YEREMIA 46:12 - KITTA' MATANGKASA'

¹² Katallassannu appakasirika, niassemmi ri bansa-bansaya. Sa'ra ammarrannu nilangngere'mi ri sikontu linoa. Tantara se'rea tatto'roi ri tantara maraenga; para tu'guruki ke'nanga ta'bentang naung ri buttaya.

YEREMIA 46:12 Referans Kwoze

YEREMIA 46:6

Ia laccirika tanakulleai lari, ia barania takkulleai ta'lappasa' battu ri musua. Tatto'roi ke'nanga siagang tu'guruki wara', ri birinna anjo Binanga Efrat.

YEREMIA 14:2

“Si'nai pa'mai'na Yehuda a'birimmi kamma mate kota-kotana. Anra'bami naung taunna ri buttaya nakkunrareng. Ammuriciki Yerusalem appala' tulung.

YESAYA 19:2

Nakana Batara, “LaKupa'jari pa'bundukanga ri para tussari'battanga ri Mesir: Sari'battang ambaliangi sari'battanna, siampi' balla'na ambaliangi siampi' balla'na, kota se'reanga ambaliangi kota maraenganga siagang kakaraengang se'rea ambaliangi kakaraengang maraengannaya.

ZEFANYA 1:10

Nakana Batara, “Ri anjo alloa lania' kalangngerang sa'ra karru' ri Pakke'bu' Lompo Juku'. Sa'ra piraung lakalangngerang battu ri kampong berua, siagang sa'ra runtung heba' lammarrung battu ri bulu'-buluka.

YEREMIA 51:54

Nakana Batara, “Pilangngeri! Ri Babel lammarrangi siagang langngarruki taua napakamma si'na lanri kaancurang kajarianga ri anjo pa'rasanganga.

YEREMIA 49:21

Punna tu'guruki Edom, lania' kalangngerang karicuang sannaka lompona sa'genna ta'goccang sikontu linoa; sa'ra-sa'ra pakkio'na pandudu'na lakalangngerangi sa'genna mange ri Tamparang Alara'.

YEREMIA 48:34

Tu Hesybon siagang tu Eleale angngarruki, nakalangngerang karru'na sa'genna mange ri Yahas, siagang kalangngerang tongi mae ri tau battua ri Zoar sa'genna mange ri Horonaim siagang Eglat-Selisia. Angngarruki ke'nanga lanri manna je'neka ri pangkana Binanga Nimrim kalotoro' ngasemmi.

YESAYA 10:4

Ia mami sarennu iamintu nibunoa lalang bundu' yareka nieranga a'lampa a'jari tunitahang. Mingka tuli larroNa ija Batara siagang tuli Nahukkunna ija ke'nanga.

1 SAMUEL 5:12

Tau tenaya namate, nitabai ri anjo garring akkambu'-kambussuluka, sa'genna ammarrang-marrang pandudu'na anjo kotaya mae ri rewata-rewatana ke'nanga, appala' tulung.

YESAYA 24:11

Lakkio'-kioki taua ri agang-aganga lanri kala'busangi ri je'ne' anggoro'. Tenamo karannuang ri anjo pa'rasanganga sa'genna satunggu-tungguna.

YEREMIA 2:36

Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

YEREMIA 47:2

Nakana Batara, “Ciniki, assolongi je'neka battu wara' siagang allumpai sangkamma binanga a'baya antujui pa'rasanganga siagang bonena, kota-kotaya siagang pandudu'na. Lammarrangi taua appala' tulung siagang sikontu ra'yaka appiraungi.

YEREMIA 50:46

Punna tu'guru' Babel, nia' lakalangngerang sa'ra sannaka gegere'na, sa'genna ta'goccang sikontu linoa; sikamma sa'ra ammarranna panduduka lakalangngerangi mae ri bansa-bansa maraenga.”

NAHUM 2:5

Sikamma perwiraya nikioki maju; tatto'roa tojeng ri wattunna a'bakka. Akkaro-karoi ke'nanga mange ri tembo'na kotaya napaenteng linta' balo' panrumbanga.