YEREMIA 6:27 - KITTA' MATANGKASA'

²⁷ Nampa Nakana Batara ri Yeremia, “So'ri sai ummakKu, rapang tau asso'ria bulaeng. Salidiki sipa'-sipa'na ke'nanga!

YEREMIA 6:27 Referans Kwoze

YEREMIA 1:18

Pilangngeri! Lanibaliangko ri pandudu'na anne pa'rasanganga, iamintu sikamma karaenna Yehuda, sikamma tau anna'galaka pamarentahang, sikamma imanga, siagang ra'yaka. Mingka anne alloa Kusareko kagassingang untu' angngewai ke'nanga. La'jariko rapang kota niaka tembo' pattahanganna, rapang benteng bassi siagang tembo' tambaga. Takkulleai ke'nanga ambetako, nasaba' iNakke lanrurungangko siagang anjagaiko. INakke, Batara anne akkana.”

YEREMIA 15:20

LaKupa'jariko rapang tembo' tampa' pattahangngang nipareka battu ri tambaga mae ri ke'nanga. Lanabundukiko ke'nanga, mingka tanakulleai ke'nanga ambetako. INakke lanrurungangko untu' anla'langngiko siagang ampasalamakko.

YEHEZKIEL 22:2

“He tau, sadia mako untu' angngadeli anjo kota rassia pabuno? Picinikiangi sikontu panggaukanna appakaringika.”

YEHEZKIEL 20:4

He tau, sadia mako untu' angngadeli ke'nanga? Gaukammi! Pakaingaki ke'nanga sikontu kakodiang le'baka nagaukang boe-boena ke'nanga.

YEREMIA 9:7

Lanri kammana anjo Nakanamo Batara Kaminang Koasaya, “Rapang bulaeng, laKuso'ri ummakKu sollanna a'jari ti'no' ke'nanga. Apapi pole akkulle Kugaukang mae ri ummakKu le'baka a'gau' ja'dala'?