YEREMIA 7:21 - KITTA' MATANGKASA'

²¹ Nakana Batara, “He ummakKu, nuassengi angkanaya anjo passare nutunua irate ri tampa' pakkoro'bangnganga musti nitunui sa'genna cappu', nampa passare maraenga akkullei nukanre. Mingka iNakke, Batara, Kukana, allemi kanre ngaseng!

YEREMIA 7:21 Referans Kwoze

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

YEREMIA 6:20

Apa matu-matunna ke'nanga ampangngerangngangA' kamanynyang battu ri Syeba, yareka rampa-rampa battu ri pa'rasangang bellaya? Tena naKuero' antarimai passarena ke'nanga. Tena Kungai koro'bang-koro'bang nitununa ke'nanga.

YESAYA 43:23

Tena nungngerang gimbala' untu' koro'bang nitununu, tena nupakalompoA' siagang passarenu. Nampa tenaja Kubattalliko siagang koro'bang, yareka Kususaiko lanri annuntuKa' kamanynyang.

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”

YEHEZKIEL 33:25

Lanri kammana Nasuroa' Batara Kaminang Tinggia ampabattui anne pasanNa mae ri ke'nanga angkana, “Angnganreko dageng niaka ija cera'na; nusombai barhalaya siagang nugaukangi ammunoa. Barani tojengko angngani anne buttaya angkana ikau pata.

PAOLE 12:27

Koro'bang nitunua siagang koro'bang nikanrea dagenna musti nipassareangi irate ri tampa' pakkoro'bangnganNa Karaeng Allata'alanu siagang cera'na musti nitumpai ri rateanna anjo tampa' pakkoro'bangnganga.

PAMMUJI 50:8

Teai passabakkang koro'bannu naKutuntukko; koro'bang nitununu tuli nia'na ri dallekangKu.