YEREMIA 51:43 - KITTA' MATANGKASA'

⁴³ Kota-kotana a'jari tampa' appakamalla'-mallaki, rapang parang lompo kalotoroka. Tena tau ero' ammantang yareka allalo anjoreng.

YEREMIA 51:43 Referans Kwoze

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

YESAYA 13:20

Manna sitau tania' ija lammantang anjoreng. Tena padete' tau Arab lampasangi kemana anjoreng ri tampaka, siagang tena pakalawaki langngerangi bembena siagang gimbala'na untu' a'ruku' anjoreng.

YEREMIA 51:29

Annekkereki siagang ta'goccangi buttaya lanri Kugaukangi rancanaKu untu' ampa'jari Babel tampa' kalotoro' tenaya napammantangngi tau.

YEREMIA 51:37

Anne pa'rasanganga la'jari pannambungang loroi, tampa' paccokkoanna kongkong romanga. Mallaki nasa'ring taua anciniki, siagang manna sitau tania' ero' ammantang anjoreng.

YEREMIA 50:12

Mingka ikau la'jari bansa kaminang tena battuannu ri alla'na sikontu bansaya. Anjo kotanu lompoa lanihinai siagang lanipakasiriki. Pa'rasangannu la'jari parang lompoi na kalotoro' siagang roso'.

PAMMUJI 46:8

Batara Kaminang Makoasa anrurungangki', Allata'alana Yakub anjagaiki'.

YESAYA 47:11

Mingka lanatujuko bala, takkulleai baca-bacanu ampalili. Lanibattuiko ri bahaya, takkulleako ampasalai. Ti'ring labattui kapanrakanga, tanusanna-sannayai la'bi riolo.

YEREMIA 51:62

Punna le'baki anjo, appala' doang mako kamma anne, ‘O Batara, le'baki Kipau angkanaya anne kotaya laKiancuruki sa'genna sikamma rupataua kammayatompa olo'-oloka lalanynya' taba sikali, siagang anne tampaka la'jari sangkammai parang lompo satunggu-tungguna.’

YESAYA 34:13

Sikamma balla' rewatana siagang kota-kota niaka pattahanganna lanitimboi ri ruku' siagang rompo' katinting, nipammantangngi ri kongkong romang siagang jangang-jangang unta.

YEREMIA 18:16

Anne pa'rasanganga napa'jarimi ke'nanga tampa' appakaringi'-ringi', siagang tuli a'jari pa'rasangang nicau-cau. Sikontu tau allaloa ammenggong ngaseng ulunna lanri ringi'-ringi'na.