YEREMIA 6:6 - KITTA' MATANGKASA'

⁶ Le'ba'mi Naparentakang Batara Kaminang Koasaya anjo sikamma pamarentaya sollanna anna'bang poko'-poko' kayu nampa appaenteng pattahangngang ri sikamma bulu'-buluka untu' antammulili Yerusalem. Nakana Batara, “LaKuhukkungi anne kotaya lanri jai sikali panggaukang anjallakkang ilalang.

YEREMIA 6:6 Referans Kwoze

YEREMIA 32:24

Le'ba'mi nabangung tu Babel tembo'-tembo' angkurungai attammulili kotaya untu' angngallei, na kamma-kamma anne a'bakkami ke'nanga. Pa'bundukang, kacipurang, siagang garring la'jari saba' ri anne kotaya natu'guru' mae ri limanna musua. Kiciniki angkanaya sikontu apa Kipaua a'rupa ngasemmi.

LUKAS 19:43

Nia' sallang se're wattu nabattu musunnu ampangngalakkiko ri tammulilinu; lanakurungko ke'nanga, siagang lanabundukiko battu ri sikontu oloang niaka ri tammulilinu.

YESAYA 37:33

Iaminne kananNa Batara ri passala'na karaeng Asyur: ‘Talantamakkai ri Yerusalem yareka talanapatembakai panana mange ri anjo kotaya. Sikamma tantarana ammakea pa'lapa' barambang tena la'reppese' mange ri anjo kotaya, siagang tena nalanibangung pattahangngang untu' antammulili anjo kotaya.

YEREMIA 22:17

Mingka ikau, Yoyakim, maraengi. Ikau kaparalluang kalennu bawang nuboya. Nubunoi tau tenaya salana, siagang nujallakkangi ra'yaka nukapallakki.

YEREMIA 32:31

Appakkaramula ri wattu nibangunna anne kotaya, napakanassu duduMa' pandudu'na. Le'ba'mi Kupattantu untu' laKupanraki ke'nanga,

YEREMIA 33:4

Balla' karaenna Yehuda siagang sikamma ballaka ri kota Yerusalem le'baki nibongkara' untu' ampakajarreki pattahangnganga mae ri pakkurunna siagang pammuccu'na musua. Mingka iNakke, Batara, Allata'alana Israel, Kukana,

YEHEZKIEL 4:2

Nampa gambaraki se're garisi' angkurungi anjo kotaya, iamintu garisi'-garisi' solongang, butta-butta pannambungi, kema-kema siagang pakkakasa' untu' panrumbang, ri tammulilina tembo'-tembo' kalli'na.

YEHEZKIEL 5:5

Nakana Batara Kaminang Tinggia, “Ciniki, iaminne Yerusalem. Anne kotaya Kuboliki ri pocci'na linoa, siagang bansa-bansa maraenga ri tammulilina.

DANIEL 11:15

Nampa anjo karaeng pa'rasangang waraka lanakurungi se'rea kota niaka pattahanganna nampa nabeta. Tena nalakkulle attahang tantarana pa'rasangang timboroka; manna pasukang nipilea tena todong nakkulle langngewa.

ZEFANYA 3:1

Nitunrai Yerusalem, kota ja'dalaka nangaia angngewa ri Batara siagang anjallakkangi pandudu'na pa'rasangang kalenna!

YEREMIA 5:9

Maka tena namusti Kuhukkung bansa kammaya anjo siagang Kubalasa' apa le'baka nagaukang ke'nanga?

YEREMIA 5:29

Mingka iNakke, Batara, langhukkungi ke'nanga lanri yangasenna anjo sikammaya; laKubalasaki sikamma panggaukanna anne bansaya.

YEREMIA 20:8

Punna kua'bicara, musti ammarranga' sigassing-gassingku, angkana, “Kapallakkang! Bala!” O Batara, Nicau-caua' ri kere-kere wattu, lanri kupabattuna pasanTa.

YEREMIA 39:1

Ri bulang sampulo ri taung makasalapang ri pamarentahanna Zedekia karaeng Yehuda, Nebukadnezar karaeng Babel siagang sikontu tantarana battumi siagang nabundukimi Yerusalem.