YEREMIA 46:16 - KITTA' MATANGKASA'

¹⁶ Jai tantaranu latatto'ro siagang tu'guru'. Nakana ke'nanga massing para ia, ‘Umba kimmotere' mange ri bansata sollanna kikkulle ta'lappasa' battu ri bahayana pa'danna musua.’

YEREMIA 46:16 Referans Kwoze

YEREMIA 51:9

Tau annompanga ammantang anjoreng massing nakanamo para ia, ‘Niusahaimi antulungi Babel, mingka tala'mi! Bajikangngang nibokoimi anne pa'rasanganga nakimassing ammotere' mange ri pa'rasanganta. Nahukkummi Batara Babel siagang hukkungang lompo, naancuru' taba sikalimi.’ ”

YEREMIA 50:16

Teako lappassangngi taua a'lamung-lamung yareka akkatto ri anjo pa'rasanganga. Sikontu tau annompanga ammantang anjoreng lammotere' ngasengi ri pa'rasanganna lanri mallaki ke'nanga ri tantara battua ambunduki Babel.”

YEREMIA 46:21

Ba'lalo sikamma tantara sewana tena pakkullena sanrapang ana' sapi co'mo' dudua. Takkulleai ke'nanga attahang. Kabusu'na a'gilingi nampa lari sollanna salama'. Battumi allonna ke'nanga lanihukkung; narapi'mi wattunna ke'nanga nituju ri bala.

YEREMIA 46:6

Ia laccirika tanakulleai lari, ia barania takkulleai ta'lappasa' battu ri musua. Tatto'roi ke'nanga siagang tu'guruki wara', ri birinna anjo Binanga Efrat.