YEREMIA 49:19 - KITTA' MATANGKASA'

¹⁹ Rapang singa ammumbaya battu lalang ri romang lompoa ri ampi'na Binanga Yordan nampa battu mange ri parang tampa'na gimbalaka a'ruku', kammatommi anjo bateKu labattu siagang lampalari tu Edom silalonna battu ri pa'rasanganna ke'nanga. Nampa langngangkaKa' sitau pamimping untu' amparentai anjo bansaya. Inai akkulle nipasangkamma siagang iNakke? Inai barani appare' parkara siagang iNakke? Apaka nia' pamimping akkulle angngewA'?

YEREMIA 49:19 Referans Kwoze

YEREMIA 12:5

Nakana Batara, “Yeremia, punna mangngangko appa'lumba siagang rupataua, antekamma olonu lakkulle appa'lumba siagang jaranga? Punna mallakko ri butta amanga, apa lanugaukang punna niakko lalang ri romang akkatintinga ri birinna Binanga Yordan.

YEREMIA 30:21

Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”

AYUB 41:10

Sanna' larrona punna nipabangungi ri tinrona; tena manna sitau barani ammenteng ri dallekanna.

AYUB 9:19

Jari apaka musti kuewai a'gassingang? Mingka ciniki, antekamma heba'na kagassinganNa! Ebara' angkana kupaui ri Ia angkana kukabattallangi, inai barani langkioki mange ri pangadelang?

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

PAPPICINI' 6:17

Battumi anjo allo sannaka heba'na; kamma-kamma anne napassulu' ngasemmi larrona ke'nanga, siagang tenamo manna sitau akkulle attahang ri dallekanna ke'nanga!”

ZAKHARIA 11:3

Pilangngeri piraunna sikamma tukoasaya, lanynya'mi kalompoanna ke'nanga! Pilangngeri sa'ra ammammu'na singa-singaya ri romang; nasaba' panra'mi pammantanganna ke'nanga ri sikontu birinna Binanga Yordan.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YESAYA 40:25

Inai nukana sangkammanNa Batara Kaminang Matangkasaka? Inai ero' lanupasangkammangi?

PAMMUJI 143:2

Inakke anne atanTa, teaKi' adelia', saba' taniakka tau tania' salana ri dallekanTa.

PAMMUJI 89:8

NipakalompoKi' ri sikamma tau matangkasaka, nikamallakkangKi' la'biangngang nasikontu niaka ri tammuliliTa.

PAMMUJI 89:6

Passirapakkanga ri suruga mammuji ri gau'-gau' mappakalannasatTa, na nakelongang tamamminraTa, o, Batara.

PAMMUJI 76:7

Sikontu jaranga siagang tuma'baena tu'guru' ngasemmi na mate ri pangga'garatTa, o, Allata'alana Yakub!

AYUB 9:21

Tena kusala, mingka tena kujampangi. Lanrema' attallasa'. Untu' inakke tenamo parallu; tau salaya siagang tau annabaya, sangkammaji sarenna: rua-rua laNapanraki ngasengi Allata'ala.

1 PATTOTTORANG 12:15

Le'baki kajariang ri bulang se're, ri wattunna a'ba battu ri Binanga Yordan, na'limbang anjo komandang-komandanga mange ambongkai tuniaka anjoreng ri sikamma lappara', baji' naniaka ri bageang rayangang kammayatompa niaka ri bageang laukanna anjo binangaya.

PAMMILANGNGANG 16:5

Nampa nakana mae ri Korah siagang sikamma tumminawanna, “Ammuko bari'basa' laNappicinikangi Batara mae ri katte angkana inai umma'Na, siagang inai nisa'la' untu' mae ri KalenNa. Tau Napilea lanipa'biangi a'reppese' mae ri Ia.

YESAYA 46:9

U'rangi sikamma apa kajarianga ri jammang riolo; akuimi angkana iNakke Allata'ala, tena pantaranganna, iNakke Allata'ala, siagang tena sangkammangKu.

2 PATTOTTORANG 20:6

siagang assa'ra lompomi appala' doang angkana, “O Batara, Allata'alana boe-boena ikambe! IKatte Allata'ala ri suruga siagang ammarentaya mae ri sikontu bansa niaka ri tompo'na buttaya. IKatteji bawang makoasa siagang makassa'; tena manna sitau akkulle angngewaKi'.

PAMMUJI 76:8

Tamaka hebatTa iKatte! Punna larroKi' maka inai akkulle attahang?

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

DANIEL 7:4

Makase'rea sangkammai tanja'na singa, mingka nia' ka'nyi'na iamintu ka'nyi' jangang-jangang garuda. Ri wattunna kuciniki, ti'ring ta'bi'bu'mi ka'nyi'na nampa ta'lappasa'; ta'angkaki battu ri buttaya nampa nipaenteng lambusu' ri ruaya bangkeng sangkamma tau, nampa nisare akkala' rupatau.