YEREMIA 47:4 - KITTA' MATANGKASA'

⁴ Narapi'mi wattunna bansa Filistin nipanraki kabusu', sa'genna tenamo nanggappa bantuang Tirus siagang Sidon. INakke, Batara, ampanraki kabusuki sikontu tu Filistin niaka tassesa battu ri Kreta.

YEREMIA 47:4 Referans Kwoze

AMOS 9:7

Nakana Batara, “He umma' Israel, Kuparhatikangi tu Sudan sangkamma batenu Kuparhatikang. Kuerangi tu Filistin battu ri Kreta siagang tu Siria battu ri Kir sangkamma ikau Kuerangko battu ri Mesir.

YESAYA 20:6

Anjo wattu sikamma tau niaka ammantang ri biring tamparanga lanakana, ‘Cini'mi apa kajarianga mae ri bansa nipattoanga untu' lalla'langiki' battu ri karaeng Asyur. Antekamma bateta lakkulle salama'?’ ”

PAOLE 2:23

Butta niaka ri siapa are la'buna ri biring Tamparang Tangngaya nipammantangngi ri tu battua ri pulo Kreta. Le'baki ke'nanga naancuru' tu Awi, iamintu pandudu' uru-uruna anjo pa'rasanganga, nampa napammantangngi ke'nanga anjo daeraya sa'genna mae ri kota Gaza ri patimboro'na.)

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

YEHEZKIEL 21:29

Anjo paccini' nucinika iamintu paccini' balle-balle, siagang anjo boto nupaua boto balle-balle todong. Ja'dalakko siagang dorakako, nampa wattu hukkungang kala'busannu a'reppese'mi. Anjo pa'danga lanapolongi kallonnu.

YEHEZKIEL 21:25

Nampa mae ri karaeng Israel Kukana, ‘He karaeng ja'dalaka siagang dorakaya! A'reppese'mi wattu hukkungannu kala'busanga.

YEHEZKIEL 7:12

Tasalloami nanarapi' wattunna, a'reppese'mi allonna! Tau ammallia siagang tau a'baluka tanggappayami passawallang apa-apa, lanri sikontuna taua lanituju ngasengi ri hukkunganNa Allata'ala.

YEREMIA 46:10

Mingka inakke, Yeremia kukanamo, iaminne allonNa Karaeng Allata'ala Kaminang Tinggia siagang Kaminang Koasaya; ri anjo alloa Napa'balassi sikontu musu-musunNa. Pa'danNa bassoroki angnganre tau siagang angnginung cera'. Anne alloa Batara Kaminang Koasaya, Nasamballei koro'bang-koro'banga wara', ri anjo birinna Binanga Efrat.

PAMMUJI 37:13

Mingka nikakkali ri Batara tu ja'dalaka, saba' Naassengi angkana a'reppese'mi kale'bakkanna.

LUKAS 21:22

Nasaba' iaminjo allo-allo nikanaya, ‘Allo-allo Kabattuanna Hukkunganga,’ sollanna a'rupamo apa le'baka tattulisi' lalang ri Kittaka.

YEHEZKIEL 30:8

Punna Kutunu Mesir siagang Kubuno kabusu' naaganga sita'gala', naassemmi ke'nanga angkanaya iNakkemi Batara.

YEHEZKIEL 25:16

Lanri kammana anjo laKupa'la'bangi Kupau angkanaya iNakke lambunduki tu Filistin siagang ampanraki ke'nanga. Sikamma niaka tassesa ri daera pa'birinna Filistin laKubunoi.

YESAYA 31:8

Laniancuruki Asyur lalang pa'bundukang, mingka teai lanri kagassinganna rupataua. Lalari tu Asyur battu ri tampa' pa'bundukanga, nampa lanipa'jari ata ngaseng sikamma tau rungkana ke'nanga.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

AYUB 9:13

Tena Natahangi Allata'ala larroNa siagang bambanna pa'mai'Na; manna sikamma pambantuna Rahab tundu' ngaseng todong mae ri Ia.

1 PATTOTTORANG 1:12

Patrusim, Kasluhim siagang Kreta. Iaminne ke'nanga boe-boena tu Filistin.

YOSUA 22:30

Sikontu anjo apa napakasingaraka suku Ruben, suku Gad siagang suku Manasye rayaya, nalangngere'mi Imang Pinehas siagang anjo sampuloa tau toa-toana tu Israel battua ri laukanna Binanga Yordan. Jari baji'mi naassenna ke'nanga anjo passalaka.

PA'JARIANG 10:15

Sikamma ana'na Kanaan, iamintu Sidon ana' toana siagang Het.

YESAYA 14:31

Appiraung mako, siagang ammarrang mako appala' tulung, he kota-kota Filistin! Siratangko gegere' ngaseng napakamma malla'! Rammang limbu'buka naiki battu wara' a'jari pammatei ri kabattuanna musua; tena tau ballorang ri ke'nanga.