YEREMIA 5:7 - KITTA' MATANGKASA'

⁷ Nakana Batara, “Angngapa namusti Kupammopporang dosa-dosana ummakKu? NabokoiMa' ke'nanga siagang anynyombami ke'nanga ri tenaya na Allata'ala. Kusarei ke'nanga kanre sa'genna bassoro', mingka kammaji a'gau' bawanna, siagang masarroi a'lampa ke'nanga mange ri baine pasundalaka.

YEREMIA 5:7 Referans Kwoze

GALATIA 4:8

Riolo tanuassengai Allata'ala. Iaminjo saba'na nu'jari atamo mae ri koasa-koasa nikanaya allata'ala, mingka sikontutojenna teai Allata'ala tojeng-tojeng.

YEREMIA 2:11

Tale'bakai nia' se're bansa ansambei rewatana manna pole naanjo teai Allata'ala sitojennaya. Mingka, ummakKu le'bakKa' nasambei, kalompoanna ke'nanga siagang se'rea apa takkulle appare' apa-apa.

YOSUA 23:7

Lanri kammana anjo tenamo nulasileo' siagang bansa-bansa niaka ija ammantang ri alla'nu. Tena nalanutappu arenna rewata-rewatana ke'nanga yareka assumpa lalang arenna anjo arenga. Kammayatompa tena todong nalanugaukang ibadaya yareka anynyomba mae ri anjo rewata-rewataya.

PAOLE 32:21

Patung nasombaya ke'nanga a'jari saba' naKularro siagang akkimburuA' mae ri apa naarenga ke'nanga rewata. Kupanaiki larrona ummakKu ri bansa maraenga, sollanna akkimburu mae ri tau dongo'-dongoka.

ZEFANYA 1:5

LaKubarrasaki sa'genna tangkasa' inai-nai mamo naika ri pattongko'na ballaka untu' anynyomba ri matanna alloa, bulanga siagang sikamma bintoenga. LaKupa'lanynya' tongi ke'nanga anynyombaya mae ri Nakke siagang assumpaya lamajarre' mae ri Nakke, mingka assumpa tongi lanri arenna Rewata Milkom.

1 KORINTUS 8:4

Ri passala'na nikanaya angnganre kanre le'bakamo nipassareang mae ri barhalaya sikontutojenna anjo barhalaya apa tena nanikana nia'. Iaji niasseng angkanaya se'reji Allata'ala; tena ruanna.

YEREMIA 23:10

Pa'rasanganta rassi siagang tau tenaya namajarre' tappa'na mae ri Batara. Ja'dalaki ke'nanga lalang katallassanna siagang napake salai kakoasanna ke'nanga. Lanri pangngalarroinNa Batara, a'jari kalotoroki rukuka ri parang siagang sikontu pa'rasanganga susa ngasengi.

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

YAKOBUS 4:4

Teai ngasengko tau majarre'! Maka nuassengi angkanaya punna agangko mae ri linoa, a'jari musuko mae ri Allata'ala? Jari inai-nai ero' a'jari agang mae ri anne linoa, napa'jarimi kalenna musu mae ri Allata'ala.

YEREMIA 12:16

Punna attojeng-tojeng pa'mai'na ke'nanga ero' antarimai agamana ummakKu siagang ero' assumpa angkana, ‘Lanri Batara mattallasaka,’ – sangkamma batena riolo ke'nanga angngajaraki ummakKu assumpa lanri Rewata Baal – la'jarimi ke'nanga golonganna ummakKu siagang la'jari kalumanynyangi ke'nanga.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

AMOS 8:14

Sikamma tau assumpaya lanri barhala Samaria angkana, ‘Lanri rewatana bansa Dan’ yareka ‘Lanri rewatana Bersyeba’ – latu'guru' kabusuki siagang tambangungami pole.”

HOSEA 13:6

Mingka ri nia'numo ri pa'rasangang bajika, siagang bassoro' mako kammayatompa sukku'mi nusa'ring, a'jari tampo mako siagang takkaluppa mako mae ri Nakke.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

HOSEA 7:4

Sangnging tau a'bali' ballang siagang tau tamattantua ngaseng nyawana ke'nanga. Pangngabirissinna ke'nanga rapangi pepe' lalang ri pattunuang tenaya nanipicorai pepe'na ri papare' rotia lalang tenanapa nasadia leokanna untu' nitunu.

HOSEA 4:2

Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.

YEHEZKIEL 22:11

bainenna paranna tau, yareka mintunna, yareka andi' aona.

YEREMIA 13:27

Le'ba'mi Kucini' nugaukang sikamma apa-apa tenaya naKungai. Kucini'mi nuondang rewata-rewata maraenga ri buluka siagang ri kokoa, rapang sitau bura'ne a'lingu-lingu ero' mae ri bainenna taua, yareka jarang laki balere' dudua mae ri jarang ganaya. He pandudu'na Yerusalem, cilaka mako! Angngapapi nulata'lappasa' battu ri sikontu kaja'dallanga?”

YEREMIA 9:2

Ka'de' kukkulle anggappa ri parang luara' pa'bangngiang untu' tau lalang pa'jappang! Lakubokoi bansaku, kulari mange anjoreng untu' ampakabellai kalengku battu ri ke'nanga. Tau pabali' ballang ngasengi ke'nanga, passe'reang tau tenaya namajarre' pa'mai'na,

YEREMIA 3:19

Nakana Batara, “He Israel, erokKa' antarimako a'jari anakKu, siagang assareko pa'rasangang appakasannanga pa'mai', pa'rasangang kaminang bajika ri sikontu linoa. ErokKa' nukio' mangge, siagang tenamo nanula'lampa pole ampilariA'.

YEREMIA 2:31

He umma' Israel, pilangngeri anne kana-kanangKu. Maka le'bakKa' a'jari rapang parang lompo mae ri kau yareka rapang butta masassanga? Mingka angngapa nanukana erokko bebasa', siagang taeroka mako ammotere' mae ri Nakke?

PAMMUJI 50:18

Punna accinikko sitau palukka', amminawangko ri ia, siagang sileporangko siagang tau nangaia a'gau' salimara'.

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

2 PATTOTTORANG 13:9

Sai le'ba'mi nubongka imang-imanNa Batara, iamintu jari-jarina Harun siagang tu Lewi? Na sambenna iamintu inai-nai sambarang ero' a'jari imang, assala' angngerangi sikayu sapi yareka tuju kayu gimbala'. Nupa'jari imang teai untu' Allata'ala, nasaba' memang kammami anjo batena bansa-bansa maraenga angngangkaki imanna ke'nanga. Mingka ikatte tena nigaukangi kammaya anjo.

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.

YEREMIA 16:11

Pauangi ke'nanga angkanaya kammai anne kanangKu, ‘Le'ba'Ma' nabokoi boe-boenu untu' a'lampa mange anynyomba siagang assambayang ri rewata-rewata maraenga. Nabalang parekangA' siagang taerokai ke'nanga mannuruki ri paratorang-paratorangKu.

YEREMIA 16:20

Maka akkullei rupataua ampareki rewataya untu' kalenna todong? Tantu tena! Anjo napareka tantu teai Allata'ala.”

PIRAUNG 3:42

“Dorakami anne ikambe siagang angngewai mae ri Katte, o Batara, na tena Kipamopporangi ikambe.

AYUB 31:12

Anjo dosaya ammanraki kamma pepe', sikontu apa kupatanga la'busu' ngaseng nakanre.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.