YEREMIA 49:23 - KITTA' MATANGKASA'

²³ Iaminne kananNa Batara ri sesena Damsyik. “Pandudu'na kota Hamat siagang Arpad ranggaselai siagang lussaki lanri allangngereki kabara' kodi. Lussaki siagang ta'ronang-ronangi atinna ke'nanga rapang bombang ri tamparanga.

YEREMIA 49:23 Referans Kwoze

YESAYA 10:9

Kualle passai kota-kota Kalno siagang Karkemis, Hamat siagang Arpad. Kualle tongi kota-kota Samaria siagang Damsyik.

2 KARAENG-KARAENG 18:34

Kemaeji rewata-rewatana pa'rasangang Hamat siagang Arpad? Kemaeji rewata-rewata Sefarwaim, Hena, siagang Iwa? Niakka battu ampasalamaki Samaria?

YESAYA 57:20

Mingka tau ja'dalaka rapangi tamparang a'bombanga siagang tenaya nale'ba' sannang. Lo'loro'na angngerangi loro siagang peo'.

PA'JARIANG 14:15

Anjoreng nabagei taunna Abram a'jari siapa are pa'rappungang, nampa nabunduki anjo musua ri wattunna bangngi. Na nabetamo ke'nanga anjo musua. Naondammi ke'nanga anjo musua sa'genna mange ri Hoba, ri warakkanna kota Damsyik.

NAHUM 2:10

Ancuru'mi Niniwe, sinomi na kalotoro'. La'bai pa'maika napakamma malla'. A'jari lammami siagang annekkereki kulantuka. A'jari pi'lasa' kabusuki rupanna taua.

2 KARAENG-KARAENG 19:13

Kemaeji karaeng-karaenna kota Hamat, Arpad, Sefarwaim, Hena, siagang Iwa?”

PAMMILANGNGANG 13:21

Jari a'lampami anjo ke'nanga mange ri bageang wara' nampa nasalidiki anjo pa'rasanganga appakkaramula battu ri parang lompo Zin ri bageang timboro' sa'genna wara' ri kota Rehob, ri ampi'na agang mangea ri Hamat.

PA'JARIANG 15:2

Mingka nakanamo Abram, “O Batara Kaminang Tinggia, tena naKisarea' ana'. Tau langgappayai barang-barangku poro Eliezer bawang, iamintu atangku battua ri Damsyik. Jari apa matu-matunna anjo pahalaya mae ri nakke?”

2 KORINTUS 11:32

Ri wattungku nia' ri kota Damsyik, guburnur ammarentaya anjo wattua iamintu Karaeng Aretas; iami assuroi tantaraya anjagai pakke'bu'na kotaya lanri erokku nasuro jakkala'.

LAMPA-LAMPANA 27:20

Pirangallo aremi sallona tena nakiaccini' allo siagang bintoeng. Kammayatompa pila' a'jallo' tommi anginga. Kala'busanna, tappu' panrannuang maki' lasalama'.

LAMPA-LAMPANA 9:2

nappala' sura' koasa untu' lanapake a'lampa mae ri pamimping-pamimpinna balla' sambayanna tu Yahudia ri Damsyik. Sollanna, punna nia' tau tappa' ri Isa nagappa anjoreng, akkullei najakkala' ke'nanga, nampa naerang mange ri Yerusalem.

AMOS 6:2

Mae mako ciniki ri Kalne, siagang a'jappa tulusu' mako mange ri anjo kota Hamat lompoa, nampa mange ri kota Gat ri Filistin. Nukapangi angkanaya anjo kota-kotaya la'bi bajiki nakakaraengang Yehuda siagang Israel. Maka la'bi lompoangangi daerana ke'nanga nadaeranu?

YESAYA 37:13

Kemae ngasengi karaeng kota Hamat, Arpad, Sefarwaim, Hena, siagang Iwa?”

