YEREMIA 49:5 - KITTA' MATANGKASA'

⁵ Lanitujuko ri kapallakkang Kupabattua battu ri kere-keremae. Lalariko, massing ero' ampasalamaki kalennu, siagang tenamo lampasse'reko ammotere'.

YEREMIA 49:5 Referans Kwoze

YEREMIA 49:29

Alleangi sikamma olo'-olo'na, iamintu gimbala', unta, kammayatompa kema-kemana ke'nanga siagang sikontu bonena, siagang ammarrangko mae ri ke'nanga angkana, ‘Nikatulungko ri pammunoang!’

YEREMIA 46:5

Mingka inakke, Batara, Kuciniki ke'nanga ammunduru' napakamma malla'. Sikamma tantarana nibetai, lari napakamma malla' tamassaile mae ri boko.

AMOS 4:3

Lanire'resangko mange ri Hermon siagang nipasambilako assulu', massing ri alla'na tembo' kaminang ambania. INakke, Batara, anne akkana.”

YEREMIA 20:4

KalenNa Batara angkana, ‘Lanipa'jariko pabuno-buno ri kalennu tonji siagang mae ri agang-agannu tonji. Lanuciniki ke'nanga nibuno ri musunna ke'nanga. Sikontu tu Yehuda laKubalang parekangi nikoasai ri karaeng Babel; sipa'gang battu ri ke'nanga lanaengkaki salaku tunitahang mange ri Babel, nampa la'binna nibunoi.

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.

YESAYA 16:3

Nakana ke'nanga mae ri Yehuda, “Paumi apa musti nagaukang ikambe. A'jari mako pa'la'langang mae ri kambe ri wattu bambanna alloa, siagang lappassammi ammantang ikambe lalang ri la'langannu. Ikambe anne tau lariki; cokkoi ikambe siagang teako alle bokoi ikambe.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

AYUB 15:21

Sa'ra-sa'ra hebaka lanreppeki tolinna; ri wattu amanga battui paellaka ambakkai.

2 KARAENG-KARAENG 19:7

Batara lampakamallaki anjo karaeng Asyur sollanna naparhatikang kabara' anginga sa'genna ammotere' mae ri pa'rasanganna, siagang anjorengi lanibuno.”

YOSUA 2:9

nampa nakana ri ke'nanga, “Kuassengi angkanaya le'ba'mi Napassareang Batara anne pa'rasanganga mae ri kau ngaseng. Sikontu tau niaka anrinni malla' ngasengi ri kau ngaseng.

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

PIRAUNG 4:15

Nakana taua, “Bellako anrinni! Kau tau ra'masa' ngasengko, teako beroi ikambe!” Jari a'lampami ke'nanga a'la'bang a'jappa battu ri se'reang bansa mange ri bansa maraenga, mingka tena sikali tau ampa'biangi untu' ammantang tuli ri se'reang tampa'.

YEREMIA 6:25

Tenamo nabarani ke'nanga naung ri aganga yareka a'lampa mange ri kokoa, lanri kemae-kemaemi musua angngeranga sanjata appania' karicuang siagang pammunoang.