YEREMIA 48:36 - KITTA' MATANGKASA'

³⁶ Sikontu kakalumanynyangnganna Kir-Heres siagang kabusu'na Moab lanynya'mi. Si'nai pa'maikKu anciniki katallassanna anjo ke'nanga; rapangA' tau appasa'ra suling kasusaang.

YEREMIA 48:36 Referans Kwoze

YESAYA 15:7

Nia' tau a'limbang ri pangka binangana Haarabim siagang nausahai ampasalamaki sikamma barang-baranna ke'nanga.

YESAYA 16:11

Ammarrangi kusa'ring siagang ancuruki pa'maikku anciniki sarenna Moab siagang Kir-Heres.

YESAYA 15:5

Kukamaseangi Moab! Pandudu'na a'lette'mi mange ri kota Zoar siagang Eglat-Selisia. Nia' angngambi' ri oloang mangea ri Luhit nampa angngarru'; nia' lari mange ri Horonaim nampa ammarrang-marrang natuju bala.

YEREMIA 17:11

Rapang jangang-jangang anggoppoki bayao teai bayaona, kammaminjo tau jekkonga anggappa pa'barang-barangngang. Ri attangnga umuru'na latappela' ngasengi barang-baranna. Ri kala'busang tallasa'na a'butti angkana ia tau dongo' sikali.

YEREMIA 4:19

Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.

YESAYA 63:15

O Batara, Kiparhatikangi battu ri suruga, battu ri pammantangang matangkasatTa siagang mala'birika. Kemae pangngamaseanTa siagang kabaranianTa? Kemae kalammoranTa siagang pangngarimanginTa? Tea' laloKi' tahangngi anjo untu' ikambe.

PANGNGEBARANG 18:11

Mingka tau kalumanynyanga nakana barang-baranna lanjagai kalenna sanrapang tembo' tinggi siagang kassa' ri tammulilina kotaya.

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

PANGNGEBARANG 11:4

Punna nadallekang kamateanga, tenamo matu-matunna barang-baranna; lasalamaki tallasa'nu punna te'ne pa'maikko.

2 KARAENG-KARAENG 3:25

siagang narumbang kota-kotana ke'nanga. Sikamma koko-koko coppong naoloa ke'nanga nasambilai batu. Kale'bakkanna sikontu kokoa katongkokang kabusu'mi ri batu. Natongko' tommi tu Israel sikontu timbuseng je'neka siagang nata'bammi sikontu poko' kayu rappo-rappoanga. Niaka ammantang tassesa iamintu kota Kir-Hareset mami, ibukotana Moab. Kala'busanna manna anjo kotaya nikurummi siagang nisambilai batu ri sikamma pasambilaya.

YEREMIA 48:31

Lanri kammana anjo langngarru' lompoA' untu' ikau ngaseng siagang untu' sikamma tau niaka ri Kir-Heres, ibukotana pa'rasangannu.