YESAYA 13:7

Tunggala' taua lanakasiaki mate limanna siagang tappela' kabaranianna.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

2 PATTOTTORANG 16:2

Jari naallemi Karaeng Asa bulaenga siagang peraka battu ri pammolikang barang-baranna Balla'Na Batara siagang balla' karaenga, nampa nakiring mange ri Damsyik iamintu mange ri Benhadad karaeng Siria, siagang appasang angkana,

2 KARAENG-KARAENG 17:24

Salaku sambenna tu Israel le'bakamo niengka' mange ri anjo butta pammelakkanga, natampakkangi karaeng Asyur tau battua ri Babel, Kuta, Awa, Hamat, siagang Sefarwaim, anjoreng ri kota-kotana Samaria. Ammantang kabusu'mi anjo taua ri anjo kota-kotaya.

1 KARAENG-KARAENG 11:24

Le'baki Karaeng Daud ambetai Hadadezer siagang ambunoi agang-aganna Hadadezer battua ri Siria. Anjo wattua lari Rezon battu ri Hadadezer siagang napa'rappungangi taua nampa a'jari kapala garombolang. Ia siagang ana' buana a'lampai mange ri Damsyik, nampa ammantang anjoreng ri anjo kotaya. Anjoreng niangka'mi ri ana' buana a'jari karaeng Siria.

2 SAMUEL 17:10

Jari manna pole tau kaminang barania siagang kaminang porea rapang singa la'jari malla' kabusu'mi. Nasaba' sikontu tu Israel naassengi angkanaya anjo manggeta sitau pahlawang, siagang anjo ana' buana sangnging pajuang gammara' na barani.

2 SAMUEL 8:9

Karaeng Tou battu ri Hamat nalangngereki angkanaya le'ba'mi nabeta Daud sikontu tantarana Hadadezer.

YOSUA 14:8

Sikamma tau kuaganga a'lampa, napakamalla'-mallaki umma' Israel. Mingka inakke tuli majarreka' mannuruki ri Karaeng Allata'alaku.

YOSUA 2:11

Nalangngere'na ikambe anjo carita-carita kammaya, a'jari malla' sikalimi ikambe. Sikontu taua tappela' ngasemmi kabaranianna lanri ikau ngaseng. Karaeng Allata'alanu ma'nassa Ia tojeng Allata'ala Kaminang Makoasaya ri langika siagang ri buttaya.

PAOLE 20:8

Sikamma komandanga musti napau tongi anne kana kammaya mae ri tantaraya, ‘Niakka ri kau ranggasela siagang malla'? Punna nia', akkullei ammotere'. Punna tena, lanapanraki sumanga'na tau maraenga.’

KALAPPASSANG 15:15

Annekkere'mi tu baranina Moab, ca'dimi pa'mai'na tu Kanaan.

2 KARAENG-KARAENG 5:12

Binanga Abana siagang Parpar ri Damsyik la'bi bajikangngangi na binanga manna pole kemae binanga niaka ri Israel. Akkullea' a'je'ne' anjoreng nampa a'jari bajikka'!”

YESAYA 7:8

lanri anjo Siria tena nakassakkangngang na ibukotana iamintu Damsyik, kammayatompa anjo Damsyik tena nakassakkangngang na Karaeng Rezin. Nampa lalanna annampulo allima taung, lata'bage-bagei Israel sa'genna takkulleami attahang a'jari se're bansa.

YESAYA 36:19

Kemaei rewata-rewatana pa'rasangang Hamat siagang Arpad? Kemae rewata-rewatana Sefarwaim? Niakka battu ampasalamaki Samaria?

YEREMIA 39:5

Mingka niondangi ke'nanga ri tantara Babel nampa najakkala' Zedekia ri lappara'na Yerikho. Nampa nierang Karaeng Zedekia mae ri Karaeng Nebukadnezar ri kota Ribla ri daera Hamat, nampa nitappuki hukkungang mate.

YEHEZKIEL 27:18

Pandudu'na Damaskus naballi barang-barang danggangannu siagang wassele'nu na nabayarakko siagang anggoro' battu ri Helbon, bulu gimbala' battu ri Sahar, bassi de'de' siagang rampa-rampa.