YEREMIA 50:1 - KITTA' MATANGKASA'

¹ Iaminne pasanNa Batara mae ri nakke ri sesena Babel siagang pandudu'na,

YEREMIA 50:1 Referans Kwoze

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.

LAMPA-LAMPANA 7:4

Jari a'lette'mi Abraham battu ri pa'rasangang Kasdim mange ri Haran. Ri wattunna matemo manggena Abraham, nipalette'mi Abraham ri Allata'ala mae anrinni, ri pa'rasangang nupammantangia ngaseng kamma-kamma anne.

YEREMIA 27:7

Sikontu bansaya la'jari atai mae ri ia, mae ri ana'-ana' bura'nena, siagang mae ri cucunna sa'genna narapi' wattunna pa'rasangang kalenna tu'guru' todong. Anjo wattua bansa Babel la'jari atai mae ri bansa-bansa kassaka siagang karaeng-karaeng lompoa.

YESAYA 23:13

Teai bansa Asyur, passangalinna bansa Babel allappassangi olo'-olo' sekkeka angkoasai Tirus. Iatommi ke'nanga ampaentengi sikamma menara untu' nipake antammulili balia, anruntungi sikamma benteng pattahanganna siagang ampa'jari rumbangangi anjo kotaya.)

YESAYA 14:4

Punna Nagaukammo Batara anjo kammaya, lanacau-caumi ke'nanga karaeng Babel, angkana, “Tu'guru'mi karaeng pallaka! Takkulleami anjallakkang.

AYUB 1:17

Tenapa nale'ba' a'bicara anjo taua, nania' tommo battu ata makatallua ampabattui angkana, “Nia' tallung pa'gompoang pasukang paella' tu Kasdim battu anrampasaki sikamma untata siagang nabuno ngaseng sikamma atanta. Inakke mami anne atanta ta'lappasa', sa'gengku akkulle battu a'laporo' mae ri katte.”

2 SAMUEL 23:2

Le'baki mangkana RohNa Batara tete ri nakke; pasang siagang passuroNa niaki ri muncengku.

PA'JARIANG 11:31

A'lampai Terah ambokoi kota Ur ri Babilonia siagang Abram ana'na, Lot cucunna, siagang Sarai mintunna iamintu bainenna Abram. Eroki a'lampa mange ri Kanaan. Mingka ri wattunna battu ri Haran, ammantammi ke'nanga anjoreng.

PA'JARIANG 10:10

Uru-uruna antamaya kakaraenganna iamintu Babel, Erekh, siagang Akad, tallu-talluna nia' ngasengi ri Babilonia.

PAPPICINI' 14:8

Battumi pole malaeka' ribokoanganna anjo malaeka' uru-urua; akkio'mi anjo malaeka' makaruaya angkana, “Tu'guru'mi! Tu'guru'mi kota Babel lompoa! Napa'jari nasa'ring ngasemmi je'ne' anggoro' sikontu bansaya ri lino, iamintu anggoro' battu ri napasu gau' bawanna!”

PA'JARIANG 11:9

Iaminjo saba'na naniaremmo anjo kotaya Babel, lanri anjoremmi Napasisala-sala Batara bahasana sikontu bansaya, siagang battu anjoremmi ke'nanga nipasisa'la'-sa'la' ri Batara mange ri sikontu linoa.

2 KARAENG-KARAENG 17:24

Salaku sambenna tu Israel le'bakamo niengka' mange ri anjo butta pammelakkanga, natampakkangi karaeng Asyur tau battua ri Babel, Kuta, Awa, Hamat, siagang Sefarwaim, anjoreng ri kota-kotana Samaria. Ammantang kabusu'mi anjo taua ri anjo kota-kotaya.

YEREMIA 25:12

Le'baki anjo laKuhukkungi bansa Babel siagang karaenna lanri dosana ke'nanga. LaKuruntungi pa'rasangang Babel siagang Kubalang parekangi ancuru' sa'genna satunggu-tungguna.

DANIEL 1:1

Narapiki tallun taung Karaeng Yoyakim ammarenta ri Yehuda, battumi Nebukadnezar, iamintu karaeng Babel, ambunduki siagang angkurungi kota Yerusalem.