YEREMIA 5:3 - KITTA' MATANGKASA'

³ Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEREMIA 5:3 Referans Kwoze

YEREMIA 7:28

Jari, pauangi ke'nanga angkanaya anjo ke'nanga bansa taero' mappilangngeri ri Nakke, Batara, Allata'alana ke'nanga. Taerokai ke'nanga appilajara' battu ri hukkungang le'baka nakasia' ke'nanga. Lanynya'mi kajarrekanna ke'nanga mae ri Nakke, ba'lalo tenamo nanibicarai.”

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

ZEFANYA 3:7

Kupikkiriki angkanaya, ‘Kamma-kamma anne tantu napakalompoMa' ummakKu siagang naparhatikammi sikamma pappakaingakKu. Tantu nau'rangi ke'nanga pangngajarang le'baka Kupassareang mae ri ke'nanga.’ Mingka a'nyatami angkanaya la'bi katambammi panggaukang ja'dala'na ke'nanga na rioloangannaya.

YESAYA 9:13

Lanri kammana anjo lalang sialloji bawang Nahukkung Batara sikamma pamimpinna siagang ra'ya'na Israel. Napolongi ulunna nampa Napela' ulunna siagang ingkonna.

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

YESAYA 42:25

Jari nikasia'mi pangngalarroi heba'Na, sessa maki' lanri pa'bundukang lompo. PangngalarroinNa rapangi pepe' angkanrei Israel, mingka taniassengai kalenta, siagang tena nippilajara' battu ri apa le'baka nikasia'.

IBRANI 12:9

Nia' manggeta ri lino. Naajarakki' siagang nipakala'biriki. Jari, la'biangampa mae ri Mangge rohanita, niaka ri suruga, tantu musti la'bi tundukki' mae ri Ia sollanta attallasa'.

ROMA 2:2

Niassemmi angkanaya punna Napabattumi hukkunganNa Allata'ala mae ri sikamma tau a'gau' kammaya anjo, anjo hukkunganga siratang memang tongi.

YEHEZKIEL 24:13

He Yerusalem, anjo panggaukang-panggaukang kodinu nara'massimi kalennu. Kucobami antangkasiko, mingka tena matu-matunna, lanri tuli ra'masa'nu. Tena nulatangkasa' ammotere' sa'genna ammari pangngalarroingKu mae ri kau.

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

YEREMIA 19:15

angkanaya Batara Kaminang Koasaya, Allata'alana Israel, akkana kammai anne, “Lanri kapala batunu siagang taerokako mappilangngeri, laKupabattui sikontu balaya mae ri anne kotaya siagang sikontu desa niaka ri tammulilina, iamintu bala le'baka Kurancana.”

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YESAYA 48:4

Kuassengi angkanaya ikau sanna' terasa'na pa'mai'nu, terasaki ulunnu siagang kapala batuko.

PANGNGEBARANG 27:22

Manna pole nitunrung sarring tau toloa, talalanynyaki katoloanna.

PANGNGEBARANG 23:35

Nampa lanukana, “Nia' kutadeng tau antunrunga' siagang antempa ka'ranga', mingka takkulleai kuu'rangi angkana apa kutadeng le'ba' kajariang. Dedeh, ta'do'do' dudua'! Parallua' pole angnginung!”

PANGNGEBARANG 22:12

Lanri nisungkena balle-ballena tau jekkonga, Najagaimi Batara sollanna tuli niparakai pangngassengang tojenga.

PANGNGEBARANG 21:29

Tau lambusuka tappaki ri kalenna; tau ja'dalaka akkapala' rupai.

PAMMUJI 51:6

Mae ri Katte, mae ri Katte bawang kudoraka, kugaukang apa Kikanaya ja'dala'. Jari siratang memang tongi punna Kihukkunga', adeleki kaputusanTa.

2 PATTOTTORANG 28:22

Lalang ri wattu anjo kasukkaranga, ba'lalo pila' dorakaji Ahas mae ri Batara.

