YEREMIA 48:27 - KITTA' MATANGKASA'

²⁷ Sai riolo le'baki nikakkali Israel ri Moab siagang napareki carita rapang angkanaya le'baki nirapikang ke'nanga siagang ngaseng palukkaka?

YEREMIA 48:27 Referans Kwoze

YEREMIA 2:26

Nakana Batara, “Rapang palukka' siri'-sirika ri wattunna nijakkala', kamma tomminjo batenu lasiri'-siri' ngaseng, he tu Israel, siagang sikamma karaenga, sikamma pamarentaya, siagang imang-imanga siagang sikamma na'bi-na'binu!

ZEFANYA 2:8

Nakana Batara Kaminang Koasaya, “Kulangngere'mi bansa Moab siagang Amon anghinai siagang ancau-caui ummakKu. A'bicara tampoi ke'nanga angkanaya lanarampasaki buttana ummakKu.

YEHEZKIEL 25:8

Nakana Batara Kaminang Tinggia, “Napaui Moab angkanaya anjo Yehuda sangkammai siagang bansa-bansa maraenga.

MATIUS 27:38

Nia' todong rua tau paella' naagang Isa nisalli'; se're ri sa'ri kananNa, se're ri sa'ri kairinNa.

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

ZEFANYA 2:10

Kammami anjo pandudu'na Moab siagang Amon lanihukkungi lanri katampoanna siagang kaborroanna ke'nanga, kammayatompa lanri le'ba'na nahina umma'Na Batara Kaminang Koasaya.

YEHEZKIEL 36:2

‘Ri wattunna bansa-bansaya ri tammulilinu nabundukiko siagang naellakko, nahinai ke'nanga sikontu Israel. Rannui ke'nanga a'bicara angkanaya kamma-kamma anne anjo sikamma bulu'-bulu' battu riolo dudua iami ke'nanga pata. Lanri kammana anjo he moncong-monconga siagang bulu'-buluka, pangka-pangka binangaya siagang sikamma ka'bunga, he kota-kota ancurukamo a'jari rumbangngang siagang nibokoiamo ri tau ammantanna, kammayatompa niellaka siagang nicau-caua ri bansa-bansa niaka ri tammulilina, pilangngeri apa kananNa Batara Kaminang Tinggia mae ri kau: Lalang a'rerena larroKu Kucallai bansa-bansa niaka ri tammulilinu siagang kammaya Edom, lanri rannuna anghinako, na naalle passa buttaKu siagang narampasa' parang-parang ruku'na. Kamma-kamma anne larroA' siagang a'jalloKa' lanri anjo bansa-bansaya sanna' dudu nahinanu siagang napakatunako.

YEHEZKIEL 35:15

sangkamma todong sannannu ri wattunna a'jari sino Israel Kupatanga. Moncong-moncong Seir, ba'lalo sikontu Butta Edom la'jari sino sikali. Jari sikontu taua lanaassemmi angkanaya iNakkemi Batara.’ ”

YEREMIA 18:16

Anne pa'rasanganga napa'jarimi ke'nanga tampa' appakaringi'-ringi', siagang tuli a'jari pa'rasangang nicau-cau. Sikontu tau allaloa ammenggong ngaseng ulunna lanri ringi'-ringi'na.

PAMMUJI 79:4

Nicau-caumi ikambe ri bansa-bansa siampi'na ikambe, nakakkalimi siagang nacau-caumi ikambe.

PAMMUJI 44:13

Kibalukangi ummatTa natena siapa anggaranna, siagang tena apa-apa passawallang Kigappa.

AYUB 16:4

Ebara' angkana ikau ngaseng antu inakke, nampa inakke a'jari ikau ngaseng, akkulle tonja' a'bicara kamma anjo. Kupitambungiangko bicara; lakupammenggong-menggongi ulungku.

PAMMUJI 64:8

Mingka Napabuccuki panaNa Allata'ala mae ri ke'nanga, nati'ring loko'mo ke'nanga.

PIRAUNG 1:7

Le'ba'namo runtung na nakasia' pa'risika, nau'rangi Yerusalem rewasa' le'ba' lalona, ri wattu jaina barang-baranna; antekamma batena tu'guru' mae ri kakoasanna musunna, na tena manna sitau ero' battu antulungi. Ammakkala' mami musu-musunna anciniki katu'guranna.

PIRAUNG 1:12

“He sikamma tunumaloa ri aganga, ciniki siagang parhatikangi! Maka nia' passessa sangkammaya lompona nulangngereka ri kamma-kammaya anne, passessa Napabattua Batara mae ri nakke, lanri pangngalarroi lompoNa?