YEREMIA 49:10 - KITTA' MATANGKASA'

¹⁰ Mingka, iNakke Kubarrasaki sa'genna tangkasa' sikontu apa-apanna jari-jarina Esau siagang Kusungkei rahasia tampa' paccokoanna ke'nanga; takkulleami ke'nanga nacokko kalenna. Tu Edom siagang sikamma sari'battanna kammayatompa siampi' balla'na ke'nanga, kabusu'na le'ba'mi niancuru', tena manna sitau ta'lappasa'.

YEREMIA 49:10 Referans Kwoze

YESAYA 17:14

Ri wattu karuenna appakamalla' lompoi ke'nanga, mingka ri bari'basa'na tenami ke'nanga. Iaminjo rapanna sarenna sikamma tau arrampasakai apa-apanta.

ROMA 9:13

Nia' tattulisi' lalang ri Kittaka angkanaya, kammaminne kananNa Allata'ala, “Kukamaseangi Yakub, mingka birisikKa' mae ri Esau.”

OBAJA 1:9

Sikamma tubarani battua ri Téman lanabattui malla', siagang sikontu tantarana Edom lamate kabusuki.”

AMOS 9:3

Punna accokkoi ke'nanga ri coppo'na Moncong Karmel, laKuboyai naKujakkala' ke'nanga. Punna accokko ke'nanga irawanganna tamparanga, laKuparentakangi naga tamparanga untu' ampittoki ke'nanga.

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

YESAYA 45:3

Na laKusareko kakalumanynyangngang taccokko, sollanna nuasseng angkana iNakkemi Batara, Allata'alana Israel, le'baka angkiokko situru' arennu.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

YEREMIA 13:26

KalengKu angkaei pakeanga battu ri kalennu sollannu a'jari assolara' siagang a'jari siri'-siri'.

PIRAUNG 4:22

Le'ba'mi najappai Sion hukkunganna lanri dosa-dosa nagaukanga ke'nanga; kamma-kamma anne tenamo nalaNibalang parekang ikambe ri Batara na tenamo kilaNierang pole mange ri pammelakkanga. Mingka ikau Edom, laNihukkungko ri Batara. Lanisungkei sikamma dosa-dosanu.

OBAJA 1:6

He jari-jarina Esau, nigaledai siagang nialleang kabusukko barang-barannu manna taccokkoa.