YEREMIA 5:21 - KITTA' MATANGKASA'

²¹ “Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEREMIA 5:21 Referans Kwoze

YEHEZKIEL 12:2

“He tau, ikau niakko ammantang ri tangnga-tangngana tau nangaia angngewa. Nia' matanna ke'nanga, mingka tena naccini'; nia' tolinna mingka tena nallangngere', lanri nangaina ke'nanga angngewa.

LAMPA-LAMPANA 28:26

Nakana RohNa Allata'ala, ‘A'lampako mange ampaui ri anne bansaya: Tuli lamallangngere'nu ngaseng, mingka tanupahangai; tuli lamaccini'nu ngaseng, mingka tanuassengai apa kajarianga.

ROMA 11:8

Nasaba' nia' tattulisi' lalang ri Kittaka angkanaya, “Napa'jari tattongko'mi Allata'ala atinna siagang pikkiranna ke'nanga; siagang sa'genna kamma-kamma anne takkulleai accini' matanna ke'nanga, siagang takkulleai allangngere' tolinna ke'nanga.”

YOHANES 12:40

‘Kupa'jari butai matanna ke'nanga, Kupa'jari ka'doroki atinna; sollanna taccinika matanna, natammahanga pikkiranna. Sollanna taeroka ammotere' mae ri Nakke, nampa Kuballei ngaseng sa'genna baji'.’ ”

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

MARKUS 8:18

Nia' ngaseng matannu, angngapa natena nuccini'? Nia' tolinnu, angngapa natena nullangngere'? Tenamo nuu'rangi

YEREMIA 8:7

Manna kondoa naassenji nikanaya ammotere'; bukkuruka siagang jangang-jangang pinisika, kammayatompa pune-punea naassengi wattu pa'lettekanga battu ri tampa'na. Mingka ikau, ummakKu, tanuassengai hukkung-hukkung Kupassareanga mae ri kau.

YEREMIA 5:4

Kupikkiriki angkanaya, “Ah, anjo ke'nanga poro ra'ya' biasaji bawang tenaya apa-apa naasseng. A'gau' toloi ke'nanga, lanri tanaassengai apa Nakaerokia siagang Natuntuka Karaeng Allata'ala battu ri ke'nanga.

YESAYA 44:18

Tojeng, teai sipato' dongo'na ngaseng tau kammaya anjo! Natongkoki matanna siagang atinna ke'nanga sa'genna tena apa-apa napahang.

PAMMUJI 94:8

He bansaku, teako dongo' kammai anjo, appilajara' mako ampakei akkala'nu!

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

PANGNGEBARANG 17:16

Tena matu-matunna tau dongoka ampaccappuki doe'na a'boya kacara'dekang, saba' tena natangkasa' pikkiranna

PAOLE 32:6

Kammaminjo batenu ambalasaki baji'Na Batara, e, sikamma tau dongoka siagang tenaya nacara'de'? Sai Iami Manggenu, Mappa'jarinu, siagang ampa'jariako se're bansa?

PAOLE 29:4

Mingka sa'genna kamma-kamma anne tenapa Nasareko kasampatang untu' ampahang kabusuki angkana apa battuanna anjo apa le'baka nucini'.

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

YEREMIA 10:8

Kapala batui siagang dongo' ngasengi ke'nanga nasaba' rewatana poro kayuji bawang, takkulleai angngajara' ri apa a'matu-matua.

MARKUS 4:12

sollanna ‘Lanaciniki tojemmi ke'nanga, mingka tanaassengai apa kajarianga, lanapilangngeri tojemmi ke'nanga, mingka tanapahangai, anne kajariangi sollanna tena naciniki siagang tena napahangi ke'nanga na tea battu mae ri Allata'ala, nampa nipammopporang ri Allata'ala ke'nanga.’ ”

ROMA 1:20

Appakkaramula battu ri wattu Napa'nia'na Allata'ala linoa, anjo sipa'Na Allata'ala tenaya nakacinikang, iamintu sipa' Allata'alaNa siagang kakoasanNa tamamminraya, akkullemi napahang rupataua lalang ri sikontu apa Napa'niaka. Jari tena sikalimo alasanna rupataua untu' lampattojengi kalenna.

YESAYA 43:8

Nakana Allata'ala, “Suroi maju mae ri dallekang bansaKu butaya, manna pole nania'ja matanna; ia tongoloka, manna pole nania'ja tolinna.

YEREMIA 5:20

Nasuroa' Batara ampabattui anne pasanNa mae ri jari-jarina Yakub niaka ammantang ri Yehuda, angkana,

YEREMIA 6:10

Appialia' angkana, “Batara, inai musti kupa'bicarai, siagang inai musti kupappakaingakki? Kapala batui ke'nanga siagang taerokai mappilangngeri. Nakakkali siagang nakabirisi ke'nanga pasanTa kupabattua mae ri ke'nanga.

ZAKHARIA 7:11

Mingka kapala batui ummakKu siagang tena sikali naero' mappilangngeri; natongkoki tolinna ke'nanga sollanna tena nallangngere'.

PAOLE 29:3

Le'ba' tommi nucini' sikamma bala lompoa, gau'-gau' malompoa siagang gau'-gau' appakalannasa' Nagaukanga Batara.

YEREMIA 7:13

MangKu pole a'mole-mole a'bicara mae ri kau, mingka taerokako mappilangngeri. Nugaukang ngasengi sikamma anjo dosaya, siagang taerokako appiali punna akkiokKa'.