkoro'bangnganga siagang barhalaya lalicaki, sikamma pa'dupaanna latassimbung-simbungi, kammayatompa sikamma apa napareka ke'nanga latappelaki.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.