YEREMIA 44:7 - KITTA' MATANGKASA'

⁷ Siagang kamma-kamma anne, iNakke, Batara Kaminang Koasaya, iamintu Allata'alana Israel, akkuta'nangA' angkana apa saba'na nanugaukang anjo apa-apa appabattua bala lompo mae ri kalennu. Apaka erokko ampanraki sikontu taua – bura'ne, baine, ana'-ana', siagang ana' lolo – sa'genna tena manna sitau battu ri bansanu ammantang?

YEREMIA 44:7 Referans Kwoze

HABAKUK 2:10

Mingka anjo rancananu poro kasirikang bawang naerang mae ri kaluarganu. Lanri nuella'na jaia bansa, na nurugikammo kalennu.

YEREMIA 51:22

Kupakeko untu' ambunoi bura'nea siagang bainea, tau toaya siagang tau rungkaya, tau loloa siagang rungka tenayapa bainenna.

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

YEREMIA 44:14

Battu ri tu Yehuda tassesaya, ia a'lampayamo mange ri Mesir untu' ammantang anjoreng, tena manna sitau lata'lappasa' yareka attallasa'. Tena manna sitau battu ri ke'nanga lakkulle ammotere' mange ri Yehuda, manna pole nasanna' ero'na ke'nanga. Tojeng, tena manna sitau lakkulle ammotere' pantaranganna siapa are tau a'lilia untu' annompang.”

YEREMIA 9:21

Antama'mi kamateanga ri tontonganga, annarrusu' antama' ri balla' karaenga; nabakkai ana'-anaka ri aganga kammayatompa turungkaya ri paranga.

YEREMIA 7:19

Mingka sikontutojenna, teai iNakke napa'risi ke'nanga, passangalinna kalenna tonji ke'nanga, sa'genna siri'-siri' nakasia' ke'nanga.

PANGNGEBARANG 15:32

Tau taeroka nipakainga', tena napakala'biriki kalenna; tau eroka nipasaile, a'jari bajiki akkala'na.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”

HAKING-HAKING 21:11

Niparentakangi ke'nanga ambunoi sikontu tu bura'nea, siagang sikontu baine tenayamo natulolo.

YOSUA 6:21

Sikamma tau niaka lalang ri anjo kotaya, tau toa yareka tau rungka, bura'ne yareka baine, nabuno ngasemmi ke'nanga siagang pa'dang. Manna sikontu olo'-oloka kammayami sapi, gimbala', siagang keledai nabuno ngaseng tongi ke'nanga.

PAOLE 32:25

Bundu' angngeranga kamateang niaki ri sikamma oloanga, manna ammantanga ri balla' nabattui todong malla'. Turungkana bansaya lamatei, ana' lolo na tau toa dudu tena passangalinna.

YEREMIA 44:8

Apa saba'na nanugaukang apa-apa ampabattuai larroKu? Battuko mae siagang ammantangko ri Mesir, pa'rasangang tenaya nuassengi, nampa anynyombako barhala siagang assareko koro'bang mae ri anjo rewata-rewataya! Apaka erokko angngancuruki kalennu sollannu nihina ri sikontu bansaya ri lino siagang nipake arennu salaku pattunra?

YEREMIA 42:20

angkanaya le'ba' mako appare' kasalang lompo. Nupalaki sollangku appala' doang mae ri Karaeng Allata'alata untu' ikau ngaseng, siagang a'janjiko untu' anggaukangi sikontu apa Napaua Batara.

YEREMIA 26:19

Mingka Karaeng Hizkia siagang tu Yehuda tena nabunoi Na'bi Mikha. Ba'lalo malla'mi Hizkia mae ri Batara siagang napala'mi sollanna nanikamaseang. Jari taNapa'jariami Batara anjo ero'Na untu' ampabattui cilakaia mae ri ke'nanga. Na kamma-kamma anne, sike'de' mamaki' anne appabattu cilaka lompo mae ri kalenta.”

YEREMIA 25:7

Mingka KalenNa Batara angkana, angkanaya tena numappilangngeri mae ri Ia. Ba'lalo nupanaiki larroNa lanri anjo barhala-barhalanu. Ikau ngaseng kalennu ampabattui hukkunganNa mae ri kalennu.

PANGNGEBARANG 8:36

Inai tena nabuntulukka', napakarugi kalenna; tau birisika ri nakke, natanringi kamateanga.”

PANGNGEBARANG 1:18

mingka anjo tau ja'dalaka ba'lalo kalenna tonji ke'nanga natannangngi sikko', iamintu sikko' lambalai kalenna ke'nanga.

1 SAMUEL 22:19

Nasuro buno tommi Saul sikontu pandudu'na Nob, anjo kota imanga; bura'-bura'ne, baine, ana'-ana' siagang ana' lolo, kammayatompa sapi, keledai, siagang gimbala', yangasenna nibuno ngasengi.

YEREMIA 3:24

Lanri anynyombana ikambe ri rewata appakasiri'-sirika anjo natappela'mo ana'-ana'na ikambe kammayatompa olo'-olo' sapi siagang gimbala'na ikambe, iamintu sikontu apa le'baka nausahai boe-boena ikambe battu riolo dudu.

PIRAUNG 2:22

Kikioki musu-musu nakamallakkanga ikambe untu' assua'-suara' ja'dala' ri tammulilina ikambe. Nabuno kabusuki ke'nanga sikontu le'baka naparakai siagang nasayanga ikambe. Ri wattu larroTa, tena manna sitau akkulle lari.

YEREMIA 25:6

Napisangkaiko anjo na'bi-na'bia anynyomba siagang assambayang mae ri rewata-rewata maraenga. Napisangkaiko ke'nanga anynyomba ri barhala-barhala nupareka kalennu, nasaba' anjo kammaya napakalarroi Batara. Punna nuturuki anjo parentaNa Batara, tena Nahukkungko.

YEREMIA 38:17

Jari kupaumi mae ri Zedekia angkanaya Batara Kaminang Koasaya, Allata'ala nisombaya ri tu Israel, akkana kammai anne, “Punna manyarako mae ri pagawe-pagawena karaeng Babel, tena nulanibuno, siagang anne kotaya tena todong nalanitunui. Ikau siagang kaluarganu lasalamakko.

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.