YEREMIA 51:41 - KITTA' MATANGKASA'

⁴¹ Nakana Batara, “Babel nipalecea ri sikontu lino le'ba'mi nialle siagang niempoi. Tamaka appakamalla'na anjo pa'rasanganga mae ri bansa-bansaya.

YEREMIA 51:41 Referans Kwoze

YESAYA 13:19

Yangasenna kakaraenganga, iaminjo Babel kaminang ga'ga siagang a'jari kalompoang pa'mai'na pandudu'na. Mingka iNakke, Batara, laKuancuruki ke'nanga, kamma le'baka Kugaukang mae ri kota Sodom siagang Gomora.

YEREMIA 49:25

Anjo kota masahoroka siagang tuli rannua, kamma-kamma anne a'jari sinoi, tena tau ampammantangngi.

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

DANIEL 4:22

O karaengku, karaengkumi nataba pangngebarranna anjo poko' kayu tinggia siagang kassaka. Katambangi kalompoanna karaengku sa'genna narapi' rapang coppo'na langika, siagang kakoasanta a'la'baki sa'genna cappa'na buttaya.

DANIEL 2:38

Nipa'jariki' karaeng tukoasa mae ri lino niaka pandudu'na kammayatompa jangang-janganga siagang olo'-olo' maraengannaya. Kalentami karaeng natabaya pangngebarranna anjo ulu bulaenna anjo patunga.

YEHEZKIEL 27:35

Sikontu tau ammantanga ri biring tamparanga annekkereki allangngereki sarennu. Manna karaeng-karaenna ke'nanga sanna' todong malla'na; anjo malla'na ke'nanga a'nassai ri rupanna ke'nanga.

YEREMIA 51:37

Anne pa'rasanganga la'jari pannambungang loroi, tampa' paccokkoanna kongkong romanga. Mallaki nasa'ring taua anciniki, siagang manna sitau tania' ero' ammantang anjoreng.

YEREMIA 50:46

Punna tu'guru' Babel, nia' lakalangngerang sa'ra sannaka gegere'na, sa'genna ta'goccang sikontu linoa; sikamma sa'ra ammarranna panduduka lakalangngerangi mae ri bansa-bansa maraenga.”

YEREMIA 50:23

Sikontu pa'rasanganga nitunrungi ri Babel sa'genna ancuru', mingka kamma-kamma anne tepo'mi anjo pattunrunna! Sikontu bansaya ta'bangkai allangngereki apa kajarianga mae ri anjo pa'rasanganga.

YESAYA 14:4

Punna Nagaukammo Batara anjo kammaya, lanacau-caumi ke'nanga karaeng Babel, angkana, “Tu'guru'mi karaeng pallaka! Takkulleami anjallakkang.

2 PATTOTTORANG 7:21

Anne Balla' sambayanga kamma-kamma anne sanna' nipakalompona, mingka anjo sallang wattua sikamma tau numaloa lalannasa' kabusuki anciniki. Lanakana ke'nanga, ‘Angngapa nanapakamma anjo Batara anne pa'rasanganga siagang anne ballaka?’

PAOLE 28:37

Ri pa'rasangang-pa'rasangang tampa'nu nipasisa'la'-sa'la' ri Batara, lata'bangka ngasengi taua ancinikko; lanicau-cauko siagang lanikakkaliko ri ke'nanga.