YEREMIA 49:18 - KITTA' MATANGKASA'

¹⁸ Antekamma batena Sodom siagang Gomora niancuru' siagang desa-desa niaka ri tammulilina, kamma tomminjo Edom. Tena manna sitau lammantang pole anjoreng. INakke, Batara, anne akkana.

YEREMIA 49:18 Referans Kwoze

YEREMIA 49:33

Hazor lata'ronangi sa'genna satunggu-tungguna siagang a'jari tampa' paccokkoannai kongkong romang. Tenamo tau manna sitau lammantang anjoreng. INakke, Batara, anne akkana.”

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

ZEFANYA 2:9

Lanri iNakke mattallasaka, Allata'alana bansa Israel, laKubarrasaki sa'genna tangkasa' bansa Moab siagang Amon, sangkamma Sodom siagang Gomora. Anjo pa'rasangang-pa'rasanganga larassi siagang bungung-bungung ce'la kammayatompa loro-loro napattimboia rompo' sa'genna satunggu-tungguna. Sesanna ummakKu ta'lappasaka lanaellaki pandudu'na, siagang lanaallei buttana ke'nanga.”

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.

YEREMIA 50:40

Antekamma bateKu angngancuruki Sodom siagang Gomora siagang sikamma desa-desa niaka ri tammulilina, kamma tomminjo bateKu langngancuruki Babel. Tena manna sitau lammantang pole anjoreng. INakke, Batara, anne akkana.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

2 PETRUS 2:6

Kamma tomminjo kota Sodom siagang Gomora; Naancu'-ancuruki Allata'ala anjo kotaya siagang pepe', sollanna a'jari conto ri passala'na apa lakajarianga sallang mae ri sikamma tau tenaya natappa' ri Allata'ala.

YESAYA 34:10

Allo bangngi tamatea rinrana, na nai'mo umbuna satunggu-tungguna. Lanibokoi anjo buttaya a'jari kosong siagang kalotoro' ri sikontu turungang, na tena manna sitau langngoloi.

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

ROMA 9:29

Nakana pole Na'bi Yesaya, “Ebara' angkana tenamo sossorang Nabolikangki' Allata'ala Kaminang Koasaya, mattantu le'ba' ngaseng maki' a'jari sangkamma taua ri Sodom siagang Gomora.”

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

PAOLE 29:22

Ri bokoang allo, lanaciniki jari-jarinu siagang sikamma bansa maraeng battua ri pa'rasangang-pa'rasangang bellaya sikamma balaya siagang kasessang Napabattua Batara mae ri pa'rasangannu.