YEREMIA 49:7 - KITTA' MATANGKASA'

⁷ Iaminne kananNa Batara Kaminang Koasaya ri ri sesena Edom, angkana, “Apaka tu Edom takkulleai appikkiri' baji'? Apaka sikamma tucara'de'na tena napakaingaki ke'nanga? Lanynya'mi kacara'dekanna ke'nanga!

YEREMIA 49:7 Referans Kwoze

YEREMIA 49:20

Lanri kammana anjo, pilangngeri apa le'baka Kurancanakang mae ri tu Edom, siagang apa eroka Kugaukang mae ri pandudu'na kota Téman. Manna ana'-ana'na ke'nanga lanire'resang tongi a'lampa, siagang sikontu taua lamalla' kabusuki.

PA'JARIANG 36:15

Na iaminne sikamma kapala suku turunganna Esau: Elifas, ana'na Esau toaya, boe-boena anne suku-suku kammaya: Téman, Omar, Zefo, Kenas,

PA'JARIANG 25:30

Nakanamo ri Yakub, “Teai sipato' cipurukku. Saresa' sike'de' anjo campe' ejaya.” (Iaminjo saba'na naniareng Edom.)

AYUB 2:11

Anjo bala antujuai Ayub nalangngere'mi tallua aganna, iamintu Elifas, battu ri Téman, Bildad tu Suah, siagang Zofar tu Naamah. Assamaturu'mi ke'nanga ero' mange antoaki siagang ansaleori Ayub.

HABAKUK 3:3

IKatte Allata'ala Kaminang Matangkasa' battu ri Téman, iKatte battu ri pa'monconganna Paran. Langika nikalimbuki ri kalompoanTa; buttaya rassi siagang pammuji mae ri Katte.

YO"EL 3:19

Mesir la'jari parang kalotoroki, Edom la'jari rosoki, tena tau ampammantangngi. Nasaba' le'baki nabunduki tu Yehuda, siagang nabuno pandudu'na pa'rasangang tenaya salana.

DANIEL 11:41

Ba'lalo butta ga'gaya nabunduki ngaseng, siagang appulo sa'bui tau nabuno. Mingka kakaraengang Edom, Moab, siagang bageang parallua ri kakaraengang Amon lasalamaki.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YESAYA 29:14

Lanri kammana anjo laKupata'bangkai ke'nanga siagang pattunrung a'mole-molea. Tau cara'deka la'jari toloi, siagang sikontu kacara'dekanna ke'nanga latena ngaseng matu-matunna.”

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

AYUB 4:1

A'bicarami Elifas angkana, “Ayub, maka tenaja nubirisi' punna akkana'? Takukulleai a'mereki la'bi sallo.

1 PATTOTTORANG 1:53

Kenas, Téman, Mibzar,

PAOLE 23:7

Teako cini' tunai tu Edom, lanri anjo ke'nanga sari'battannu. Tea tongko cini' tunai tu Mesir, lanri le'bakko ammantang ri pa'rasanganna ke'nanga.

PA'JARIANG 36:8

Jari anjo Esau niarenga todong Edom, ammantammi ri Daera Monconna Seir.

PA'JARIANG 27:41

Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

PA'JARIANG 32:3

Le'baki anjo nasuromi Yakub siapa are tau untu' a'jappa riolo mange ri pa'rasangang Edom untu' angngagangi sicini' Esau, daenna.

YEREMIA 8:9

Sikamma tau cara'de' niaka ri tangnga-tangnganu lanipakasiriki. Lamatei akkala'na ke'nanga siagang lanaallei sikko'. Taerokai ke'nanga ampilangngeri pappakaingakKu; kamma-kamma anne, kacara'dekang apa mami nia' ri ke'nanga?

YEREMIA 12:14

Nakana Batara, “Iaminne pasangKu ri passala'na bansa-bansa singngampi'na Israel, ampanrakiai pa'rasangang Kupassareanga mae ri ummakKu Israel. Rapang lamung-lamung nibi'buka battu ri buttaya, kamma tomminjo sikamma tau ja'dalaka laKupasuluki battu ri sikamma pa'rasanganna ke'nanga, kammayatompa laKulappassangi Yehuda battu ri panna'gallanna ke'nanga.

YEHEZKIEL 32:29

Edom niaki anjoreng siagang sikontu karaenna kammayatompa sikontu pamarentana. Riolo ke'nanga tantara kassa', mingka kamma-kamma anne anra'bami ri linona tau matea siagang tau mate maraenga tenaya natappa' ri Allata'ala.

YESAYA 21:11

Iaminne pappasang ri passala'na Edom. Nia' tau akkio' battu ri Edom mae ri nakke, nakana, “He, pajaga, sallo ijakai anne bangngia? Pirang tetteppi nampa bari'basa'?”

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.