YEREMIA 6:11 - KITTA' MATANGKASA'

¹¹ Anjo larroTa mae ri ke'nanga a'bara tongi lalang ri kalengku, Batara! Sukkaraki lakuparrangngi.” Nampa Nakana Batara, “Pa'betteseki anjo larroa mae ri ana'-ana' niaka ri sikamma agang lompoa siagang mae ri sikamma tau rungka sitabanga a'rappung. Lanijakkalaki sikamma bura'nea siagang bainea, kammayatompa sikamma tau toa duduamo umuru'na tena todong nalata'lappasa'.

YEREMIA 6:11 Referans Kwoze

YEREMIA 20:9

Mingka punna lalang atingku kukana, “Boli'mi kamma kukaluppai Batara, teama' a'bicara lalang arenNa,” rapammi pepe' pasanNa a'bara ilalang ri ati mailalangku. Le'baki kucoba amparrangngi, mingka ma'nassa tena nakukullei.

YEREMIA 9:21

Antama'mi kamateanga ri tontonganga, annarrusu' antama' ri balla' karaenga; nabakkai ana'-anaka ri aganga kammayatompa turungkaya ri paranga.

MIKHA 3:8

Mingka ri sesena anne inakke, Nasarema' Batara RohNa siagang koasaNa. Nasarea' pammahang ri passala'na kaadelanga, kammayatompa kabaraniang untu' ampaui mae ri tu Israel dosa-dosa le'baka nagaukang ke'nanga.

PAPPICINI' 16:1

Nampa nia' kulangngere' sa'ra lompo battu lalang ri Balla'Na Allata'ala angkana mae ri anjo tujua malaeka' angkana, “A'lampako nanutumpa bonena anjo pammoneang kalarroanNa Allata'ala naung ri buttaya!”

LAMPA-LAMPANA 18:5

Ri wattunna nia'mo Silas siagang Timotius battu ri Makedonia, napakemi Paulus sikontu wattunna niaka, untu' ampabattui kabara' battua ri Allata'ala mae ri tu Yahudia. Napabattumi mae ri ke'nanga ri passala'na Isa, Karaeng Mappasalama' le'baka Napa'janjiang Allata'ala.

LAMPA-LAMPANA 17:16

Lalang natayanna Paulus kabattuanna Silas siagang Timotius ri Atena, si'nami atinna anciniki anjo kotaya lanri jaina barhala anjoreng.

LAMPA-LAMPANA 4:20

Nasaba' takkulleai ammari ikambe ambicarai anjo apa le'baka nacini' siagang nalangngere' ikambe.”

LUKAS 17:34

Patappa'mi angkanaya: anjo bangngia punna nia' rua tau attinro ri se'rea katinroang, lanierangi a'lampa sitau, nalaniboli' sitau.

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.

YEHEZKIEL 3:14

KakoasanNa Batara battu mae ri nakke sanna' heba'na, siagang ri wattungku Niangka' siagang Nierang ri RohNa, atingku sanna' pai'na siagang bambanna kusa'ring.

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

YESAYA 40:30

Tau rungkaya a'jari mangngangi siagang posoi ana'-ana' beru bakkaka tu'guruki lanri tatto'ro.

YEREMIA 15:6

Le'ba'Ma' nusorongboko siagang nubokoi, lanri kammanami anjo naKuangka' limangKu untu' angngancurukko, lanri lanreMa' antahangi larroKu.

YEREMIA 15:17

Tena kukaturu'-turukang assannang-sannang siagang sikamma tau asse'rea untu' a'bicara bonga-bonga. Lanri mannurukingku mae ri Katte, nakusa'la'mo kalengku lalang larroku kusa'ring.

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

PIRAUNG 2:21

Tau toa tau rungka tattalasa' mate ri aganga, turungka bura'ne baine mate lanri pa'dang. Ri wattu larroTa, tamammaling-malingKi' ansamballei ke'nanga.

YEHEZKIEL 3:3

Nakana, “He tau, kanrei! Bonei battannu siagang anne kitta' nigulunga.” Nampa kukanre anjo kittaka na kasia'na te'nei sangkamma je'ne' bani.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

YEREMIA 5:9

Maka tena namusti Kuhukkung bansa kammaya anjo siagang Kubalasa' apa le'baka nagaukang ke'nanga?

YEREMIA 9:20

Kukana, “Pilangngeri kana-kananNa Batara he ikau ngaseng tubainea! Pangngajarrangi mae sikamma tulolonnu kelong-kelong karruka, mange ri agang-agannu kelong-kelong kasusaanga.