YEREMIA 50:16 - KITTA' MATANGKASA'

¹⁶ Teako lappassangngi taua a'lamung-lamung yareka akkatto ri anjo pa'rasanganga. Sikontu tau annompanga ammantang anjoreng lammotere' ngasengi ri pa'rasanganna lanri mallaki ke'nanga ri tantara battua ambunduki Babel.”

YEREMIA 50:16 Referans Kwoze

YESAYA 13:14

Bansa maraeng ammantanga ri Babel lasisa'la'-sa'laki siagang massing lari mange ri pa'rasanganna. Rapangi ke'nanga jonga lari battu ri pammuranga, yareka rapang gimbala' tenayamo pakalawakinna.

YEREMIA 51:9

Tau annompanga ammantang anjoreng massing nakanamo para ia, ‘Niusahaimi antulungi Babel, mingka tala'mi! Bajikangngang nibokoimi anne pa'rasanganga nakimassing ammotere' mange ri pa'rasanganta. Nahukkummi Batara Babel siagang hukkungang lompo, naancuru' taba sikalimi.’ ”

YEREMIA 46:16

Jai tantaranu latatto'ro siagang tu'guru'. Nakana ke'nanga massing para ia, ‘Umba kimmotere' mange ri bansata sollanna kikkulle ta'lappasa' battu ri bahayana pa'danna musua.’

YO"EL 1:11

He pamarria, appiraung mako! He pakoko anggoroka, angngarru' mako! Nasaba' gandung, jelai siagang sikontu wasseleka putta kabusu'mi.

AMOS 5:16

Nakana Batara Kaminang Koasaya, “Ri agang-agang kotaya, lappiraungi siagang lakkunrarengi taua lanri si'nana pa'mai'na. Ba'lalo sikamma pamarria lanikioki untu' amminawang angngarru' siagang sikamma tau nibayaraka untu' angkarruki tau matea.

YEREMIA 51:23

Kupakeko untu' ampanraki pakalawakia siagang olo'-olo'na, pamarria siagang sapi pa'jekona, pamarentaya siagang perwira-perwira tinggia.”

YEREMIA 25:38

Rapang singa assuluka battu ri leanna, kamma tomminjo Batara assuluki untu' anghukkungi umma'Na. Palla'na pa'bundukanga siagang kalarroanNa Batara ampinrai anne pa'rasanganga a'jari parang lompo.