YEREMIA 49:8 - KITTA' MATANGKASA'

⁸ He pandudu'na Dedan, gilingi kalennu nampa lariko! A'lampako mange accokko. LaKuancuruki jari-jarina Esau, lanri narapi'mi wattunna laKuhukkung ke'nanga.

YEREMIA 49:8 Referans Kwoze

YEREMIA 46:21

Ba'lalo sikamma tantara sewana tena pakkullena sanrapang ana' sapi co'mo' dudua. Takkulleai ke'nanga attahang. Kabusu'na a'gilingi nampa lari sollanna salama'. Battumi allonna ke'nanga lanihukkung; narapi'mi wattunna ke'nanga nituju ri bala.

YEREMIA 49:30

He ikau tu Hazor! INakke, Batara, angkana: Karo-karoko a'lampa a'lili annompang siagang accokko. Nebukadnezar karaeng Babel le'ba'mi narancanakang untu' ambundukiko. Nakana,

YESAYA 21:13

Iaminne pappasang ri passala'na Arab: He, tu Dedan, akkemai sikamma kapilanu ri rompo'-rompo'na butta Arab.

PAPPICINI' 6:15

Nampa karak-karaeng niaka ri lino, sikamma tumalompoa, sikamma panglimaya, sikamma tau kalumanynyanga, siagang sikamma tau anna'galaka koasa kammayatompa sikamma tau maraengannaya, baji' na ata yareka tau bebasa', mange ngasemmi ancokkoi kalenna ri kali'-kali'bong buluka yareka ri alla'-alla'na batua ri buluka.

YEREMIA 50:27

Bunoi sikontu tantarana! Bunoi ke'nanga! Cilakami bansa Babel! Narapi'mi wattunna nihukkung ke'nanga!” (

YEREMIA 49:32

Nakana pole Batara ri Nebukadnezar, “Alleangi sikamma untana siagang sikontu olo'-olo' piarana ke'nanga! Sikontu anjo tau nacukkuru' bodoa uu'na laKupasiaraki ri kere-keremae tampa'. LappabattuA' bala mae ri ke'nanga battu ri kere-keremae.

YEREMIA 48:44

Tau laria battu ri tau lammunoa, latu'guruki antama' ri kali'bonga, siagang tau akkullea assulu' battu ri kali'bonga laniallei ri sikko'. Yangasenna anjo kammaya lakajariangi ri wattu le'baka Kupattantu untu' angngancuruki Moab.

YEREMIA 48:28

Ikau pandudu'na Moab, bokoimi kota-kotanu siagang mange mako ammantang ri bulu'-bulu' batua rapang jangang-jangang bodobangkeng appareka ru'mung ri tubirika.

YEREMIA 48:6

Nakana ke'nanga, ‘Karo-karoko! Pasalamaki nyawanu! Lariko rapang keledai liaraka ri paranga!’

YEREMIA 6:1

A'lampako alliliangi kalennu, he sikamma tu Benyamin! Bokoi Yerusalem! Pasa'rai tarompeka ri Tekoa, siagang apparinrako pepe' ri Bet-Kerem salaku pammatei! Niaki battu wara' balaya siagang bahaya lompoa lantujuko.

1 SAMUEL 13:6

Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.

HAKING-HAKING 6:2

Lanri malla' duduna tu Israel mae ri tu Midian, sa'genna mangemi ke'nanga accokko lalang ri kali'bong batu, yareka ri tampa'-tampa' amanga ri moncong-monconga.

YESAYA 34:5

Napasadiami pa'danNa Batara ri suruga, na kamma-kamma anne latattabami anjo pa'danga mae ri bansa Edom, le'baka nitappuki hukkunganna laniancuru'.

YEHEZKIEL 25:13

Lanri kammana anjo Kupa'la'bangi Kupau angkanaya laKuhukkungi Edom siagang Kubunoi sikamma taua kammayatompa sikamma olo'-olo' niaka anjoreng. Sikontu anjo pa'rasanganga, appakkaramula battu ri Téman sa'genna mange ri kota Dedan, Kupa'jari sino kabusuki; ra'ya'na lamatei lalang pa'bundukang.

MALEAKHI 1:3

naKukabirisi Esau. Daera bulu'na Esau le'ba'mi Kuancuru', siagang buttana Kupassareang mae ri olo'-olo' sekkeka ri parang lompoa.”

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”