YEREMIA 51:13 - KITTA' MATANGKASA'

¹³ Anjo pa'rasanganga teai sipato' kalumanynyanna siagang jai binangana, mingka lala'busu'mi wattu tallasa'na; battumi kala'busang katallassanna.

YEREMIA 51:13 Referans Kwoze

PAPPICINI' 17:1

Le'baki anjo battumi mae ri nakke kalase'renna anjo tujua malaeka' anna'galaka pammoneang na nakana, “Maeko, lakupicinikiangko antekamma batena lanihukkung anjo pasundala' lompoa, iamintu anjo kota lompoa, nibangunga ri ampi'na binanga-binangaya.

PAPPICINI' 17:15

Nakana pole anjo malaekaka, “Anjo je'ne' nucinika, napammempoia anjo pasundalaka, iaminjo bansa-bansaya, ra'ya'-ra'yaka, pa'rasangang-pa'rasanganga siagang bahasa-bahasaya.

YESAYA 45:3

Na laKusareko kakalumanynyangngang taccokko, sollanna nuasseng angkana iNakkemi Batara, Allata'alana Israel, le'baka angkiokko situru' arennu.

YEREMIA 51:36

Lanri kammana anjo Nakanamo Batara mae ri pandudu'na Yerusalem. “LaKuusahakangi parkaranu siagang Kubalasaki panggaukanna musu-musunnu mae ri kau. LaKupa'jari kalotoroki je'ne'na sikamma timbuseng je'neka siagang sikamma binanga niaka ri Babel.

PA'JARIANG 6:13

Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

PAPPICINI' 18:19

Jari naboneimi au ulunna ke'nanga a'jari pammatei attau matei ke'nanga; nampa angngarru' siagang ammarrang-marrang ke'nanga angkana, “Adudu, teai sipato' cilakana anne kota lompoa! Kakalumanynyanganna ampa'jari kalumanynyangi sikamma tau niaka kappala'na ri tamparanga. Mingka lalang sijangji bawang sallona, natappela' ngasemmo sikontu apa-apanna!”

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

AMOS 8:2

Akkuta'nangi Batara ri nakke angkana, “Apa nucini' Amos?” Appialima' angkana, “Se're karanjeng nibonei rappo-rappoang ti'no'.” Nakanamo Batara, “Narapi'mi wattunna mae ri ummakKu Israel, rapang rappo-rappoang ti'nokamo. Tenamo nalaKupinra pole rancanaKu siagang ma'nassa laKuhukkungi ke'nanga.

DANIEL 5:26

Nampa kammami anne battuanna: Nibilang, iamintu wattu pamarentahanna karaengku le'ba'mi Nibilang ri Allata'ala nampa Napa'le'ba';

PIRAUNG 4:18

Takkulleai ikambe assulu' ri aganga, lanri tuli nijagaita ri musua. A'reppese'mi a'jala'na ikambe lanri angganna'mi allonna ikambe.

YEREMIA 50:37

Ancuruki jaranna siagang kareta bundu'na! Ancuruki sikamma tantara nisewana! Tamaka lammana ke'nanga! Ancuruki kakalumanynyangnganna Babel! Alleangi barang-baranna!

YEREMIA 50:31

Babel, ikau tinggi langga duduko! Lanri kammana anjo, iNakke, Batara Kaminang Tinggia, Allata'ala Kaminang Koasaya, angngewako. Narapi'mi wattunnu Kuhukkung.

YEREMIA 50:27

Bunoi sikontu tantarana! Bunoi ke'nanga! Cilakami bansa Babel! Narapi'mi wattunna nihukkung ke'nanga!” (

YEREMIA 17:11

Rapang jangang-jangang anggoppoki bayao teai bayaona, kammaminjo tau jekkonga anggappa pa'barang-barangngang. Ri attangnga umuru'na latappela' ngasengi barang-baranna. Ri kala'busang tallasa'na a'butti angkana ia tau dongo' sikali.

YESAYA 43:14

Batara Mappasalama'nu, Batara Matangkasa'na Israel, Nakana, “Lanri ikau ngaseng, naKuakkiring tantara mange ri Babel, naKulappo sa'genna rumbang sikamma panjoli pakke'bu'na panjaraya; sa'ra orre'na tu Kasdim Kupinrai a'jari piraung.

YESAYA 57:17

Dosa lanri ngoana ke'nanga ampakanassuA', lanri kammana naKuhukkung siagang Kubokoi ke'nanga. Mingka terasa' dudui ulunna ke'nanga na tuli ero'na naturukiang.

PAMMUJI 137:1

Ri birinna binanga-binanga Babel ammempo angngarru' ikambe punna niu'rangi Sion.