KAIMANGNGANG 26:23

Punna le'ba' nukasia' ngaseng anjo hukkunganga natena ijapa nupilangngeriA', mingka tulusu' nuewaKu,

2 KARAENG-KARAENG 1:13

Sikalipi pole assuro karaenga sitau perwira siagang limampulo ana' buana. Anjo perwiraya naiki ri bontoa siagang ri wattunna battu ri dallekanna Elia akkulantu'mi nampa angkana, “Pammopporanga', o, atanNa Allata'ala! Kikamaseanga' siagang anne limampuloa ana' buaku. Teaki' bunoi ikambe!

YEREMIA 8:5

Mingka angngapa naikau, ummakKu, tulusu' ammengkanu siagang tulusu' a'bokonu ri Nakke? Anna'gala' jarrekko mae ri barhalanu, siagang taerokako ammotere' mae ri Nakke!

YEHEZKIEL 2:4

Kapala batui ke'nanga siagang tena napakalompoA'. Kusuroko mange ri ke'nanga untu' ampabattui kanangKu, iamintu iNakke Batara Kaminang Tinggia, mae ri ke'nanga,

DANIEL 9:13

Sikontu anjo bala niaka tattulisi' lalang ri Hukkung napabattua Musa le'ba'mi Kipitujui ikambe. Mingka manna nakamma mamo, o Karaeng Allata'alana ikambe, tuli teana ija ikambe ampakasannangi atinTa. Tuli tenana naero' ikambe ambokoi dosa-dosana ikambe siagang taerokai ikambe amparhatikangi ajarang-ajaranTa.

AMOS 4:6

INakkemi ampitujui kotanu bala kacipurang, mingka tammoterako mae ri Nakke.

PA'JARIANG 19:34

Ammukona bari'basa', nakanamo anjo ana' toaya mae ri andi'na, “Ri bangngia assikatinroamma siagang manggeta! Sinampe' punna bangngi niusahakangi pole nanasa'ring. Nampa mangeko assikatinroang. Sallang massing anggappaki' ana'.”

1 KARAENG-KARAENG 13:33

Karaeng Yerobeam tuli tena naero' ambokoi panggaukang ja'dala'na. Untu' angngurusuki anjo tampa'-tampa' sambayang le'baka napaenteng, tulusu' imang-imang battu ri kaluarga biasaya napile. Inai-nai ero', iami naangka' a'jari imang.

PAMMUJI 51:8

Kituntuka' situlusu' atinTa; Kipirassimi atingku siagang pangngassenganTa.

PAMMUJI 55:20

Allata'ala ammarentai battu ri satunggu-tungguna laNapilangngeria' siagang Nabetai ke'nanga. Saba' taerokai ke'nanga toba', siagang tamallakkai mae ri Allata'ala.

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YEREMIA 15:7

Ri tunggala' kotaya ri anne pa'rasanganga lanipelakko rapang rarame. Manna pole ikau ummakKuko mingka laKupanrakiko siagang ana'-ana'nu lanri teanu ampinrai batenu attallasa'.

YEREMIA 17:23

Mingka boe-boenu taerokai mappilangngeri yareka amparhatikangi apa Kupaua mae ri ke'nanga. Kapala batui ke'nanga, siagang taerokai mannuruki yareka nipakainga'.

YEREMIA 44:10

Mingka sa'genna kamma-kamma anne taerokako ampakatunai kalennu siagang attallasa' situru' hukkung Kupassareanga mae ri kau siagang mae ri boe-boenu.

AMOS 4:8

Ri siapa area kota pandudu'na lammami napakamma turere, a'boya je'ne' ri kota maraenga, mingka tanggannakkai je'neka anjoreng. Mingka manna nakamma, tena tongijapa nuero' ammotere' mae ri Nakke.

AMOS 4:9

Kupammiriki anging bambanga siagang akkiringA' olo' untu' ampanraki lamung-lamunnu kammayatompa koko-koko anggoro'nu. Poko'-poko' aranu siagang poko'-poko' zaitunnu la'busu'mi nakanre katimbang. Mingka manna nakamma tena tongija nummotere' mae ri Nakke.

AMOS 4:10

AppabattuA' garring mae ri kau sangkamma Kupabattua mae ri Mesir. Sikamma tau rungkanu Kubunoi lalang pa'bundukang, siagang sikamma jarannu Kurampasaki. Kubonei pakkemaannu siagang bakke-bakke sa'genna sanna' botto'na nuara'. Mingka manna pole nakamma, tena tongijapa nummotere' ri Nakke.

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.