YEREMIA 8:19 - KITTA' MATANGKASA'

¹⁹ Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

YEREMIA 8:19 Referans Kwoze

YESAYA 39:3

Nampa battumo Na'bi Yesaya andallekang siagang akkuta'nang ri Karaeng Hizkia angkana, “Battu kemae ngasengi anjo taua? Apa nakana ke'nanga?” Appialimi Hizkia angkana, “Battu ri Babel ke'nanga, pa'rasangang bella.”

YESAYA 13:5

Battui ke'nanga ri pa'rasangang-pa'rasangang bellaya di cappa'-cappa'na buttaya. Lalang larroNa Napakei Batara ke'nanga untu' ampanraki sikontu buttaya.

PAPPICINI' 2:1

“Untu' mae ri malaeka'na jama'ah Efesus, tulisiki kamma anne: Iaminne pappasang battu ri Ia anta'galakai anjo tujua bintoeng ri lima kananNa, siagang a'jappaya ri alla'na anjo tujua bangkeng lampu bulaenga.

OBAJA 1:17

“Mingka ri Bulu' Sion, lania' lasalama', siagang anjo buluka a'jari tampa' nisa'la' untu' iNakke. Jari jari-jarina Yakub lanapatangi ammotere' butta pisakana ke'nanga.

YO"EL 2:32

Mingka inai-nai appala' pannulung mae ri Batara, iami lanipasalama'. Nakana Batara, “Ri Yerusalem sikamma tau Kupilea lasalamaki.”

YEREMIA 31:6

Tojeng, lanarapiki sallang wattunna nasikamma pangawala'na kotaya lakkioki ri pa'monconganna Efraim, angkana, ‘Umba kinai' ri Sion, mange ri Karaeng Allata'alata.’ ”

YEREMIA 14:19

Batara, maka Kisorongboko taba sikalimi Yehuda na Kikabirisi pandudu'na Sion? Angngapa nasarring kamma pannunrunTa ri kambe sa'genna takkulleamo ammolle ammotere' ikambe? Tena matu-matunna ikambe a'boya kaamangngang, tena bua'-bua'na a'boya pammolleang, nasaba' katerassang bawang nia'.

YESAYA 52:1

Ambangungko, he Yerusalem, ambangung mako! Pakajarreki pa'mai'nu! Pakei pakeang kalompoannu! He Yerusalem, kota matangkasaka, takkulleami allalo antama tau rantasaka ri pakke'bu' lomponu.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

PAMMUJI 149:2

Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

PAMMUJI 146:10

Anjo Batara Karaeng satunggu-tungguna. He Sion, Allata'alanu makoasa lalang sikontua jammang. Pujimi Batara!

PAMMUJI 135:21

Pujimi Batara ri Sion, ri Yerusalem, tampa' pammantanganNa. Pujimi Batara!

YEREMIA 9:16

LaKupasiaraki ke'nanga mange ri alla'na bansa-bansa tenaya naassengi ke'nanga yareka ri boe-boena ke'nanga. Latulusu' appabattuA' tantara untu' ambunduki ke'nanga sa'genna Kuancuru' taba sikali ke'nanga.”

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.

PAMMUJI 31:6

Antama' ri limanTa kuerang kalengku; iKatte allappassanga', o, Batara, Allata'ala tamamminraya.

YEREMIA 2:5

Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

YEREMIA 7:19

Mingka sikontutojenna, teai iNakke napa'risi ke'nanga, passangalinna kalenna tonji ke'nanga, sa'genna siri'-siri' nakasia' ke'nanga.

YEREMIA 8:20

Akkioki umma' Israel angkana, “Wattu pakkattoang siagang wattu timoroka allalomi kamma-kamma anne, mingka tena tongngijapa nisalama'.”

YEREMIA 10:15

Anjo barhala-barhalaya tena anggaranna, siratangi nicau-cau siagang nihina. Punna narapiki sallang wattunna lapanraki ke'nanga.

YEREMIA 14:9

Angngapa Kisangkamma tau lingu; rapang tubarani tenaya nakkulle annulung? Mingka, mattantu niakKi' ri tangnga-tangngana ikambe, o Batara! Ikambe ummatTa, teaKi' bokoi!’ ”

YEREMIA 27:10

Natipuko ke'nanga sa'gennu nierang a'lampa bella battu ri pa'rasangannu. LaKubongkako battu ri pa'rasangannu siagang lapanrakko.

YEREMIA 32:30

Appakkaramula ri riwaya'na ke'nanga, iamintu tu Israel siagang tu Yehuda tena napakasannangi pa'maikKu. Napanaiki larroKu lanri ri panggaukang-panggaukang ja'dala'na ke'nanga.

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

MIKHA 4:9

Angngapa nungarru' lompo kamma? Angngapa nusessa kamma rapang baine eroka ammana'? Apaka lanri tenana karaennu, siagang lanri matenamo sikamma tumappakaingaka ri kau ngaseng?

PAOLE 31:17

Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

PAMMUJI 137:1

Ri birinna binanga-binanga Babel ammempo angngarru' ikambe punna niu'rangi Sion.

ZEFANYA 3:15

Nasaba' ammarimi Batara anghukkungko; le'ba'mi Nabongka ngaseng musunnu. Nila'langngiko ri Karaeng Israel, iamintu KalenNa Batara. Kamma-kamma anne tenamo nuparallu malla'.

ZAKHARIA 2:9

“KalenNa Batara la'jari balinnu ngaseng! Siagang laniella' ngasengko ri sikamma le'ba' ata kalennu tonji. Punna kajariang anjo passalaka, lanuassemmi angkanaya Batara Kaminang Koasaya assuroa'.”