YEREMIA 48:12 - KITTA' MATANGKASA'

¹² Mingka, lanarapiki sallang wattunna naKupassuroang sollanna nipatiri' Moab rapang anggoro', siagang sikamma tampa'na nikosongi siagang nireppeki.

YEREMIA 48:12 Referans Kwoze

NAHUM 2:2

Tojeng, laNapoterangi Batara kalompoanna tu Israel, sollanna a'jari sangkamma riolo, ri tenanapa niellaki ri musu-musunna.)

YEREMIA 48:38

Irate ri sikontu tompo'na ballaka siagang ri sikamma paranga, sangnging karru' mami nilangngere'. Nasaba' Moab le'ba'mi Kureppe' rapang katoang tenayamo ningai.

YESAYA 30:14

Laancurukko rapang uring butta tappokaraka na tassiara', sa'genna anjo reppe'na takkulleami nipake angngalle bara pepe' battu ri pappalluanga yareka untu' anynye'ro' je'ne' battu lalang ri ba' je'neka.”

PAMMUJI 2:9

Lanutepoki ke'nanga siagang takkang bassi na nupokara' sanrapang uring butta.’ ”

YEREMIA 48:15

Moab siagang kota-kotana le'ba'mi niancuru', siagang sikamma tau rungkana kaminang bajika le'ba'mi nibuno. INakkemi le'ba' a'bicara. INakke karaeng, Batara Kaminang Koasaya.

YEREMIA 48:11

Nakana Batara, “Battu riolo amangi tallasa'na Moab. Tale'bakai niengka' mange ri butta pammelakkanga. Ia rapangi je'ne' anggoro' nibolika sallo siagang tale'bakai nipatiri' antama' ri tampa' anggoro' maraenga. Anggoro'na tuli bau' iji siagang nyamangi.

YEREMIA 48:8

Kabusu'na kotaya laancuruki, tena manna se're lata'lappasa'. Ka'bung siagang lapparaka, lapanra' kabusuki. INakke, Batara, anne akkana.

YEREMIA 25:34

He pamimping-pamimpinga, he sikamma pakalawaki umma'Na Batara! Angngarru' lompoko! Anggulung-gulungko lalang ri aua, nasaba' narapi'mi wattunnu nibuno, siagang ia ta'lappasaka lanipasisa'la'-sa'laki. Lasanrapangko bongki lompoa anggaranna tu'guru' na reppe'.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 19:10

Nampa Nasuroa' Batara anreppeki anjo bongkia ri dallekanna ngaseng anjo tau niaka amminawang ri nakke.

YEREMIA 14:3

Sikamma palayanna tau kalumanynyanga nisuroi a'boya je'ne' ri kere-keremae; a'lampai ke'nanga mange ri sikamma bungunga mingka la'busu' ngasemmi je'neka. Tena bonena bongkia naeranga ke'nanga ammotere'. Lussa'mi natappu' minasa ke'nanga siri'-siriki ke'nanga na natongko' rupanna.

YESAYA 16:2

Attayangi tu Moab ri birinna Binanga Arnon nampa lingu pitijappa-jappai, rapang jangang-jangang nibongka battu ri ru'munna.

YEREMIA 48:13

Lala'bai pa'mai'na Moab mae ri Kamos, rewatana ke'nanga, sangkamma batena Israel la'ba pa'mai'na ri Betel ia napattoanga ke'nanga.