YEREMIA 48:45 - KITTA' MATANGKASA'

⁴⁵ Tau annompang tenaya pakkullena a'lampai a'boya pa'la'langngang ri Hesybon, mingka anjo kotaya akkanrei siagang manna balla' karaenna Sihon nikanre tongi ri pepe'. Pepeka le'ba'mi naancuru' daera pa'baeng-baenga siagang pa'monconganna Moab, pa'rasanganna tau nangaia a'bundu'.

YEREMIA 48:45 Referans Kwoze

PAMMILANGNGANG 24:17

Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.

PAMMILANGNGANG 21:28

Nia' se're wattu nabattu ri anne kotaya namaju pasukanna Sihon sanrapang pepe'. Angngancuruki kota Ar ri Moab, siagang angkoasai bulu'-bulu' niaka ri Arnon.

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

ZAKHARIA 10:4

Battu ri tangnga-tangngana ke'nanga laKupilei tukoasaya, pamimpinga, siagang panglima lammarentaya ri ummakKu.”

AMOS 2:2

Lanri kammana anjo, lakkiringA' pepe' mange ri pa'rasangang Moab, siagang Kutunu sa'genna cappu' sikamma pattahanganna Keriot. Lamatei tu Moab ri tangnga-tangnga karicuanna pa'bundukanga, iamintu lalang nipasa'rana tarompeka siagang nipakkiokanna pakkio' pa'bundukanga.

PAMMILANGNGANG 21:26

Anjo Hesybon iami ibukotana Karaeng Sihon. Le'baki a'bundu' siagang karaeng Moab nampa naalle daerana sa'genna mange ri Binanga Arnon bellana.

PAMMILANGNGANG 21:21

Nampa assuro tu Israel siapa are tau mange ri Sihon, karaeng Amori, untu' ampabattui anne pasanga, angkana,

PAMMILANGNGANG 21:29

He bansa Moab, cilaka mako! Tu manynyombaya ri Kamos, panrakko! Nibalang parekangko ri rewatanu a'jari tau a'lampa annompang, tubai'-bainenu a'jari tunitahangi ri karaeng Amori.

PAMMUJI 78:63

Turungkana ke'nanga nikanrei ri pepe'; tena ambuntingi tulolonna ke'nanga.

PAMMUJI 135:11

Sihon karaeng Amori siagang Og karaeng Basan, kammayatompa sikontu karaenga ri Kanaan.

YEREMIA 2:16

He Israel, nigoncimmi uu'nu ri tu Memfis siagang tu Tahpanhes.

YEREMIA 48:2

lanynya'mi nakalompoang pa'maika Moab. Naallemi musu Hesybon siagang anjorengi ke'nanga a'rancana untu' ampa'lanynya' kabusuki sikontu bansa Moab. Sikamma sa'raya ri kota Madmen lanipamari ngasengi, lanri anjo kotaya lanibunduki ri tantara.