YEREMIA 50:7 - KITTA' MATANGKASA'

⁷ Nibakkai siagang nisessai ke'nanga ri sikontu naaganga sibuntulu' ke'nanga. Nakana musu-musunna ummakKu, ‘Manna apa nigaukang mae ri ke'nanga, tena nasala, nasaba' anjo taua dorakami ri Batara. Boe-boena ke'nanga tappaki ri Batara, jari mustina ke'nanga tuli majarre' tongi mae ri Batara.’

YEREMIA 50:7 Referans Kwoze

YEREMIA 14:8

IKatteji bawang panrannuanna Israel, ampasalamakai ikambe battu ri balaya. Mingka angngapa Kikamma tau maraeng ri pa'rasanganna ikambe, rapang pajappa battu bella poro assengka bawang sipattang nampa a'lampa?

YEREMIA 2:3

Israel, iNakke KalengKu ampatangko, Kusayanga lalang ri pa'maikKu. Kupitujui bala sikontu tau ansessayako, iNakke, Batara, anne akkana.”

ZAKHARIA 11:5

Sikamma tummallina lanabunoi anjo sikamma gimbalaka natanggappaya hukkungang. Nakana ke'nanga anjo tau ambalukangai dagenna anjo sikamma gimbalaka, ‘Nipujimi Batara! Kamma-kamma anne pila' akkalumanynyangki'!’ Anjo sikamma pakalawakia tena pangngamaseanna mae ri sikamma gimbala' piarana ke'nanga.

YEREMIA 31:23

Batara Kaminang Koasaya, iamintu Allata'alana Israel, nakana, “Punna le'ba'mi Kupa'jari pore ummakKu sangkamma riolo, ri pa'rasangang Yehuda siagang ri desa-desana nia' nilangngere' tau lakkana, ‘Dasi-dasi naNabarakkaki Batara bulu' matangkasaka ri Yerusalem tampa' pammantangngang matangkasaka untu' KalenNa.’

YEREMIA 50:17

Nakana Batara, “Tu Israel rapangi pa'rappungang gimbala' niondanga siagang nipasimbung-simbunga ri singa. Uru-uruna nibunduki ke'nanga ri karaeng Asyur, nampa Nebukadnezar Karaeng Babel angngallei buku-bukunna ke'nanga.

1 TIMOTIUS 1:1

Natarimai Timotius, ana' kontutojengku lanri ri Batara. Anne suraka battu ri nakke, Paulus, tunisuroNa Isa Almasi lanri ero'Na Allata'ala, Mappasalamatta, siagang lanri ero'Na Isa Almasi, panrannuanta. Poro nisareko barakka', pangngamaseang siagang kasalewangang battu ri Allata'ala Manggea siagang Isa Almasi Batarata.

ZAKHARIA 1:15

Mingka sanna' larroKu mae ri bansa-bansa nakanaya amang siagang sannang pakkasia'na. Nasaba' ri wattunna Kutahang larroKu mae ri ummakKu, anjo bansa-bansaya pila' natambai sessana ummakKu.

DANIEL 9:16

Le'ba'mi Kiallei ikambe ri jammang riolo, lanri kammana anjo tea maKi' larroi pole mae ri Yerusalem, kota KalenTa, bulu' matangkasatTa. Lanri dosana ikambe siagang kaja'dallanna boe-boena ikambe, nasikontu tau niaka ri tammulilina ikambe nacini' tunami kota Yerusalem siagang ummatTa.

DANIEL 9:6

Tena namappilangngeri ikambe mae ri na'bi-na'bia, iamintu ata-atanTa, le'baka a'bicara lalang arenTa mae ri sikamma karaenna ikambe, mae ri sikamma pamimpinna ikambe, mae ri boe-boena ikambe kammayatompa mae ri sikontu bansana ikambe.

YEREMIA 50:33

Nakana Batara Kaminang Koasaya, “Nijallakkangi tu Israel siagang tu Yehuda. Sikontu tau antahangai ke'nanga, najagai bajiki siagang taerokai allappassangi ke'nanga.

YESAYA 56:9

Nasuroi Batara bansa-bansa maraenga battu rapang olo'-olo' sekke' untu' ambakkai nakokko' umma'Na.

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

YESAYA 9:12

Tena ijapa nassesse' lalang bansa Israel, manna pole nanihukkummo ri Batara Kaminang Makoasaya; tena ijapa natoba' ke'nanga mae ri Ia.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

PAMMUJI 90:1

Pappala' doanna Musa, atanNa Allata'ala. O Batara, iKattemi tampa' pa'la'langanna ikambe sikontu turungang.

PAMMUJI 79:7

Saba' le'ba'mi naballassi ummatTa, naancuru' tampa' pammantanganna ke'nanga.

PAMMUJI 71:5

Saba' iKattemi panrannuangku, o, Batara, o, Batara tappaka' mae ri Katte battu ri wattu rungkaku iji.

YEREMIA 5:17

Lanapaccappuki ke'nanga wassele' buttanu siagang kanre-kanreannu kammayatompa nabunoi ana'-ana'nu. Lanasamballei ke'nanga olo'-olo' sapinu siagang gimbala'nu, siagang lapanraki ngasengi poko'-poko' anggoro'nu siagang poko'-poko' aranu. Lanaancuruki ke'nanga kota-kota ammakea tembo' pattahangngang ia nupattoanga.

YEREMIA 10:25

Pa'bettese'mi larroTa mae ri bansa-bansa tenaya naaniKi' siagang tenaya naero' anynyomba ri Katte. Nasaba' le'ba'mi napanraki taba sikali ummatTa siagang naancuru' pa'rasanganna ikambe.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YEHEZKIEL 34:5

Lanri tenana pakalawakinna, anjo gimbalaka tassiara'mi na nikanre ri olo'-olo' sekke'.

YEHEZKIEL 35:12

Jari lanuassemmi angkanaya iNakke, Batara, Kulangngere'mi kana pacau-caunu ri wattunnu angkana: Moncong-monconga ri Israel a'jari sinoi siagang nipassareangi a'jari koro'banta.

YEREMIA 33:15

Ri anjo wattua nia' se're tau adele' battu ri jari-jarina Daud laKupile a'jari karaeng. Anjo karaenga lanagaukangi apa adeleka ri sikontu pa'rasanganga.

YEREMIA 33:16

Tu Yehuda siagang pandudu'na Yerusalem lanipasalamaki siagang laamangi lalang tallasa'na. Kota Yerusalem laniarengi ‘Batara Tumappasalamatta’.

YEREMIA 50:14

He ikau ngaseng tau angngeranga sanjata pana! Atoroki barisannu untu' angkurungi siagang ambunduki Babel. Pa'dalle' mangei ri Babel ana' pananu, lanri dorakai ri Nakke.